အိန္ဒိယတွင် မိုးခေါင်မှုကြောင့် ဧက ၉၈ သိန်းကျော် စပါးမစိုက်နိုင်

Green Way • 11/08/2022

အိန္ဒိယမှာ အခုမုတ်သုံရာသီအတွင်း မိုးခေါင်နေတာကြောင့် ယခင်နှစ်ကာလတူနဲ့နှိုင်းယှဉ်ရင် မိုးစပါးစိုက်ဧရိယာ ၁၃ ရာခိုင်နှုန်း (ဧက ၉၈ သိန်းကျော်) မှာ စပါး မစိုက်ပျိုးနိုင်သေးဘူးလို့ အိန္ဒိယစိုက်ပျိုးရေးဝန်ကြီးဌာနက ထုတ်ပြန်ပါတယ်။

အခု ဩဂုတ်လ ၅ ရက်အထိ စပါးမစိုက်ပျိုးနိုင်သေးတဲ့ လယ်ယာမြေတွေနဲ့ပတ်သက်လို့ ယခင်နှစ်ကာလတူအခြေအနေနဲ့ နှိုင်းယှဉ်ပြောကြားတာပါ။

ပြီးခဲ့တဲ့နှစ်တုန်းကတော့ ဩဂုတ် ၅ ရက်အထိ အခြေအနေမှာ မိုးစပါးစိုက်ဧရိယာအနေနဲ့ ၃၁၄.၁၄ သိန်းဟက်တာ (ဧက ၇၇၅.၉ သိန်းကျော်) ရှိခဲ့ပေမယ့် အခုနှစ် ကာလတူအခြေအနေမှာတော့ ၂၇၄.၃ သိန်းဟက်တာ (ဧက ၆၇၇.၅ သိန်းကျော်) သာ စိုက်ပျိုးပြီးစီးသေးတာပါ။ ဒီတော့ စိုက်ဧက ၉၈ သိန်းကျော် စပါးမစိုက်နိုင်သေးတာ ဖြစ်ပါတယ်။

အိန္ဒိယရဲ့စပါးစိုက်ပျိုးမှုအများဆုံးပြည်နယ်တွေဖြစ်တဲ့ အနောက်ဘင်ဂေါ၊ ဂျာခန်း၊ ဘီဟာ၊ ချဟတ်တစ်ဂါ့ရှ်၊ အူတာပရာဒက်ရှ်၊ မက်ဟာမရာဒက်ရှ်၊ အိုဒီရှာနဲ့ တေလန်ဂါနာ ပြည်နယ်တွေရဲ့ စပါးစိုက်ပျိုးမှုလျော့ကျသွားတဲ့ ပမာဏကို သတင်းထုတ်ပြန်ခဲ့တာ ဖြစ်ပါတယ်။

အိန္ဒိယမိုးလေဝသဌာနရဲ့ သတင်းထုတ်ပြန်ချက်တွေအရ အိန္ဒိယမှာ မိုးခေါင်မှုဟာ ဆိုးရွားတဲ့အခြေအနေမှာရှိနေပြီး ဩဂုတ် ၈ ရက်ထိ မိုးလေဝသအချက်အလက်တွေအရ အနောက်အူတာပရာဒက်ရှ်မှာ ၃၆ ရာခိုင်နှုန်း၊ အရှေ့အူတာပရာဒက်ရှ်မှာ ၄၃ ရာခိုင်နှုန်း၊ ဘီဟာနဲ့ ဂျာခန်းမှာ ၃၈ ရာခိုင်နှုန်းနဲ့ ၄၅ ရာခိုင်နှုန်း၊ အနောက်ဘင်ဂေါမှာ ၄၆ ရာခိုင်နှုန်း စသဖြင့် ပုံမှန်မိုးရွာသွန်းမှုအောက် အသီးသီးလျော့ကျနေတာ ဖြစ်တယ်လို့ သိရပါတယ်။

အိန္ဒိယဟာ ကမ္ဘာ့ဆန်တင်ပို့မှုအမြင့်ဆုံးနိုင်ငံဖြစ်ပြီး ကမ္ဘာ့ဆန်ဈေးကွက်ရဲ့ ၄၀ ရာခိုင်နှုန်းထိ ရရှိထားတာပါ။ ဒါကြောင့် အခုလို အိန္ဒိယမှာ စပါးစိုက်ဧရိယာတွေ လျော့ကျသွားတာပါ ကမ္ဘာ့ဆန်ကုန်သွယ်ရေးကိုပါ ထိခိုက်နိုင်ချေ ရှိနေတာ ဖြစ်ပါတယ်။

ကမ္ဘာ့ဆန်အထွက်ရဲ့ ၉၀ ရာခိုင်နှုန်းကို ထုတ်လုပ်ပေးနေတဲ့ အာရှဆန်တင်ပို့နိုင်ငံတွေမှာ ထူးထူးခြားခြား ဆိုးရွားတဲ့ ရာသီဥတုကို ကြုံနေရတာကြောင့် ဆန်ဈေးအပြောင်းအလဲတွေ ဖြစ်လာဖို့ရှိတယ်လို့ ဆန်ကုန်သည်နဲ့ ဈေးကွက်စောင့်ကြည့်သူတွေကလည်း ပြောထားပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

အမည်မသိ

လွန်ခဲ့သော ၄ နှစ် က

ဆက်စပ်ဆောင်းပါးများ

နိုင်ငံတကာသတင်း

ဆီနီဂေါတွင် ဆာဒီယို မာနေး ဟက်တာ ၅၀၀ ကျယ်ဝန်းသည့် စိုက်ပျိုးရေးနှင့် စက်မှု စီမံကိန်းသစ် စတင်

Thein Soe Min

နိုင်ငံတကာသတင်း

အယ်လ်နီညိုနှင့်အတူ အရှေ့တောင်အာရှ ကြုံတွေ့ရမည့် နယ်စပ်ဖြတ်ကျော် မီးခိုးမြူအန္တရာယ်

ဇင်ထူးနိုင်

နိုင်ငံတကာသတင်း

အပူချိန်မြင့်မားမှုကြောင့် ပြင်သစ်တွင် ကြက်အကောင်ရေသိန်းချီ သေဆုံးပြီး ဘယ်လ်ဂျီယံတွင် နွားနို့/ အသားထုတ်လုပ်မှု ကျဆင်း

Thein Soe Min

ဆက်စပ်မေးခွန်းများ

ကရင်မစပါးပါ ပုံပါအတိုင်း ဝါနေလို ဘာဖြစ်တာလည်း

ဦးလင်း • ဖြေကြားချက် 3 ခု

ဆရာ မန်ကိုဇက်နဲ့ အမိုင်နိုအက်စစ် အဲ့ဆေးနှစ်မျိုးတွဲ ဖျန်းလို့ရလားဆရာ

U Yan • ဖြေကြားချက် 1 ခု

ခရမ်းချဉ် အပင်ပုတ်နေလို့ပါဘာဖြစ်လို့လည်းခမျရှင်းပြပေးပါ

Ba Gyan • ဖြေကြားချက် 2 ခု

စပါးလဲနေတာဘာလုပ်ရမလဲ အထွက်စုံနေပီ

aye Myat mon • ဖြေကြားချက် 1 ခု

ယနေ့ နှမ်းစျေးဘယ်လောက် ပေါက်လဲဗျ ကျေးဇုူးပြုပြီး ဖြေကြားပေးစေလိုပါတယ်

si thu • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ