ကွမ်းစိုက်ထားတာ ၃ ရက်ရှိပါပြီ မန်ကိုဇက်ကိုဘယ်နှရက်နေရက်စတင်ဖျန်းပတ်လို့ရပါသလဲ ဘယ်နှရက်ကြားတစ်ခါဖျန်းပတ်ပေးသင့်ပါလဲ ပြန်လည်ဖြေကြားသူတိုင်းကိုအထူးကျေးဇူးတင်ပါတယ် ခမျာ

ကွမ်းစိုက်ပြီး (၃) ရက်ပဲ ရှိသေးတယ်ဆိုရင်တော့ မန်ကိုဇက် (Mancozeb) မှိုသတ်ဆေးကို စတင်မဖျန်းရသေးပါဘူး ခင်ဗျာ။ အပင်တွေက အမြစ်မစွဲသေးလို့ အခုအချိန်ဖျန်းရင် ဆေးလောင်ပြီး အပင်နာသွားပါလိမ့်မယ်။ကွမ်းစိုက်ပြီး (၁၅) ရက်ခန့်အကြာ၊ အပင်တွေ အမြစ်စွဲပြီး အရွက်သစ်လေးတွေ စထွက်လာတဲ့ အချိန်ကျမှသာ ဆေးစတင်ဖျန်းပေးရပါမယ်။ပုံမှန်ကာကွယ်တဲ့အနေနဲ့ - ရာသီဥတု သာယာရင် (၁၀) ရက်ကနေ (၁၄) ရက်ခြား တစ်ကြိမ် ဖျန်းပေးပါ။မိုးရွာတဲ့ ရာသီဥတုမျိုးမှာ - မှိုရောဂါ ပိုကျတတ်လို့ (၇) ရက်ကနေ (၁၀) ရက်ခြား တစ်ကြိမ်အထိ စိပ်စိပ်လေး ဖျန်းပေးဖို့ လိုပါတယ်။မန်ကိုဇက်က ထိသေဆေးဖြစ်လို့ အရွက်မျက်နှာပြင်တင်မကဘဲ အပင်ခြေတွေအထိ ပါးပါးနဲ့ နှံ့စပ်အောင် ဖျန်းပေးရပါမယ်။မန်ကိုဇက်ဖျန်းထားပြီးရင် ကွမ်းရွက်ကို အနည်းဆုံး (၁၅) ရက်ကနေ (၂၁) ရက်အထိ လုံးဝ (လုံးဝ)ကွမ်း မခူးရပါဘူး ခင်ဗျာ။ လူတွေ တိုက်ရိုက်စားသုံးတဲ့အရာ ဖြစ်လို့ ဆေးအာနိသင် ကုန်တဲ့အထိ စောင့်ရပါမယ်။