အဆင့်မြှင့်ထားတဲ့ အမေးအဖြေကဏ္ဍနဲ့ ပိုမိုက်လာတဲ့ ဗားရှင်းအသစ်( ၃.၅.၄) 

စိုက်ပျိုးရေးလို့ခေါ်လိုက်ရင် မွေးမြူရေးပါ တွဲဖက်ပါဝင်နေတာမို့ ဗားရှင်းအသစ်နဲ့ အဆင့်မြှင့်တင်ပေးထားပါတယ်။

ဒီဗားရှင်းမှာတော့ မွေးမြူရေးအတွက် ငါးနဲ့နွားပဲ ပါဝင်ခဲ့ရာကနေ ကြက်၊ ဝက်၊ ဆိတ်၊ ပုစွန်အထိပါ မေးမြန်းနိုင်ပါပြီ။ 

✅ မွေးမြူရေးအတွက် သီးသန့် စုစည်းဖော်ပြမှုတွေအပြင်

✅ ရေလုပ်ငန်းအတွက်လည်း သီးသန့်တစ်နေရာ ထပ်မံပါဝင်လာမှာပဲဖြစ်ပါတယ်။

စိုက်ပျိုးရေးနဲ့ မွေးမြူရေး တွဲဖက်လုပ်ကိုင်ဖို့ အချိန်တိုအတွင်းမှာ လိုအပ်တဲ့ ဗဟုသုတ အချက်အလက်တွေကိုရှာဖွေနိုင်မယ့် ဆော့ဝဲအဖြစ် ဗားရှင်းမြှင့်ထားပါတယ်ခင်ဗျ။

တောင်သူတွေကို ပိုမိုကူညီနိုင်ဖို့ အမေးအဖြေကဏ္ဍကိုလည်း အဆင့်မြှင့်တင်ထားပါတယ်။

💢မေးခွန်းမေးမယ့်သူတွေအတွက် အချက်အလက်အပြည့်အစုံဖြည့်နိုင်ပါမယ်။

💢ကိုယ်အဆင်ပြေသွားတဲ့အဖြေကို ရွေးချယ်ပေးနိုင်မယ်။

ဒါက ကိုယ့်ကိုဖြေဆိုပေးတဲ့သူတွေအတွက် ငွေမကုန်တဲ့နည်းနဲ့ စိတ်ခွန်အားလက်ဆောင်လေးပါ။

ဒီလို လုပ်ဆောင်ချက်ကို ထည့်သွင်းပေးထားပါတယ်။

💢ဖြေဆိုပေးမယ့်သူတွေကလည်း  မေးခွန်းအချက်အလက်ပြည့်စုံမှုတွေကြောင့် အဖြေဖြေဖို့ ပိုအဆင်ပြေသွားပါမယ်။

💢ကိုယ်ကူညီဖြေပေးလိုက်လို့ အဆင်ပြေသွားတဲ့အခါ “ဤအဖြေဖြင့် ပြေလည်သည်” ဆိုတဲ့ စာတန်းလေးကိုပါမြင်နိုင်မှာဖြစ်လို့ ကျွန်တော်တို့ ကမ်းလိုက်တဲ့လက်တွေ ဘယ်သူတွေအတွက် အဆင်ပြေသွားသလဲဆိုတာကို မြင်နိုင်ပါမယ်ခင်ဗျ။

💢အချိန်သိပ်မပေးနိုင်တဲ့ နယ်ပယ်အသီးသီးက ပညာရှင်တွေအတွက်စဉ်းစားပြီး အသိပေးချက် (reminder) ပို့ပေးတဲ့စနစ်ကိုထည့်ပေးထားပါတယ်။ (မလိုပါက ပိတ်ထားလို့ရပါတယ်)

အစိမ်းရောင်လမ်းဗားရှင်းအသစ်ကို သုံးနေရုံနဲ့  စိုက်ပျိုးရေးလုပ်ကိုင်နေကြတဲ့ တောင်သူတွေ၊ မွေးမြူရေးသမားတွေကို အိမ်မှာနေရင်းပဲ တတ်နိုင်တဲ့ဘက်က ကူညီနိုင်တော့မှာပါ။

ကျွန်တော်တို့မှာ ကျွန်တော်တို့ပဲရှိတာမို့ အစိမ်းရောင်လမ်းရဲ့ ဗားရှင်းအသစ်ကို update လုပ်လိုက်ပြီးရိက္ခာထုတ်ပေးနေသူတွေကို တစ်ဖက်တစ်လမ်းက ကူညီနိုင်ပါပြီ။