ကြက်ချေးအရောင်နှင့် ရောဂါများအကြောင်း

   ကြက်ချေးများကို အဖြူရောင်၊ အညို(ချောကလက်)ရောင်၊ အစိမ်းရောင်၊ အမည်းရောင်၊ အနီရောင် စသည်ဖြင့် အမျိုးမျိုးတွေ့ရှိနိုင်ပါသည်။

   ကြက်ချေး၏ မူလပင်ကိုယ်အရောင်မှာ အညို သို့မဟုတ် သမင်မွေး အရောင်ရှိ၍ ပျော့ပျော့အခဲပေါ်တွင် အဖြူရောင်ဆီးခဲ (Urinate) အနည်းငယ်တင်လျက် ရှိတတ်ပါသည်။

   အဖြူရောင်ကြက်ချေးမှာ ကြက်ငယ်၊ ကြက်လတ် အရွယ်များတွင် အတွေ့များရ၍ (Salmonella) ရောဂါပိုးကြောင့်ဖြစ်သည့် ချေးဖြူရောဂါနှင့် အခြားရောဂါများ၊ ဖင်ဆီဘူး​ရောင်ရောဂါ (IBD) တို့တွင်တွေ့ရှိနိုင်ပါသည်။

   အညို (ချောကလက်)ရောင် ကြက်ချေးများကို ကြက်အရွယ်မရွေးတွေ့ရှိနိုင်၍ မိုးရာသီတွင်အတွေ့များပါသည်။ ၄င်းရောဂါသည် အူရောင်ရမ်းစေသည့် ရောဂါများ (Pasteurellosis, E coli, Coccidiosis) ကြောင့် ဖြစ်တတ်ပါသည်။ မိုးရာသီတွင် ရောဂါပါရှိသည့် ကြက်ချေးများမှ ရောဂါများကို ယင်ကောင်များမှတစ်ဆင့် သယ်ဆောင်ပြီး ရောဂါပျံ့ပွားနိုင်ပါသည်။ 

   အစိမ်းရောင် ကြက်ချေးများကို ကြက်လတ်၊ ကြက်ကြီး များတွင် တွေ့ရပြီး လည်လိမ်ရောဂါ (ND)ဖြစ်ပွားသည့် ကြက်များတွင် တွေ့ရှိနိုင်ပါသည်။ 

   အမည်းရောင်ကြက်ချေးများကို ကြက်ကြီးများတွင် အတွေ့များပါသည်။ အူများယောင်ရမ်း၍ သွေးယိုစိမ့်ခြင်း များဖြစ်ပြီး စအိုမှ အမည်းရောင်ချေးများ စွန့်ထုတ်ပါသည်။ အူလမ်းကြောင်းတွင်ဖြစ်ပွားသော (Pasteurellosis, E coli, Coccidiosis) ကြောင့်ဖြစ်ပွား၍ ရောဂါပြင်းထန်ပါသည်။

   အနီရောင်ကြက်ချေးများကိုသွေး၀မ်းရောဂါဖြစ်ပွားသော ကြက်များတွင် တွေ့ရတတ်ပါသည်။ အူအတက်တွင်ဖြစ်ပွားသည့်သွေး၀မ်းရောဂါတွင် တွေ့ရှိရပါသည်။

   ကြက်ချေးများ၏ အရောင်အသွေးအခြေအနေတို့ကို အမြဲမပြတ်ကြည့်ရှု့လေ့လာ၍ ထူးခြားမှုများရှိပါက နားလည်တတ်ကျွမ်းသည့် တိရိစ္ဆာန် ဆေးကုဆရာ၀န်များ၏ အကူအညီကို ရယူဆောင်ရွက်သင့်ပါသည်။

မှီငြမ်း- ဆရာ ရွှေဒင်္ဂါးစာအုပ်မှ ကောက်နှုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။