နွားသေး ထန်းလျှက် နွားချီး ပြာ အချိုးစားလေးပြောပြပေးပါလား မြေဩဇာလုပ်ချင်လို့ပါ မြေပဲ နှင့် နှမ်းသုံးချင်လို့ပါ အပင်သက်တမ်းတွေကတော့ 25ရက်ရှိပါပြီ

အသက် ၂၅ ရက်ရှိ မြေပဲနှင့် နှမ်းခင်းအတွက် နွားသေး ၂၀လီတာ၊ နွားချေး ၆ ပိဿာနှင့် ထန်းလျက် ၂ ပိဿာကို အချိုးကျရောစပ်ကာ အမိုးအောက်တွင် ၁၀ ရက်မှ ၁၅ ရက်အထိ အချဉ်ဖောက်၍ သဘာဝအပင်အားဆေးရည် ပြုလုပ်နိုင်ပါသည်။ ရရှိလာသော အားဆေးရည်ကို ဆေးဖျန်းပုံးတစ်ပုံး (၅ ဂါလန်ပုံး) လျှင် နို့ဆီဘူး ၂ ဘူးခွဲခန့် နှုန်းဖြင့် ရောစပ်၍ အားဆေးအဖြစ် နေအေးချိန်တွင် ၂ ပတ်လျှင် တစ်ကြိမ်အပြင်ခြေ ဖျန်းပေးခြင်းဖြင့် အမြစ်အားကောင်းစေပြီး ကိုင်းဖြာနှုန်းနှင့် အပွင့်နှုန်းကို တိုးတက်စေပါလိမ့်မယ်ခင်ဗျာ။ဆေးဖျန်းပုံးထဲထည့်ရာတွင် အနည်အနှစ်များမပါရှိစေရန်ရေစစ်ဖြင့် သေချာစစ်ပါ၊ အနည်နှစ်များကိုလည်း မြေဩဇာအဖြစ်ကျွေးပေးလို့ရပါတယ်။