နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် မွေးမြူနည်း 90 တိရစ္ဆာန်ငယ်ပြုစုစောင့်ရှောက်ခြင်း 32 ကျန်းမာရေး 141 ခြံစီမံခန့်ခွဲမှု 32 ခြံမှတ်တမ်း 2 မျိုးပွားခြင်း 25 အာဟာရဗေဒ 73 ဇီဝလုံခြုံရေး 13

သားခွဲခြင်း

MDEP • MDEP • 10/11/2020

သားခွဲခြင်းသည် နွားမတစ်ကောင်အတွက် အရေးကြီးဆုံး အကြောင်းအရာများ အနက် တစ်ချက်ဖြစ်သည်။

နွားနို့သည် နွားကလေးများအတွက် ချေဖျက်ရလွယ်ကူပြီး အလျင်အမြန်ကြီးထွားစေဖို့အားပေးသည့် အစာလည်းဖြစ်သည်။ နွားကလေးများ အသက်ကြီးလာသည်နှင့်အမျှ ၎င်းတို့၏ အစာချေစနစ်သည် ပြောင်းလဲလာပြီး အစိုင်အခဲ အစားအစာများကို စားလာနိုင်သည်။ ထိုအစာများကို အစာအိမ်မှ ကောင်းစွာချေဖျက်လာနိုင်ချိန်တွင် သားခွဲ/ နို့ခွဲနိုင်ပြီဖြစ်သည်။

နွားငယ်ပြုစုစောင့်ရှောက်ခြင်း၏ ရည်ရွယ်ချက်မှာ နွားကလေးများ နို့ကို ဆက်သောက်ဖို့မလိုတော့ဘဲ ကောင်းစွာကြီးထွားဖွံ့ဖြိုးနိုင်သည့် အခြေအနေရောက်အောင် လုပ်ဆောင်လိုခြင်းဖြစ်သည်။ အစာကို သင့်လျော်အောင်ကျွေးမွေးလျှင် နွားကလေးသားခွဲနို့ခွဲဖို့ အကောင်းဆုံးအချိန်သည် အသက် ၃လ၊ ကိုယ်ခန္ဓာအလေးချိန် ၁၀၀ ကီလိုဂရမ်ပတ်လည် ရှိရမည်။

ထိုအခြေအနေမျိုး ရောက်အောင် ကျွေးမွေးလုပ်ဆောင်ရမည်များကို အရင် ပို့စ်များတွင် ရှင်းလင်းပြပြီး ဖြစ်သည်။

သားမခွဲခင် နွားငယ်သည် အစာစိမ်းနှင့် အစာနုကို ကောင်းကောင်းစားနိုင်ခြင်း ရှိ/မရှိ စစ်ကြည့်သင့်သည်။ သားမခွဲခင်တွင် နွားငယ်သည် တစ်နေ့လျှင် အစာနု ၅၀ ကျပ်သားပတ်လည် စားနေသင့်သည်။ နွားငယ်၏ အစာအိမ် ကောင်းစွာဖွံ့ဖြိုးမှု ရှိ မရှိကို နွားငယ်သည် နွားကြီးများကဲ့သို့ စားမြုံပြန်နေမှု ရှိ မရှိ စစ်ကြည့်ရမည်။ အစာအိမ်ဖွံ့ဖြိုးမှု ကောင်းမှသာ သားခွဲပြီးနောက် အစာပြောင်းလဲမှုသည် နွားကလေးအပေါ် သက်ရောက်မှု ကြီးကြီးမားမား မဖြစ်နိုင်ပေ။

၁၀၀ ကီလိုဂရမ် ရှိသော နွားငယ်သည် တစ်နေ့လျှင် နွားနို့ ၃ပိဿာထက် ပိုသောက်နိုင်ပြီး ပိုတိုက်မည်ဆိုပါက ပိုပြီးမြန်မြန်ကြီးထွားနိုင်သည်။ သို့သော် နွားငယ်ကို အနည်းငယ် ဗိုက်ဆာနေအောင်ထားပြီး အစာစိမ်း၊ အစာနု စသော အစိုင်အခဲ အစာများကို ပိုစားလာအောင် တွန်းအားပေးရမည်။ ဤအချက်ကြောင့်ပင် နွားငယ်များကို ၃ပိဿာထက် ပိုသောက်နိုင်လျှင်တောင်မှ ၃ ပိဿာပဲ ပုံမှန်တိုက်သင့်ကြောင်း အကြံပေးရခြင်း ဖြစ်သည်။

သားမခွဲခင် နွားငယ်ကို သတ်မှတ်ထားသည့် ကိုယ်အလေးချိန် ၁၀၀ ကီလိုဂရမ် ပတ်လည် ရှိ/မရှိ စစ်ဆေးရမည်။ ကိုယ်အလေးချိန်တိုင်း တိပ်ကြိုး သို့မဟုတ် ကတ္တားကို အသုံးပြုနိုင်သည်။ မျိုးရိုးအရ အရွယ်ငယ်သော နွားငယ်ဖြစ်လျှင် ၉၀ ကီလိုဂရမ်ကျော်လျှင် အဆင်ပြေပါသည်။ သားခွဲချိန်စောပြီး သတ်မှတ်ကိုယ်အလေးချိန်မရှိသည့် နွားငယ်သည် သားခွဲပြီးနောက်တွင် နေမကောင်းဖြစ်လွယ်ခြင်း ကြီးထွားနှုန်းနှေးခြင်းများ ဖြစ်တတ်သည်။ အသက် ၃ လရောက်သော်လည်း သားခွဲချိန်တွင် ရှိရမည့် ကိုယ်အလေးချိန်မရှိသေးလျှင် ကိုယ်အလေးချိန်ပြည့်အောင် ဂရုစိုက်ကျွေးပြီးမှ သားခွဲ/ နို့ဖြတ်သင့်သည်။

သားခွဲချိန်တွင် နွားကလေးတွင် နားကပ်နံပါတ်ပြား ရှိနေပြီးဖြစ်ရမည်။ သန်ချဆေးကျွေးခြင်းနှင့် ကာကွယ်ဆေးထိုးနှံမှုများ သေချာလုပ်ဆောင်ရမည်။ နွားကလေးခြံတစ်ခြံထဲတွင် အရွယ်တူနွားကလေးများသာ ထားရမည်။ နို့ဖြတ်ပြီးသည်နှင့် နွားငယ်ကို သန့်ရှင်းအေးမြသောရေ၊ စဉ်းထားသော အစာစိမ်း၊ အစာနုတို့ကို အမြဲစားနိုင်အောင် ထားရှိပေးရမည်။ သားခွဲခြင်းသည် နွားငယ်အတွက် စိတ်ဖိစီးမှု ဖြစ်နိုင်သော်လည်း ၎င်း၏ အစာအိမ်သည် အစိုင်အခဲအစာများကို စားနိုင်ဖို့ အဆင်သင့်ဖြစ်နေလျှင် မကြာခင် အဆင်ပြေသွားမည်ဖြစ်သည်။

MDEP

အမည်မသိ

လွန်ခဲ့သော ၆ လ က

သားခွဲထားတဲ့နွားကလေးကိုအစာနုဘယ်လိုအချိုးကျွေးရလဲ

Pyae sone kyaw

လွန်ခဲ့သော ၅ နှစ် က

အချိန်မာ သားခွဲလို့ရလဲ

နန်းသန္တာခိုင်

လွန်ခဲ့သော ၅ နှစ် က

နွားငယ်လေးကိုတိုက်ကျွးတဲ့နို့သည်ပါအမျိုးအစားတိုက်ကျွေးသင့်သလဲရှင့်

ဆက်စပ်ဆောင်းပါးများ

တိရစ္ဆာန်ငယ်ပြုစုစောင့်ရှောက်ခြင်း

မွေးဝက်ငယ်လေးများကို ပြုစုစောင့်ရှောက်နည်း

Ning Naing Ling

တိရစ္ဆာန်ငယ်ပြုစုစောင့်ရှောက်ခြင်း

မွေးစနှင့် မိခင်မဲ့ဆိတ်ငယ်ကလေးများအား ပြုစုစောင့်ရှောက်နည်း

ဦးဇော်(dof)

တိရစ္ဆာန်ငယ်ပြုစုစောင့်ရှောက်ခြင်း

နွားငယ်လေးတစ်သက်တာ အရေးပါတဲ့ နို့ဦးရည် စနစ်တကျ တိုက်ကျွေးနည်း (၁,၂,၃ နိယာမ)

သက်ခိုင်

နည်းပညာမိတ်ဖက်အဖွဲ့

MDEP

Myanmar Dairy Excellence Project (MDEP) စီမံကိန်းသည် နို့စားနွားမွေးမြူသူများ အကျိုးအမြတ် ပိုမိုရရှိရန်၊ ဘေးဥပါဒ်ကင်းရှင်းသည့် နို့နှင့်နို့ထွက်ပစ္စည်းများအားစားသုံးနိုင်ရန်၊ ရေရှည်တည်တံ့ပြီး ယှဉ်ပြိုင်နိုင်စွမ်းရှိသည့် နို့နှင့်နို့ထွက်ပစ္စည်းစျေးကွက်ပေါ်ပေါက်လာစေရန် ရည်ရွယ်၍ နယူးဇီလန်နိုင်ငံ အစိုးရနှင့် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ မွေးမြူရေးနှင့်ကုသရေးဦးစီးဌာနတို့ ပူးပေါင်းဆောင်ရွက်လုပ်ကိုင်ခြင်းဖြစ်သည်။ ၂၀၁၄ ခုနှစ်တွင် စီမံကိန်းစတင်ပြီး မြက်(၈)မျိုး၊ ပဲ(၁၃)မျိုး၊ နို့စားနွားမျိုးရည်ခဲချောင်း(၃)မျိုးနှင့် ခြံအသုံးအဆောင်ပစ္စည်းများအားတင်သွင်းခဲ့ပြီး စားကျက်ဖွံ့ဖြိုး ရေး၊ မျိုးမြှင့်တင်ရေးနှင့် မွေးမြူရေးစနစ်မြှင့်တင်ရေးတို့အတွက် ဆောင်ရွက်လျက်ရှိသည်။ စိုက်ပျိုးနည်း စနစ်များ၊ မြက်ချဉ်ဖက်ပြုလုပ်နည်းများ၊ နွားခြံစီမံခန့်ခွဲမှုနည်းပညာများ၊ နွားငယ်နှင့်မတမ်းပြုစုစောင့် ရှောက်ခြင်းနှင့် လိုအပ်သောအစာအာဟာရတွက်ချက်နည်းများ၊ မေထုန်မဲ့သားစပ်နည်းစနစ်များအား သင်တန်းပေးခြင်းနှင့် တောင်သူဆွေးနွေးပွဲများပြုလုပ်လျက်ရှိသည်။ စဉ့်ကိုင်မြို့တွင် နွားနို့ဓာတ်ခွဲခန်း တည်ထောင်ခဲ့ပြီး သန့်ရှင်းသောနွားနို့ ထုတ်လုပ်နိုင်ရေးအတွက် ဆောင်ရွက်လျက်ရှိသည်။ Green way နှင့်လည်း တွဲဖက်လုပ်ဆောင်လျက် ရှိသည်။

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

ဝက်မကကြီးတွေအဖြစ်များနေတယ်အစာမစားဘူးဘာရောဂါလဲးဘယ်လိုကာကွယ်ရမလဲး

ကိုနိုင်လင်း • ဖြေကြားချက် 0 ခု

ကြက်ချေးစိမ်းပါပြီးသေလို့..ဘာဆေးတိုက်ရမလဲခင်ဗျ...ဘယ်လိုကုသရမလဲခင်ဗျ..ဆေးရှိလား...ညွန်ကြားပေးပါ

ဦးကျော်ခိုင် • ဖြေကြားချက် 0 ခု

ကြက်ကို အဟာရာရှိအောင် ကြီးအောင် ဘယ်လိုမွေးရမှလဲ ရောဂါကင်းအောင်

Zin Min Wai • ဖြေကြားချက် 1 ခု

ကျနော် နွားလေး မြွေကိုက် ခံရလို့ ဘယ်လိုလုပ်ရမလဲ ခဗျာ့ အကြံပေးပါဦး။ အဆင်ပြေရင် ဖုန်းဆက်ပြောပေးပါလာ။ ၀၉၆၉၁၀၇၃၅၂၂

စောထီးကော်မူး • ဖြေကြားချက် 4 ခု

ကြက်မှာ သွေးစုတ်တဲ့သန်း တွေ့ လို့ပါ ခေါင်းမှာအများဆုံးတွေ့တယ် ဘယ်လိုကုသရမလဲ

michael • ဖြေကြားချက် 0 ခု

Greenovator

ကြော်ငြာ

ပြင်းထန်တဲ့ရာသီဥတု စူပါအယ်နီညိုနဲ့ပတ်သက်ပြီး ပညာပေးဆောင်းပါးတွေ အမေးအဖြေကို လေ့လာပြီး ရာသီဥတုနဲ့လိုက်လျောညီထွေတဲ့ စိုက်ပျိုးရေးစနစ်ကို အတူကျင့်သုံးကြရအောင်...

လေ့လာရန်

နောက်ဆုံး ဆောင်းပါးများ