ဆရာခင်ဗျ 24d ပေါင်းသတ်ဆေးဂျုံခင်းမှာဖြန်းချင်လို့ပါဂျုံနှံလေးတွေထွက်နေပြီမို့ဖြန်းလို့အဆင်ပြေနိုင်မလားခင်ဗျ
တီကောင်မွေးမြူရေးနည်းပညာနှင့် တီကောင်မျိုးရနိုင်မည့်နေရာ၊ ဈေးနှုန်းများသိချင်ပါတယ်။
ဆရာပျိုးထောင်ပြီးပြန်စုက်တဲ့စပါးတွေကခုလိုဝါနေတယ်ဆရာဘယ်လိုပြန်လိုက်ရမလဲအကြုံပြုပါအုံး
@မောင်ခိုင်လင်းထွန်း ပုံအရ စပါးပင်တွေ ဝါခြောက်နေတာဟာ ဘက်တီးရီးယားရွက်ခြောက်ရောဂါ (BLB)ကျတယ်ယူဆပါတယ်။ ရောဂါ တစ်ခုတည်းကြောင့်မဟုတ်ဘဲ ရေဝပ်မှုနဲ့ မြေဆီလွှာပြဿနာတွေကြောင့် ဖြစ်နိုင်ခြေပိုများပါတယ်။ ရွှေ့ပြောင်းစိုက်ပြီးခါစ စပါးပင်ငယ်တွေ အမြစ်မစွဲနိုင်ဘဲ ရေဝပ်၊ငတ်ဒဏ်၊ မြေချဉ်/ဆားပေါက်ဒဏ်တွေ ခံနေရတာ ဖြစ်နိုင်ပါတယ်။ ဒါကြောင့် လယ်ကွက်ထဲကို ရေချို ချက်ချင်းသွင်းပေးပြီး တစ်ရက်နှစ်ရက်နေရင် ရေဟောင်းဖောက်ထုတ်ကာ ရေသစ်ပြန်သွင်းပေးပါ။ Copper oxychloride, Copper hydroxide, Kasugamycin, Bismerthiazole Oxolinic acid ဘက်တီးရီးယားသတ်ဆေးတစ်မျိုးမျိုး သီးသန့်ဖျန်းပေးပါ။ထို့နောက် ရောဂါထိန်းနိုင်သွားရင်အပင်ပြန်လန်းလာစေဖို့ အမြစ်အားကောင်းဆေး (Humic acid) ဖျန်းပေးပါ။ စပါးဘက်တီးရီးယားရွက်ခြောက်ရောဂါဟုတ်မဟုတ် သိနိုင်ရန်အနီးကပ်ပုံများမြင်ရရင်ပိုမိုခွဲခြားပေးနိုင်ပါမယ်ခင်ဗျာ။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ
ဘိုကာရှီနဲ့အာမို15ပတ်လည်နှပ်ထားတဲ့ထဲကိုထရိုင်ကိုဒါးမားပါရောထည့်လို့ရလားဗျ။သိချင်လို့ပါ
@ko paing ဘိုကာရှီနဲ့ အာမို (၁၅ ပတ်လည်) ကို စတင်နှပ်ထားချိန်မှာ ထရိုင်ကိုဒါးမား (Trichoderma) ကို တစ်ပါတည်း ရောမထည့်သင့်ပါဘူး။ အကြောင်းကတော့ မြေဆွေးနှပ်နေစဉ်အတွင်း ထွက်ပေါ်လာတဲ့ အပူချိန်မြင့်မားမှု၊ အချဉ်ဓာတ် (pH) ပြောင်းလဲမှုနဲ့ ဓာတ်မြေဩဇာရဲ့ ဆားငန်ဓာတ်ပြင်းအားတွေကြောင့် အကျိုးပြုမှိုဖြစ်တဲ့ ထရိုင်ကိုဒါးမားတွေ သေဆုံးသွားနိုင်လို့ပါ။ ဒါ့အပြင် ဘိုကာရှီနှပ်ရင် လေလုံအောင် ပိတ်ထားရပေမယ့် ထရိုင်ကိုဒါးမားက လေ (အောက်ဆီဂျင်) ရမှ ရှင်သန်ပွားများနိုင်တာ ဖြစ်ပါတယ်။ ဒါကြောင့် ပဲတောင့်ရှည်ခင်းထဲ အသုံးပြုဖို့အတွက် ဘိုကာရှီနဲ့ ၁၅ ပတ်လည်ကို နှပ်ပြီးလို့ အပူငွေ့အေးသွားချိန် စိုက်ခင်းထဲ ကျွေးပြီးအချိန် ရောက်မှသာ ထရိုင်ကိုဒါးမားကို သီးသန့်အသုံးပြုတာ အကောင်းဆုံး ဖြစ်ပါတယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ
ဓာတုနဲ့ ဇီဝ မရောရပါဘူး။သုံးချင်ရင် အကြိမ် ခွဲခြားသုံးပါ။
ပုံပါမြက်ကိုနိုင်သောေရွးခြယ်ဆေး ကိုညွှန်ပြပေးပါခင်ဗျာ။
စပါးပင် ၂၀-၂၅ရက်သားအရွယ်(ပေါင်းပင် ၂-၄ရွက်)အစိုဓာတ်ကောင်းချိန်၊Bentazone ကို အညွှန်းအတိုင်းဖျန်းပါ
@အောင်မင်း ပုံပါပေါင်းပင်သည် စပါးခင်းများတွင် အဖြစ်များသော မုန်ညင်းအုပ်စုဝင် မြက်မုန်ညင်း (သို့မဟုတ်) မြက်ကွမ်းသီးလေး ဖြစ်ပါတယ်။ ၎င်းကို စပါးပင်မထိခိုက်ဘဲ နှိမ်နင်းရန်အတွက် Bispyribac-sodium၊ Pyrazosulfuron-ethyl သို့မဟုတ် Bensulfuron-methyl, 2,4-D (သို့မဟုတ်) Chlorimuron-ethyl + Metsulfuron-methylပါဝင်သော စပါးရွေးချယ်ပေါင်းသတ်ဆေးများကို အသုံးပြုနိုင်ပါတယ်။ စပါးသက်တမ်း ၁၅ ရက်မှ ၂၅ ရက်သားအတွင်း ပေါင်းပင် ၂ ရွက်မှ ၄ ရွက်ထွက်စ အပင်ငယ်ချိန်တွင် ရေဖောက်ထုတ်၍ ဆေးဖျန်းပေးရမည်ဖြစ်ပြီး ဆေးဖျန်းပြီး ၂ ရက်အကြာတွင် ရေပြန်သွင်းပေးခြင်းဖြင့် အထိရောက်ဆုံး နှိမ်နင်းနိုင်ပါတယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ
လေးစားရပါသော တောင်သူကြီးများခင်ဗျာ... ဖရဲစစိုက်မှာမို့ ဖရဲအထွက်ကောင်းတဲ့ စိုက်ပျိုးနည်းလမ်းဝေမျှပေးပါအုံး ခင်ဗျာ...တောင်သူကြီးများခကျန်းမာ ချမ်းသာကြပါစေ...ခင်ဗျာ။
@U BHONE THWE HTAN https://greenwaymyanmar.com/posts/water_melon၊ဒီ ဆောင်းပါးမှာလေ့လာပါ ၊ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ
မင်္ဂလာပါ စိုက်ပျိုးရေးပညာရှင်များခင်ဗျာ။ ကျွန်တော့်စပါးခင်းမှာ ဂုတ်ကျိုးရောဂါ ဝင်နေပါတယ်။ လက်ရှိ စပါးက နို့ရည်ဝင်အဆင့်တော့ကျော် ဖြစ်ပါတယ်။ ရိတ်သိမ်းဖို့ ရက် ၂၅ခန့် လိုပါသေးတယ်။ စပါးခင်းတစ်ခင်းလုံး ရောဂါပျံ့နှံ့နေပါတယ်။ စပါးနှံ ၃၀% ခန့် ဂုတ်ကျိုးပြီး ဖြူခြောက်နေပါတယ်။ ရောဂါကလည်း နေ့စဉ် တိုးလာနေပါတယ်။ မေးချင်တာက— ၁။ ဒီအချိန်မှာ မှိုသတ်ဆေး ဖျန်းသင့်ပါသလား။ ၂။ ဖျန်းသင့်တယ်ဆိုရင် ဘယ်ဆေးအမျိုးအစား သုံးသင့်ပါသလဲ။ ၃။ ရိတ်သိမ်းဖို့ ရက် ၃၀ သာလိုတော့တဲ့အတွက် ဘယ်ဆေးက သင့်တော်ပါသလဲ။ ၄။ ကျန်ရှိနေတဲ့ စပါးနှံတွေကို ရောဂါမထပ်ပြန့်အောင် ကာကွယ်နိုင်ပါသလား။ အခုပုံက ရိုက်ထားတာ ၂ရက်ရှိပါပီဗျာ အကြံဉာဏ်ပေးကြပါဦးခင်ဗျာ။ ကျေးဇူးတင်ပါတယ်။
@Nyi Nyi Aung စပါးနို့ရည်ဝင်အဆင့်ကျော်ပြီး ရိတ်သိမ်းရန် ၂၅ ရက်မှ ၃၀ ရက်ခန့်သာ လိုတော့သည့်အချိန်တွင် ဂုတ်ကျိုးရောဂါ ပျံ့နှံ့နေပါက မှိုသတ်ဆေး အမြန်ဆုံး ပက်ဖျန်းသင့်ပါတယ်။ ဆေးမဖျန်းပါက ကျန်ရှိနေသော စပါးနှံကောင်း ၇၀ ရာခိုင်နှုန်းပါ ကူးစက်ပျက်စီးသွားနိုင်ပါတယ်။ သို့သော် ရိတ်သိမ်းခါနီးပြီဖြစ်သဖြင့် စပါးစေ့ထဲတွင် ဓာတုဆေးဓာတ်ကြွင်း အန္တရာယ်ကင်းစေရန် ဆေးဖျန်းပြီး ရိတ်သိမ်းရမည့် စောင့်ဆိုင်းရက် (PHI) ၁၄ ရက်မှ ၂၁ ရက်ခန့်သာ ရှိသော ပင်လုံးပြန့်မှိုသတ်ဆေးများကို ရွေးချယ်အသုံးပြုရပါမယ်။ အထူးသဖြင့် အဇိုဇီစထရိုဘင် (Azoxystrobin) နှင့် ဒိုင်ဖီနိုကိုနာဇိုး (Difenoconazole) အရော၊ သို့မဟုတ် ထရိုင်ဆိုက်ကလာဇိုး (Tricyclazole) နှင့် ပရိုပီကိုနာဇိုး (Propiconazole) အရောပါဝင်သော ဆေးများသည် ယခုအချိန်တွင် အသင့်တော်ဆုံး ဖြစ်ပါတယ်။ မှိုသတ်ဆေးသည် ဂုတ်ကျိုးပြီးသား အနှံဟောင်းများကို ပြန်မကောင်းစေနိုင်သော်လည်း အကောင်းပကတိ ကျန်နေသေးသည့် အနှံများဆီ ရောဂါမကူးစက်အောင် ထိရောက်စွာ ကာကွယ်ပေးနိုင်ပါတယ်။ ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ
ရိတ်ဖို့ တလလိုသေးရင် တကြိမ်ဖျန်းသင့်ပါသေးတယ်။ Tricyclazole အုပ်စု ဖျန်းရပါတယ်။ ကာကွယ်ကုသ နိုင်ပါတယ်။
ဒီနှစ် ငရုပ်စျေးနဲ့ပြောင်းစျေးလေး ကောင်းနိုင်လားရှင့် မနှစ်က ငရုပ်စျေးလေးလောက်ရှိရင်အဆင်ပြေပါတယ် စျေးကောင်းရနိုင်လား ရှင့်မိတ်ဆွေတို့
@Saung ဒီနှစ် ငရုတ်ရော ပြောင်းပါ မနှစ်ကထက် ဈေးပိုကောင်းဖို့ အလားအလာ အများကြီးရှိနေပါတယ်။ လက်ရှိမှာ ပြည်ပဝယ်လိုအားကောင်းလို့ ဈေးရနေပါတယ်။ အသီးပေါ်ချိန်ကျရင် အသစ်တွေဝင်လာလို့ အခုထက် ဈေးနည်းနည်း ပြန်အေးနိုင်ပေမဲ့ မနှစ်ကဈေးထက်တော့ လုံးဝမနည်းနိုင်ဘူးထင်ပါတယ်။
ဒီနှစ်ရာသီဥတု ဖောက်ပြန်မှုတွေကြောင့်၊ ငရုတ်အထွက်ကောင်းဖို့ လုပ်ရခက်သလို၊ဈေးနူန်းလည်းကောင်းမယ်လိူ့ခန့်မှန်းရပါတယ်။
မုိခါ မျိုး27ရက်သား 10ရက်သားခန့် တန်းရှင်း ရွေးချယ် ၊ 15ရက်သားကျော်ကယူနတီမှိုဆေးဖြန်းထားပြီး 25ရက်သားက(ပုံပါ) ပိုးသတ်ဆေးဖြန်းထားပါတယ် အပင်တွေ သေနေလို့ တစ်ချို့က ပုံပါအတိုင်းအညွှန့်ပုပ်ပုပ် သွားလို့ ပိုးကြောင့်လား မှိုကြောင့်လား ဖြေပေးပါဦး ဆရာတို့
@Hlaing Min Tun ပုံပါ မတ်ပဲပင်များ၏ လက္ခဏာမှာ အစိုဓာတ်များသော ရိုးပြတ်ဖုံးစိုက်ခင်းများတွင် အဖြစ်များသည့် Web Blight (Rhizoctonia solani) မှိုရောဂါကြောင့် အဓိက ညှိုးသေခြင်းဖြစ်ပြီး ပင်စည်ထိုးယင် လောက်ကောင်ဖောက်စားမှုနှင့်လည်း တွဲဖက်နေနိုင်ပါတယ်။ လက်ရှိဖျန်းထားသော Azoxystrobin မှိုသတ်ဆေးနှင့် ပိုးသတ်ဆေးများမှာ မှန်ကန်သော်လည်း ပင်စည်အတွင်းသားကို စစ်ဆေးကြည့်ရန် လိုအပ်ပါတယ်။ သေနေသော အပင်အချို့ကို နုတ်ယူ၍ ပင်စည်အောက်ခြေကို အလျားလိုက်ခွဲကြည့်ပါ။ ပင်စည်အတွင်းထဲတွင် လောက်ကောင် သို့မဟုတ် လှိုဏ်ခေါင်းတွေ့ပါက ပင်စည်ထိုးယင်အတွက် ပင်လုံးပျံ့ ပိုးသတ်ဆေး တစ်မျိုးမျိုးကို ဖျန်းပေးရပါမယ်။ မှိုရောဂါ ဆက်လက်မပျံ့ပွားစေရန်အတွက်လည်း Azoxystrobin ဖျန်းပြီး ၇ ရက်မှ ၁၀ ရက်အကြာတွင် Carbendazim သို့မဟုတ် Propiconazole သို့မဟုတ် Validamycin ပါဝင်သော မှိုသတ်ဆေးတစ်မျိုးမျိုးသို့ ပြောင်းလဲ၍ အပင်ခြေနှင့် အရွက်များ ရွှဲစိုအောင် ပက်ဖျန်းကုသပေးပါခင်ဗျာ။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ
ဆရာပဲတီစိမ်းတွေကအရွက်တွေခြောက်ပြီးနွမါးကျသွားတယ်ဆရာမှိုကျတယ်ထင်ပြီးတော့မှိုဆေးတော့ဖြန်းထားတယ်ဆရာအကြံပေးပါအုံးမှိုကျမကျဆရာဆေးလဲညွန်ပါအုံးဆရာ
@မောင်ခိုင်လင်းထွန်း ပုံပါ ပဲတီစိမ်းပင်၏ လက္ခဏာများမှာ ဘက်တီးရီးယားရွက်ခြောက်ရောဂါ (BLB) ဖြစ်နိုင်ခြေ အလွန်များပြီး မြေခြောက်၍ အမြစ်ပုပ်ရောဂါနှင့်ပါ တွဲဖက်ဖြစ်ပွားနေခြင်း ဖြစ်နိုင်ပါတယ်။ ဘက်တီးရီးယားရောဂါသည် သာမန်မှိုသတ်ဆေးဖြင့် မပျောက်ကင်းနိုင်သောကြောင့် Copper Hydroxide သို့မဟုတ် Kasugamycin ကဲ့သို့သော ဘက်တီးရီးယားသတ်ဆေးကို ပြောင်းလဲပက်ဖျန်းရန် လိုအပ်ပါတယ်။ တစ်ဆက်တည်းမှာပင် ရောဂါကျအပင်ကို နှုတ်၍ အမြစ်မည်းပုပ်နေခြင်း ရှိ၊ မရှိ စစ်ဆေးပြီး အမြစ်ပုပ်ပါက Hymexazol ပါဝင်သော မှိုဆေးကို အပင်ခြေသို့ ဖျန်းပေးပါ။ ရောဂါသက်သာပြီဆိုပါကအပင်အားဆေး ဖျန်းပေးခြင်းဖြင့် အပင်ပြန်လည်နာလန်ထူလာစေရန် ဆောင်ရွက်သင့်ပါတယ်။ဘာရောဂါကြောင့်လဲသိနိုင်ရန် သေနေပင်စည်ကို ဖြတ်ပြီး ဖန်ခွက်ထဲ စိမ်ကြည့်ပါ၊ အဖြူရောင်အမျှင်တန်းများစိမ့်ထွက်လာပါက ဘက်တီးရီးယားရောဂါပါခင်ဗျာ။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ
ကျွန်တော်ပဲတီိစိမ်းအခင်းအပင်တွေညိုးသေနေပါတယ်မြေကြီးကလည်းအလွန်စိုနေပါတယ်ပဲပင်ဆက်မသေအောင်ဘယ်လိုကာကွယ်ကုသရမလဲဆရာ
@လက်တွေ့တောင်သူ မြေကြီးအစိုဓာတ် အလွန်အကျွံများပြားပြီး ပဲတီစိမ်းပင်များ ညှိုးသေနေပါက ရေထုတ်မြောင်းများ ချက်ချင်းဖောက်ပေးခြင်းနှင့် ရောဂါရအပင်များကို နုတ်ပယ်ရှင်းလင်းခြင်း တို့ကို ဦးစွာပြုလုပ်ရပါမယ်။ အစိုဓာတ်များခြင်းကြောင့် ပင်စည်ထိုးယင်၊ မှိုရောဂါနှင့် ဘက်တီးရီးယားရောဂါ (၃) မျိုးလုံး ဖြစ်နိုင်သဖြင့် ညှိုးနေသောအပင်ကို နုတ်ယူစစ်ဆေးကြည့်ပါ။ ပင်စည်ကို အလျားလိုက်ခွဲကြည့်၍ လောက်ကောင်လေးများတွေ့ပါက ပင်စည်ထိုးယင်ကြောင့်ဖြစ်ပြီး Fipronil ကဲ့သို့ ပင်လုံးပြန့်ပိုးသတ်ဆေး ဖျန်းပေးရပါမယ်။ အမြစ်နှင့် ပင်စည်ခြေရင်း ဆွေးမြည့်ပြီး မှိုမျှင်ဖြူများတွေ့ပါက မှိုရောဂါဖြစ်၍ Hymexazol မှိုသတ်ဆေးကို အပင်ခြေရင်း စိုရွှဲအောင်ဖျန်းပေးပါ။ အရွက်စိမ်းလျက် ရုတ်တရက်ညှိုးပြီး ပင်စည်ဖြတ်စကို ရေကြည်ဖန်ခွက်ထဲနှစ်ကြည့်ရာမှ နို့နှစ်ရောင်အမျှင်တန်းများ ထွက်လာပါက ဘက်တီးရီးယားရောဂါဖြစ်သဖြင့် ကြေးနီပါသောဆေး (Copper Oxychloride) , Kasugamycin ဖျန်း၍ ကာကွယ်ပါ။ ရေဝပ်နေချိန် ဆေးမဖျန်းဘဲ ရေထုတ်ပြီးမှသာ ဆေးဖျန်းရန်အထူးသတိပြုပါ။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ
ဆင်းသုခစပါးအရွက်တွေအဝါရောင်ဖြစ်နေလို့ပြန်ကောင်းအောင်ဘယ်လိုလုပ်ရမလဲ
@Hein Hein Htet စပါးဘက်တီးရီးယားရွက်ခြောက်ရောဂါကျတာဖြစ်နိုင်ပါတယ်။ ဟုတ်မဟုတ်ခွဲခြားနိုင်ရန် ပုံတင်ပြီးမေးပေးပါခင်ဗျာ
ဒီနှစ်ပဲရာသီမှာပဲတီစိမ်းစျေးကောင်းနိုင်ပါမလားဆရာတို့ပဲတီစိမ်းကိုတော့ဝယ်လောက်ပါတယ်နော်
@Saung လုံးဝမသုံးစွဲဖို့ပြောတာမဟုတ်ပါ၊ လိုအပ်တာထက်ပိုမသုံးဖို့ပြောတာပါခင်ဗျာ၊ အခက်များစွာရှိတာကိုနားလည်ပါတယ်ခင်ဗျာ
ပိုးသတ်ဆွေးတွေနဲ့ပေါင်းသတ်ဆေးတွေက ခုရာသီမှာမသုံးမဖြစ်အလွန်အရေးပါနေပါတယ် ကိုယ်တစ်ဦးထဲမသုံးပဲအရေသွေးကောင်းရရင်လဲ ရောင်းရင် ဒီစျေးပဲရပါတယ်ရှင် ဘယ်လောက်ကောင်းကောင်းအများတန်းတူပဲရတာပဲ😢
သီးလုံးဖောက်ပိုးနဲ့ ပွင့်ထွေးပိုးကတစ်မျိုးတည်းလား ဘယ်လိုကွာလဲ ဆရာ
@Saw Samson မတ်ပဲစိုက်ခင်းတွေမှာ ကျရောက်တတ်တဲ့ သီးလုံးဖောက်ပိုး နဲ့ ပွင့်ထွေးပိုး တို့ဟာ မတူညီတဲ့ ပိုးမျိုးစိတ် နှစ်မျိုး ဖြစ်ပါတယ်။ ပွင့်ထွေးပိုး (Maruca vitrata) က အဖြူရောင် ဒါမှမဟုတ် အစိမ်းဖျော့ရောင် ခန္ဓာကိုယ်မှာ အမည်းစက်တန်းလေးတွေ ပါရှိပြီး ပိုးချည်မျှင်တွေ ရက်လုပ်ကာ အပွင့်၊ အဖူးနဲ့ အရွက်နုတွေကို စုစည်းထွေးပတ်ပြီး အထဲကနေ ခိုအောင်းစားသောက်ပါတယ်။ သီးလုံးဖောက်ပိုး (Helicoverpa armigera) ကတော့ အစိမ်း၊ အဝါ၊ အညို စသဖြင့် အရောင်စုံရှိကာ ဘေးတစ်ဖက်တစ်ချက်မှာ အစင်းကြောင်းတွေ ပါရှိပြီး ပိုးချည်မျှင် မရက်ဘဲ အပြင်ကနေ သီးတောင့်ထဲကို ဦးခေါင်းပိုင်းသာ ထိုးသွင်းဖောက်ထွင်း စားသောက်လေ့ ရှိပါတယ်။ ပွင့်ထွေးပိုးက အထွေးထဲ ပုန်းအောင်းတတ်လို့ ပင်လုံးပြန့်အာနိသင်ရှိတဲ့ ဆေးကို သုံးသင့်ပြီး သီးလုံးဖောက်ပိုးကိုတော့ အကောင်ငယ်စဉ်မှာ ကာကွယ်နှိမ်နင်းရင် အထိရောက်ဆုံး ဖြစ်ပါတယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ
ပုံပါအတိုင်းဖြစ်ပြီး သေနေလို့ပါဗျ ဆေးလဲတစ်ခါမှ မဖျန်းရသေးတော့ ဆေးဖျန်းချင်ပါတယ် ပိုးသတ်ဆေးနဲ့ မှိုဆေးလေးညွှန်းပါ အကြံပေးပါဗျ
@Aung Zay ဝိစာရကထုတ်သည့် ထီး မှိုသတ်ဆေးသို့မဟုတ် ဖိုးစီ မှိုသတ်ဆေးဆိုပြီး ရှိပါတယ်၊ အကောင်းဆုံးကတော့ ဆေးဆိုင်သွားပြီး Hymexazol ဟိုင်မက်ဆာဇော သို့မဟုတ် Foestyl Al ဖော့စတိုင်း ပါဝင်သောမှိုသတ်ဆေးပေးပါလို့မေးပြီးဝယ်နိုင်ပါတယ်၊ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ
ရေပန်းစားသော အကြောင်းအရာများ
အထူးအကြံဉာဏ်ရရှိရန် အမျိုးအစားတစ်ခု ရွေးပါ
မှန်ကန်သော အမျိုးအစားရွေးချယ်ခြင်းက သင့်ကို သင့်လျော်ဆုံး စိုက်ပျိုးရေးပညာရှင်နှင့် ချိတ်ဆက်ပေးပါသည်။
ကြိုဆိုပါသည်
ဆက်လက်အသုံးပြုရန် ဝင်ရောက်ပါ
မတင်ဘဲ ထွက်မှာ သေချာပါသလား။
သင်ရေးထားသည်များကို မတင်ရသေးပါ။ ဤစာမျက်နှာမှ ထွက်ပါက ပျောက်ဆုံးသွားပါမည်။
