ဆရာတို့ခဗျ ယူရီးယား ပုလဲကိုမြေပဲခင်းကို ကြဲပက်တာနဲ့ တန်းပေါ်ဖြူး တာနဲ့ဘယ်ဟာကမြေပဲပင်ကိုပိုကောင်းစေတာလဲ နှိုင်း...

Question

ဆရာတို့ခဗျ
ယူရီးယား  ပုလဲကိုမြေပဲခင်းကို ကြဲပက်တာနဲ့ တန်းပေါ်ဖြူး တာနဲ့ဘယ်ဟာကမြေပဲပင်ကိုပိုကောင်းစေတာလဲ  နှိုင်းယှဉ်ပြပါဦးခဗျ
ပုလဲကသူကျရောက်တဲ့နားမှာပဲအပင်ကိုအာဟာရဖြစ်စေတလား
ဥပမာ မြေပဲပင်နဲ့ ပုလဲကြတာကဝေးနေမယ်ဆိုအပင်ကစားသုံးနိုင်လား

U Nyan · Answer

ကျေးဇူးတင်ပါတယ် စိတ်ရှည်စွာ ဖြေကြားပေးပါသော U Aye Naung ခင်‌ဗျာ

U Aye Naing · Answer

ပုလဲ+လက်ချားရွက်ဖျန်းအားဆေးက ပဲမျိုးရင်းဝင်အပင်တွေကိုရေဆင်းသုတေသနဌာနမှာစမ်းသပ်ပြီးမှရလဒ်တွေကောင်းမွန်တာမို့ တောင်သူတွေအသုံးပြုနိုင်အောင်နည်းပညာပေးခဲ့တာကြာပါပြီ။မြေပဲကလည်းပဲမျိုးရင်းဝင်အပင်ဖြစ်တာမို့အသုံးပြုနိုင်ပါတယ်။အခြားသီးနှံတွေမှာလည်းစမ်းသုံးကြည့်တာအထွက်နှုန်းတွေကောင်းတာတွေ့ရပါတယ်။စိတ်ချလက်ချသုံးပါ။သုံးရမဲ့အချိန်က ပန်းစပွင့်တဲ့အချိန်ကနေပြီးမြေပဲတောင့်ဖြစ်စအချိန်ထိ ၅ရက်ကိုတစ်ကြိမ်နှုန်း အရွက်အပေါ်ဖက်..အောက်ဖက်တွေကိုရွှဲအောင်ဖျန်းပေးရပါတယ်။

U Nyan · Answer

ကျေးဇူးပြုပေးပါ

U Nyan · Answer

စိုးရိမ်စရာမရှိရင် အခင်းတိုင်း အသုံးပြုချင်တာပါဗျ

U Nyan · Answer

ပုလဲ+လက်ချား ပတ်ဖျန်းခြင်းကရော...... တစ်နှစ်တာသီးနှံမို့ စိုးရိမ်တာပါ (မြေပဲခင်းပါ။)

U Aye Naing · Answer

ပုလဲ+မြေဆီကျွေးတာများသွားရင်အပင်ဟုန်ပြီးသီးပွင့်မှုအားနည်းတတ်ပါတယ်..ဖြစ်နိုင်ရင်စိုက်ခင်းရဲ့မြေနမူနာယူပြီးစိုက်ပျိုးရေးဌာန မြေဆီလွှာဓာတ်ခွဲခန်းကိုပေးပို့ပြီးစစ်ဆေးသင့်ပါတယ်..စစ်ဆေးမှုရလဒ်ပေါ်မူတည်ပြီးလိုအပ်တဲ့မြေဆီကိုသာကျွေးသင့်ပါတယ်။(အကြမ်းဖျင်းစစ်ဆေးနိုင်တဲ့မြေဆီလွှာဓာတ်ခွဲဆေးသေတ္တာတွေလည်း စျေးကွက်မှာရှိနေပြီမို့မိမိကိုယ်တိုင်အလွယ်တကူစစ်ဆေးနိုင်ပါပြီ..တိကျတဲ့အဖြေမရနိုင်ပေမဲ့ခန့်မှန်းအနီးစပ်ဆုံးတော့ရနိုင်ပါတယ်)

U Nyan · Answer

ပုလဲ+မြေဆီ အကျွေးများရင် မြေပဲ အပင်ဖြစ်လွန်းပြီး ဥမဥခြင်း ရဲ့ ရလဒ်ဖြစ်စေနိုင်လားခင်ဗျ။

Kyaw Swar win · Answer

ဟုက်ကျေးဇူးပါခဗျ

U Aye Naing · Answer

မြေပဲမှာပုလဲကျွေးမယ်ဆိုရင်ပန်းမပွင့်ခင်မှာတန်းကြားထဲကျွေးသင့်ပြီးထွန်နဲ့ပြန်ဖုံးပေးရပါမယ်.မြေပေါ်မှာဖြူးကျွေးရင်အငွေ့ပျံဆုံးရှုံးမှုတွေရှိနိုင်ပါတယ်.ကျွေးတဲ့အခါသူ့ချည်းကျွေးတာထက် တစ်ရက်ကြိုတင်ပြီး ပုလဲတစ်ဆ + နွားချေးဆွေး/ မြေဆွေး ၃ဆကိုသမအောင်ရောမွှေပြီး တာလပတ်/ပလတ်စတစ်စ နဲ့အုပ်ပြီးတစ်ညနှပ်ထားရပါမယ်.နောက်နေ့မနက်ခင်းမှာကျွေးပါက ဆုံးရှုံးမှုနည်းပြီးထိရောက်မှုရှိပြီးပိုမိုအကျိုးဖြစ်စေပါတယ်။အမြစ်ကအာဟာရကိုစုပ်ယူစားသောက်ရာမှာအပင်ရင်ရှိအမြစ်ရင်းက စားတာမဟုတ်ပါဘူး.အမြစ်ဖျားအမြစ်မွှားကလေးများကသာအပင်အတွက်စုပ်ယူစားသောက်တာပါ.အဲတာကလည်းပန်းပွင့်ပြီးနောက်ပိုင်းဆိုရင် အမြစ်ဟာမြေထဲမှအာဟာရကိုစုပ်ယူပြီးအပင်ကိုပို့ပေးမှုနည်းသွားတာကြောင့် ပန်းပွင့်ပြီးနောက်ပိုင်း သီးတောင့်ဖြစ်ချိန်ထိ ပုလဲ+လက်ချားရွက်ဖျန်းအားဆေးကို အနည်းဆုံး၃ကြိမ်ခန့်(၅ရက်ကိုတစ်​ကြိမ်နှုန်း)ပက်ဖျန်းသင့်ပါတယ်။မြေကြီးကကျွေးတာကို ထိုးဆေး , အရွက်ကပက်ဖျန်းပြီးကျွေးတာကိုအကြောဆေးလို့တင်စားကြပါတယ်။

U Aung · Answer

လက်မှန်မှန်ကြဲပက်နိုင်ရင်လည်းကောင်းပါတယ်

ဖြေကြားချက် ၁၀ ခု