ပရန္နဝါရွက်ရဲ့ဆေးဖက်ဝင်ပုံ
ပရန္နဝါရွက်လေးတွေထွက်တဲ့ပရန္နဝါဆိုတဲ့အပင်ကို တွေ့ဖူးတဲ့လူရှားပါလိမ့်မယ်။ ဒါပေမဲ့ငယ်ငယ်ကရွတ်ခဲ့ဖူးတဲ့ ချိုပေစွ ဟင်းချိုကဗျာလေးကိုတော့ သိသူများမယ်ထင်ပါတယ်။
“အိမ်ကိုပြန်လျှင်၊ အကျွန်ကျွန်ုပ်
ယုန်တစ်တုတ်ကို၊ ခွာဆုတ်ရေလှန်
ကျပ်ခိုးခံလို့၊ ပရန္နဝါ
ရွက်နုဝါကို၊ ဝါးပြာထည့်ကျို
အိုးနားတိုနှင့်၊ ခပ်ချိုညစ်တေ
ဆောင့်ကြောင့်ထိုင်၊ မွှေလိုက်တယ်
ချိုပေစွဟင်းချိုကို
စလောင်းတို အခြေပဲ့နှင့်
အာခေါင်မှာ၊ ပူအောင်ထည့်လို့
မျို့လှည့်ကွဲ့လေး။” ဆိုတဲ့ စာပိုဒ်လေးကိုရွတ်ရင်း ရင်းနှီးခဲ့ဖူးမယ်ထင်ပါတယ်။
ပရန္နဝါရွက် ဆိုတာက ပရန္နဝါဆိုတာကမြေလျှောက်ပင်ငယ်လေးတစ်မျိုးဖြစ်ပြီး အရိုးတံ ကြွပ်ဆတ်ဆတ်နဲ့ အရွက်ဝိုင်းဝိုင်းလေးတွေရှိတဲ့အပင်ငယ်လေးတစ်ပင်ပါ။ ပရန္နဝါပင်လေးတွေကအဖြူ၊ အပြာ၊ အနီဆိုပြီးအမျိုးမျိုးကွဲပြားကြပေမဲ့ ဒီကဗျာလေးထဲကပရန္နဝါကတော့ ပန်းရောင်အပွင့်လေးတွေပွင့်တက်ပြီး စားလို့ရသလိုဆေးဖက်လည်းဝင်ပါတယ်။
မိုးစရွာလာတဲ့အခါမျိုးမှာ လယ်ကွင်းတွေကွင်းပြင်တွေမှာပေါက်ရောက်တက်ကြပြီး အများစုကတော့သေးငယ်လွန်းတဲ့မြေလျှောက်ပင်ဖြစ်တဲ့ ပရန္နဝါပင်လေးတွေကို ပေါင်းပင်လေးများနဲ့ မှားတက်ကြပါတယ်။ သူ့ရဲ့ဆေးဖက်ဝင်မှုတွေက တော်တော်လေးတော့များပါတယ်။
ပရန္နဝါပင်ကဘယ်လိုဆေးဖက်ဝင်တာလဲ?
စိတ်ဖိစီးမှုကိုသက်သာစေနိုင်တယ်
ပရန္နဝါရွက်က စိတ်ဖိစီးမှုကိုတိုက်ဖျက်ပေးနိုင်တဲ့အာနိသင်ရှိပါတယ်။ ဒါ့ကြောင့် စိတ်ဓာတ်ကျသူတွေစိုးရိမ်ပူပန်စိတ်များတဲ့သူတွေအနေနဲ့ ပရန္နဝါရွက်ကိုစားသုံးပေးသင့်ပါတယ်။ ကိုယ်ခံအားကောင်းစေဖို့လည်း အကောင်းဆုံးထောက်ပံ့ပေးနိုင်ပါတယ်။
နာကျင်ရောင်ရမ်းမှုကိုသက်သာစေနိုင်ပါတယ်
ဒီအရွက်ကိုစားသုံးပေးမယ်ဆိုရင် နာကျင်ရောင်ရမ်းမှုကို သက်သာစေနိုင်တဲ့အာနိသင်ရှိပြီး နှလုံးရောဂါ၊လေးဖက်နာရောဂါ၊ ဆီးချိုနဲ့ပန်းနာရင်ကျပ်ရောဂါတွေကြောင့် ခန္ဓာကိုယ်မှာဖြစ်တဲ့နာကျင်ရောင်းရမ်းမှုကို သက်သာစေနိုင်ပါတယ်။ ထိခိုက်မှုတွေကြောင့်ဖြစ်တဲ့ အရေပြားရောင်ရမ်းမှုကိုလည်း သိသိသာသာသက်သာစေနိုင်ပါတယ်။
ဆီးချိုသက်သာစေနိုင်တယ်
ပရန္နဝါရွက်ကိုစားသုံးပေးတာ ဆီးချိုသမားတွေအတွက် တော်တော်လေးအထောက်အကူပြုပေးနိုင်ပါ တယ်။ သံဓါတ်ကြွယ်ဝတာကြောင့်သွေးအားနည်းရောဂါမဖြစ်အောင်ကာကွယ်ပေးပါတယ်။ သွေးတွင်းသကြားဓါတ်ကိုထိန်းညှိပေးပြီး အင်ဆူလင်ထွက်ရှိမှုကောင်းအောင်လှုံဆော်ပေးပါတယ်။ ဆီးချိုကာကွယ်ချင်သူတွေရော ဆီးချိုရောဂါခံစားနေရသူတွေပါ စားသုံးပေးသင့်ပါတယ်။
အရေပြားကျန်းမာစေနိုင်တယ်
အနာကျက်စေနိုင်ပြီး ထိခိုက်ဒဏ်ရာကြောင့်ဖြစ်တဲ့နာကျင်ရောင်ရမ်းမှုကို သက်သာစေနိုင်ပါတယ်။အရေပြားကိုထိခိုက်စေနိုင်တဲ့မှိုပိုးတွေ၊ ဘက်တီးရီးယားတွေကို ထိထိရောက်ရောက်တိုက်ဖျက်ပေးနိုင်ပါတယ်။ အရေပြားပြဿနာအမျိုးမျိုးအတွက် ပရန္နဝါရွက်ကို သုံးပေးလို့ရနိုင်ပါတယ်။
အသက်ရှုလမ်းကြောင်းကိုကျန်းမာစေနိုင်ပါတယ်
ပရန္နဝါရွက်က နာကျင်ရောင်ရမ်းမှုကိုသက်သာစေနိုင်ပြီး ဘက်တီးရီးယားတွေကိုတိုက်ဖျက်ပေးနိုင်တာကြောင့် အသက်ရှုလမ်းကြောင်းတလျှောက်မှာ ဖြစ်တက်တဲ့ရောင်ရမ်းမှုကိုသက်သာစေနိုင်ပါတယ်။နှာခေါင်းပိတ်တာကိုသက်သာစေနိုင်ပါတယ်။ နှာခေါင်းပိတ်တာအပြင် ပန်းနာရင်ကျပ်ရောဂါကိုလည်းသက်သာစေနိုင်ပါတယ်။ အသက်ရှုလမ်းကြောင်းရောဂါတွေအတွက် ပရန္နဝါရွက်ကိုငရုတ်ကောင်း၊ ဂျင်းတို့နဲ့ရောစပ်ပြီးစားသုံးပေးလို့ရပါတယ်။
ကိုးကား- hellosayarwon.com
ဆက်စပ်ဆောင်းပါးများ
အသံ
ကျွန်တော်တို့မီးဖိုချောင်ထဲက သစ်ကြံပိုးခေါက်က အစစ်လား... အတုလား?
Thein Soe Min
မြန်မာနိုင်ငံတွင် အဖြစ်များဆုံးသော ရောဂါ - ခံတွင်းကင်ဆာ
Dr. Kyaw Phyo Lwin
စိုက်ပျိုး၊ မွေးမြူသူများ ဖြစ်လေ့ရှိသော အရေပြားရောဂါ (၃) မျိုး
Dr. Kyaw Phyo Lwin
ဆက်စပ်မေးခွန်းများ
ကျနောရဲ့လယ်ကွက်ထဲကမြက်ကြိမ်ပင်အမြစ်နှင့်အငုပ်တွေကအရွက်မရှိဘူးဆရာဂလိုင်ဖိုဆေ့့ဖြန်ရင်သေနိုင်မလားဘာလုပ်ရင်ကောင်းမလဲ။လက်နှင့်ကောက်ရင်မဖြစ်နိုင်လို့ပါ။
U Win Zaw • ဖြေကြားချက် 1 ခု
ဆရာအားတော့နာပါတယ်ဖြေပေးပါအူးဆျာ ခရမ်းချဥ်က နိုဝင်ဘာလကုန် လောက်ထိပဲ ခူးရမှာဆိုတော့ ကျွန်တော်လေ ခရမ်းချဥ် တန်းထားတဲ့ တိုင်တွေမှာ 15 ပတ်လည်ခံပီး ပဲတောင့်ရှည်ခံပီးစိုက်ချင်ပါတယ်ဆရာ အရင်နှစ်တွေတုန်းကတော့စိုက်ဖူးပါတယ်ဆရာအဆင်ပြေတယ်ဆရာ ဒီနှစ်ရောစိုက်လို့လို့ရနိုင်မလားဆရာ ရနိုင်ရင်မျှားနီ ဧကရီ 111 ၅ ထုတ်လောက် စိုက်ချင်လို့ပါဆရာ ပဲကအထွက်ကောင်းတယ်ဆရာ တစ်ပိဿာကို 5000 ထိရောင်းနေရတယ်ဆရာ အကြံပေးပါအူးဆျာ
U Yan • ဖြေကြားချက် 4 ခု
ဘာရောဂါဖြစ်တာလဲ သိပါစေ ကာကွယ်နည်းလဲသိပါရစေ
U Maung • ဖြေကြားချက် 3 ခု
ဆရာ နံနံပျိုးနည်းလေးသိချင်ပါတယ်ဆရာ နံနံစေ့ကို ခနခနစိူက်တယ်မဖြစ်လာလို့ဆရာ ဇီးပင်အောက်မှာစိုက်တယ် ခရမ်းခေါင်းပင်အောက်မှာစိုက်တယ် အပင်တော့ပေါက်လာတယ် ဖြစ်မလာဘူး အပင်လေးတွေလဲ ပီး အပင်ဖြစ်မလာဘူးဆရာ
U Yan • ဖြေကြားချက် 3 ခု
ဆရာတို့ရေ ဂန္ဓမာပန်းခင်းမှာအခုလိုပုံမှာတင်ထားတဲ့အတိုင်း ဖြစ်နေလို့ပါ။ဘာဆေးဖျန်းရမလဲ အကြံဉာဏ်ပေးကြပါအုံးဗျာ
Ko Myo Tint • ဖြေကြားချက် 2 ခု
နောက်ဆုံး ဆောင်းပါးများ
ကိုယ်တိုင်ပြုလုပ်နိုင်တဲ့ homemade ကော်ဖီ scrub
30/09/2026
အစိမ်းရောင်လမ်း Viber (09-5053570) ကို ဆက်သွယ်ထားသော မိတ်ဆွေများသို့
30/09/2026
GIS နည်းပညာက ခေတ်သစ်စိုက်ပျိုးရေးကို ဘယ်လိုတိုးတက်ပြောင်းလဲစေနိုင်သလဲ?
30/09/2026
ကျန်းမာရေးနှင့်ညီညွတ်သော အစာစားနည်းများ (အပိုင်း-၅)
29/09/2026
မုန်တိုင်းငယ်၏ တိုက်ရိုက် သက်ရောက်မှုကြောင့် ၇ ရက်အတွင်းဖြစ်ပေါ်မည့် မိုးလေဝသအခြေအနေ
29/09/2026
More from မထက်ယမင်းဦး
အားလုံး
ပဲပင်ပေါက်စားသုံးပေးရင် ရရှိနိုင်မယ့် အကျိုး (၆)မျိုး
06/10/2021
ပင်စိမ်းပင်၏ ကျန်းမာရေးအကျိုးကျေးဇူးများ
22/09/2021
ကြက်ဟင်းခါးသီးဖျော်ရည်မှ လူသိနည်းတဲ့ကျန်းမာရေးအကျိုးကျေးဇူးများ
09/09/2021
ခရမ်းရောင်သမ်းတဲ့အသီးအနှံတွေကပေးတဲ့ ကျန်းမာရေးကောင်းကျိုး ၅ခု
17/12/2020
ကညွတ်ရဲ့ကျန်းမာရေးအကျိုးကျေးဇူးများ
22/10/2020
