အသားဈေးရဲ့ ၂ ဆ နီးပါးဖြစ်နေတဲ့ ငါးခြောက်ဈေးကွက်

AMIA • 08/09/2026

ပြည်တွင်း ရေထွက်ကုန် ဈေးကွက်တွင် ငပိ၊ ငါးခြောက်မျိုးစုံ ဈေးထပ်တက်လာကြောင်း ငပိ၊ ငါးခြောက် ရောင်းဝယ်ရေး လုပ်ကိုင်သူများထံမှ သိရသည်။

မျှင်ငပိ ဆားပေါ့ လက်ထောင်း နှစ်ထပ်ထောင်း ၅၀ သား တစ်ဘူးကို ယခင်က ကျပ် ၂၀,၀၀၀ နှင့် နှစ်ထပ်ထောင်း မျှင်ငပိ ၂၅ သား တစ်ဘူးကို ကျပ် ၁၁,၀၀၀ ရှိပြီး လက်ရှိတွင် နှစ်ထပ်ထောင်း ၅၀ သား တစ်ဘူးကို ကျပ် ၂၂,၀၀၀၊ မျှင်ငပိ နှစ်ထပ်ထောင်း ၂၅ သား တစ်ဘူးကို ကျပ် ၁၂,၀၀၀ ဈေးရှိလာကြောင်း သိရသည်။

"မျှင်ငပိ လက်ထောင်းက ဈေးမြင့်ပါတယ်။ ဆားပေါ့တယ်။ သဘာဝ အရသာ အချိုအတိုင်းပဲ။ အခုက အရင်ဈေးနဲ့ ရတဲ့ လက်ကျန် ငပိကုန်တော့ အခြား ကုန်သည်ဆီက ဝယ်ရပြီ ဖြစ်လို့ ဈေးတက် ရောင်းမှ ရတော့မှာပါ။ အခုက ဈေးက အကုန် တက်နေတာပါ" ဟု ဧရာဝတီတိုင်းထွက် မျှင်ငပိ လက်ထောင်း နှစ်ထပ်ထောင်း ရောင်းချသူ တစ်ဦးက ပြောသည်။

ကျန်သည့် ဆားဓာတ်ပါသည့် ငပိဈေးနှုန်းများ အနေဖြင့် အမျိုးအစားပေါ် မူတည်ပြီး တစ်ပိဿာလျှင် ကျပ် ၁၅,၀၀၀ မှ ကျပ် ၃၀,၀၀၀ ဝန်းကျင်ရှိကြောင်း သိရသည်။

ယခင် ဇူလိုင် ပထမပတ် ဝန်းကျင်က အငန်ဓာတ်ပါသည့် ငပိတစ်ပိဿာလျှင် အမျိုးအစားအလိုက် အမြင့်ဆုံး ကျပ် ၁၅,၀၀၀ သာ ရှိကြောင်း သိရသည်။

"ငပိဈေးကြားပြီး သွေးတက်တယ်။ ဘာမှ မကောင်းတဲ့ ငပိတောင် ငါးဆယ်သား ကျပ် ၁,၅၀၀ တဲ့။ အရင်လက ဆိုင်မှာ အကောင်းဆုံးဆိုတာ ဝယ်မှ ၅၀ သားကို ကျပ် ၈,၀၀၀ အများဆုံး ရှိတာ။ အခု ဈေးတွေက မတရား တက်ကုန်တယ်။ ငါးခြောက်ဈေးကလည်း အနားမကပ်နိုင်ဘူး။ အသားဈေးတွေထက် နှစ်ဆ ဈေးတွေ ဖြစ်နေတယ်" ဟု စားသုံးသူ ပြည်သူ ဒေါ်စိုးစိုးဝင်းက ပြောသည်။

ငပိအပြင် ငါးခြောက်မျိုးစုံလည်း ဈေးထပ်တက်လာပြီး ငနီတူ တစ်ပိဿာလျှင် ကျပ် ၅၀,၀၀၀ ကျော်၊ ငါးအုန်းရွှေဝါ တစ်ပိဿာလျှင် ကျပ် ၉၀,၀၀၀ နီးပါး၊ ငါးကျည်းခြောက် တစ်ပိဿာလျှင် ကျပ် ၂၀၀,၀၀၀ နီးပါး စသဖြင့် အမျိုးအစား အားလုံး ဈေးတက်လာခြင်း ဖြစ်ကြောင်း သိရသည်။

ငပိ၊ ငါးခြောက်မျိုးစုံသည် ဧရာဝတီတိုင်းဒေသကြီးနှင့် ရခိုင်ပြည်နယ်၊ တနင်္သာရီတိုင်းဒေသကြီးတို့မှ အဓိက အများဆုံး ထွက်ရှိခြင်း ဖြစ်ကြောင်း၊ ယခုကာလတွင် နယ်မြေ အခြေအနေနှင့် လမ်းပန်းဆက်သွယ်ရေး၊ ကုန်ပစ္စည်း ထုတ်လုပ်မှု ကုန်ကျစရိတ် မြင့်တက်မှုများကြောင့် ဈေးနှုန်း မြင့်တက်လာခြင်းဖြစ်ကြောင်း သိရသည်။

အဆိုပါ ဒေသများမှ ထွက်ရှိသည့် ငပိ၊ ငါးခြောက်များကို ရန်ကုန် အပါအဝင် အခြား ပြည်နယ်နှင့် တိုင်းဒေသကြီးရှိ မြို့နယ်များသို့ လက်ကား ပြန်လည် ဖြန့်ဖြူး ရောင်းချကြခြင်း ဖြစ်ကြောင်း သိရသည်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

အကြောင်းအရာ 1

သားငါးဈေးနှုန်းများ

ဆက်စပ်ဆောင်းပါးများ

မွေးမြူရေးသတင်း

အစာဈေးမြင့်ပြီး တွက်ချေမကိုက်တော့သဖြင့် ငါးမွေးမြူသူတွေ လျော့ကျလာ

AMIA

မွေးမြူရေးသတင်း

ကြက်ခြံဖမ်းဈေးသာကျပြီး အသားရောင်းဈေးမကျလို့ မွေးမြူသူများအခက်ကြုံနေ

AMIA

မွေးမြူရေးသတင်း

ကြက်တွေနာပြီး သေလို့ ဒေသကြက်တစ်ပိုင်တစ်နိုင်မွေးမြူသူတွေ အခက်ကြုံ

AMIA

ဆက်စပ်မေးခွန်းများ

ကျနောရဲ့လယ်ကွက်ထဲကမြက်ကြိမ်ပင်အမြစ်နှင့်အငုပ်တွေကအရွ‌က်မရှိဘူးဆရာဂလိုင်ဖိုဆေ့့ဖြန်ရင်သေနိုင်မလားဘာလုပ်ရင်ကောင်းမလဲ။လက်နှင့်ကောက်ရင်မဖြစ်နိုင်လို့ပါ။

U Win Zaw • ဖြေကြားချက် 1 ခု

ဆရာအားတော့နာပါတယ်ဖြေပေးပါအူးဆျာ ခရမ်းချဥ်က နိုဝင်ဘာလကုန် လောက်ထိပဲ ခူးရမှာဆိုတော့ ကျွန်တော်လေ ခရမ်းချဥ် တန်းထားတဲ့ တိုင်တွေမှာ 15 ပတ်လည်ခံပီး ပဲတောင့်ရှည်ခံပီးစိုက်ချင်ပါတယ်ဆရာ အရင်နှစ်တွေတုန်းကတော့စိုက်ဖူးပါတယ်ဆရာအဆင်ပြေတယ်ဆရာ ဒီနှစ်ရောစိုက်လို့လို့ရနိုင်မလားဆရာ ရနိုင်ရင်မျှားနီ ဧကရီ 111 ၅ ထုတ်လောက် စိုက်ချင်လို့ပါဆရာ ပဲကအထွက်ကောင်းတယ်ဆရာ တစ်ပိဿာကို 5000 ထိရောင်းနေရတယ်ဆရာ အကြံပေးပါအူးဆျာ

U Yan • ဖြေကြားချက် 4 ခု

ဘာရောဂါဖြစ်တာလဲ သိပါစေ ကာကွယ်နည်းလဲသိပါရစေ

U Maung • ဖြေကြားချက် 3 ခု

ဆရာ နံနံပျိုးနည်းလေးသိချင်ပါတယ်ဆရာ နံနံစေ့ကို ခနခနစိူက်တယ်မဖြစ်လာလို့ဆရာ ဇီးပင်အောက်မှာစိုက်တယ် ခရမ်းခေါင်းပင်အောက်မှာစိုက်တယ် အပင်တော့ပေါက်လာတယ် ဖြစ်မလာဘူး အပင်လေးတွေလဲ ပီး အပင်ဖြစ်မလာဘူးဆရာ

U Yan • ဖြေကြားချက် 3 ခု

ဆရာတို့ရေ ဂန္ဓမာပန်းခင်းမှာအခုလိုပုံမှာတင်ထားတဲ့အတိုင်း ဖြစ်နေလို့ပါ။ဘာဆေးဖျန်းရမလဲ အကြံဉာဏ်ပေးကြပါအုံးဗျာ

Ko Myo Tint • ဖြေကြားချက် 2 ခု

Greenovator

ကြော်ငြာ

အစိမ်းရောင်လမ်းကနေ စိုက်ပျိုးမွေးမြူရေး ဆေးဆိုင်တွေ၊ အရောင်းအဝယ်ဆိုင်တွေအတွက် ဆော့ဝဲလ်ပြုလုပ်နေပါတယ်။ ဒါကြောင့် ဆိုင်အတွေ့အကြုံရှိတဲ့သူများအနေဖြင့် မေးခွန်းလေးကို ကွန်မန့်ရှိလင့်မှတစ်ဆင့် ဖြေဆိုပေးပြီး အစိမ်းရောင်လမ်းကို အားပေးကူညီပေးဖို့ ပန်ကြားအပ်ပါတယ်။

မေးခွန်းများ ဖြေဆိုရန် နှိပ်ပါ

နောက်ဆုံး ဆောင်းပါးများ