ပုစွန်ဆိတ် တစ်ပိဿာလျှင် ကျပ် ၂၀,၀၀၀ ဝန်းကျင်ရှိနေမှုကြောင့် ပြည်တွင်းစားသုံးမှုနှုန်း လျော့ကျလာ

AMIA • 18/11/2025

ပြည်တွင်း ရေထွက်ကုန် ဈေးကွက်တွင် ပုစွန်အမျိုးအစားအားလုံး၏ ဈေးနှုန်းများ မြင့်တက်နေခြင်းကြောင့် ဝယ်လိုအားနှင့် စားသုံးမှုနှုန်း သိသိသာသာ လျော့ကျလာသည့် အခြေအနေရှိကြောင်း ပုစွန်ရောင်းဝယ်ရေး လုပ်ကိုင်သူများထံမှ သိရသည်

ရေချိုပုစွန်ထုတ်၊ ဘောဂျိတ်၊ ရွှေနီ (ဒေသအခေါ် ပုစွန်ခေါင်းပြုတ်)၊ ကျားပုစွန်၊ ပုဇွန်ဆိတ်၊ မြစ်ပုစွန်ထုတ်အဖြူ စသည့် ပုစွန်အမျိုးအစားအားလုံး ဈေးနှုန်းမြင့်တက်လာခြင်းဖြစ်ပြီး အမျိုးအစားအလိုက် တစ်ပိဿာလျှင် ကျပ် ၂၀,၀၀၀ မှစ၍ ကျပ် ၈၀,၀၀၀ အထက်အထိ ဈေးရှိသည်။ ဈေးတန်းအမြင့်ဆုံးမှာ ရေချိုပုစွန်ထုတ်ဖြစ်ပြီး၊ ဈေးအနည်းဆုံးမှာ ပုစွန်ဆိတ်ဖြစ်သည်။

ပြည်မြို့မှ ငါး/ပုစွန် ရောင်းဝယ်ရေး လုပ်ကိုင်သူတစ်ဦးက "ပုစွန်ထုတ်က လူတိုင်းမစားနိုင်ကြဘူး။ တစ်ဆယ်သားကို ၄,၀၀၀ ကျော် ၅,၀၀၀ အနိမ့်ဆုံးရှိတယ်။ အဲဒါက တစ်ပိဿာကို ၇ ကောင် ၈ ကောင်ဆိုက်တွေပါ။ ဈေးမြင့်တော့ စားသုံးမှုနည်းတယ်။ နည်းတော့ ရောင်းအားကျတာပေါ့" ဟု ပြောကြားသည်။

လက်ရှိတွင် ရေချိုပုစွန်ထုတ်သည် အကောင်အရွယ်အစားပေါ်လိုက်၍ တစ်ပိဿာလျှင် ကျပ် ၄၅,၀၀၀ မှ ၈၀,၀၀၀ အထက် ထိ ဈေးရှိနေပြီး၊ ရေချိုဘောဂျိတ်ပုစွန်ကလည်း တစ်ပိဿာကို ကျပ် ၆၀,၀၀၀ ခန့်အထိ ဈေးရှိသည်။ ရွှေနီ ပုစွန်ခေါင်းပြုတ်က တစ်ပိဿာလျှင် ကျပ် ၃၀,၀၀၀ ဝန်းကျင်၊ ပုစွန်ဆိတ်ကတော့ တစ်ပိဿာလျှင် ကျပ် ၂၀,၀၀၀ နှင့် မြစ်ပုစွန်ထုတ်အဖြူက ကျပ် ၅၀,၀၀၀ ခန့် အသီးသီးရှိကြောင်း သိရသည်။

စားသုံးသူပြည်သူတစ်ဦးက "အရင်ကဆို ပုစွန်ထုတ် အကောင်ကြီးမှ ၄,၀၀၀ ဈေးလောက်ရှိတာ။ အခုကျတော့ အသေးတောင် ၅,၀၀၀ ဖြစ်သွားတယ်" ဟု ဆိုသည်။

ပုစွန်သည် တနင်္သာရီတိုင်း၊ ဧရာဝတီတိုင်း၊ ရခိုင်ပြည်နယ် ဘက်တို့မှ အဓိက ထွက်ရှိသလို ပြည်တွင်းတွင်လည်း မွေးမြူရေးကန်များဖြင့် မွေးမြူရောင်းချလျက်ရှိသည်။

လက်ရှိ ပြည်တွင်းဈေးကွက်တွင် စားသောက်ဆိုင်များ၊ ဟော့ပေါ့ဆိုင်၊ မူကထဆိုင်၊ ထမင်းဆိုင်များ အများစုကသာ ပုစွန်ကို ဝယ်ယူမှုရှိနေသည်။

ပြည်ပတင်ပို့မှုအနေဖြင့် ဘင်္ဂလားဒေ့ရှ်၊ တရုတ်၊ ထိုင်း၊ ဂျပန် စသည့် နိုင်ငံအချို့ကို ပုစွန် တင်ပို့မှုရှိနေပြီး ယခုနှစ် ၂၀၂၅-၂၀၂၆ ဘဏ္ဍာနှစ်၏ မေလမှ စက်တင်ဘာလအတွင်း ပြည်ပသို့ ပုစွန်တန်ချိန် ၃၇၄၀.၅၅၃ တန် တင်ပို့ခဲ့ရာ အမေရိကန်ဒေါ်လာ ၁၀.၄၈၅ သန်း ရရှိခဲ့ကြောင်း သိရသည်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

အကြောင်းအရာ 1

မွေးမြူရေးသတင်း

ဆက်စပ်ဆောင်းပါးများ

မွေးမြူရေးသတင်း

ကြက်တွေနာပြီး သေလို့ ဒေသကြက်တစ်ပိုင်တစ်နိုင်မွေးမြူသူတွေ အခက်ကြုံ

AMIA

မွေးမြူရေးသတင်း

ကချင်ပြည်နယ်၊ မြစ်ကြီးနားမြို့ရှိ ရပ်ကွက်အချို့တွင် နွားများ အဖုအကြိတ်ပေါက်ကာ သေဆုံးသည်အထိဖြစ်နေ

AMIA

မွေးမြူရေးသတင်း

ကြက်ဥဈေးနှုန်း မြင့်တက်ပြီး ပစ္စည်းပြတ်လပ်နေ

AMIA

ဆက်စပ်မေးခွန်းများ

ကရင်မစပါးပါ ပုံပါအတိုင်း ဝါနေလို ဘာဖြစ်တာလည်း

ဦးလင်း • ဖြေကြားချက် 4 ခု

ဆရာ မန်ကိုဇက်နဲ့ အမိုင်နိုအက်စစ် အဲ့ဆေးနှစ်မျိုးတွဲ ဖျန်းလို့ရလားဆရာ

U Yan • ဖြေကြားချက် 2 ခု

ခရမ်းချဉ် အပင်ပုတ်နေလို့ပါဘာဖြစ်လို့လည်းခမျရှင်းပြပေးပါ

Ba Gyan • ဖြေကြားချက် 2 ခု

စပါးလဲနေတာဘာလုပ်ရမလဲ အထွက်စုံနေပီ

aye Myat mon • ဖြေကြားချက် 1 ခု

ယနေ့ နှမ်းစျေးဘယ်လောက် ပေါက်လဲဗျ ကျေးဇုူးပြုပြီး ဖြေကြားပေးစေလိုပါတယ်

si thu • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ