အခုလက်ရှိကျွန်​ေတာ့်လယ်ကမြေချဥ်နေလား မြေငံနေလား မသိလို့ ပါ မြေဆောင်မှိုတော့နှစ်တိုင်းကျနေတယ် မြေငံနေတာကို မြေချဥ်တယ်ထင်ပြီးထုံးများများထည့်လိုက်ရင် ပိုငံသွားစေလား မြေငံတယ်ထင်ပြီး ဂျစ်ပဆမ်များများထည့်မိရင် ပိုချဥ်သွားစေလား

@Sawsamson မြေငံနေတာကို ထုံးထည့်ရင် ပိုဆိုးသွားစေပြီး ဂျစ်ပဆမ်ကြောင့် မြေပိုမချဉ်သွားပါဘူး။ မြေငံ (pH မြင့်) နေစဉ် ထုံးထပ်ထည့်ပါက မြေဆီလွှာ pH ပိုမိုမြင့်တက်သွားပြီး မတ်ပဲပင်အတွက် မရှိမဖြစ်လိုအပ်သော ဖော့စဖရပ်နှင့် အနည်းလိုအဟာရဓာတ်များကို စုပ်ယူရခက်ခဲစေကာ အပင်ဝါ၍ အထွက်နှုန်းကျဆင်းစေပါတယ်။ တစ်ဖက်တွင်လည်း ဂျစ်ပဆမ်သည် မြေဆီလွှာ pH ကို သိသိသာသာ ပြောင်းလဲစေခြင်း မရှိသောကြောင့် မြေကို ပိုမချဉ်စေပါဘူး။ သို့သော် အလွန်အမင်းထည့်ပါက အာဟာရဓာတ်မမျှတမှု ဖြစ်နိုင်ပါတယ်။ နှစ်တိုင်းကျရောက်နေသော မြေဆောင်မှိုရောဂါသည် မြေကြီးကျပ်ခြင်း၊ ရေဝပ်ခြင်းနှင့် pH မမျှတခြင်းတို့ကြောင့် ဖြစ်တတ်သဖြင့် မြေပြင်ချိန်တွင် ထရိုင်ကိုဒါးမားအကျိုးပြုမှို ထည့်သွင်းခြင်းနှင့် မျိုးစေ့ကို မှိုသတ်ဆေးလူးနယ်စိုက်ပျိုးခြင်းတို့ဖြင့် ကာကွယ်ရပါမယ်။မြေချဉ်မြေငံတိုင်း စက်ရှိသည့် စိုက်ပျိုးရေးဆိုင်များထံ တိုင်းတာပေးဖို့ မေးမြန်းကြည့်ပါလားခင်ဗျာ။