နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 161 အပင်အာဟာရ 294 စိုက်ပျိုးနည်း 395 ပိုးမွှားရောဂါ 443 စိုက်ပျိုးစီးပွား 54 ခေတ်သစ်စိုက်ပျိုးရေး 48 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 840

အပင်ရောဂါ ကာကွယ်နှိမ်နင်းနည်းအခြေခံများ-၂

Green Way • 27/02/2023

အပင်ရောဂါများကို ကာကွယ်နိုင်သည့် အခြေခံနည်းလမ်း ၄ နည်းရှိရာ နံပတ် ၁ နှင့် ၂ ကို ဖော်ပြပေးပြီးပါပြီ။ ဖတ်ရှုလိုပါက အောက်ပါလင့်ခ်ကို နှိပ်၍ဖတ်နိုင်ပါသည်။

https://greenwaymyanmar.com/posts/basic_plant_disease_protection_one

၃။ ရောဂါဖြစ်ခြင်းမှ ကာကွယ်ခြင်း

(က) ကာကွယ်ဆေးများ ပက်ဖျန်းခြင်း

ကာကွယ်ဆေးများ ပက်ဖျန်းခြင်းသည် အပင်ရောဂါကာကွယ်ရာ၌ အသုံးအများဆုံးနည်းဖြစ်သည်။ ကာကွယ်ဆေး ပက်ဖျန်းခြင်းကို တစ်ကြိမ် ပြုလုပ်ရုံဖြင့် မလုံလောက်ပေ။ ပတ်ဝန်းကျင်၊ ရာသီဥတုအခြေအနေပါ် မူတည်၍ နှစ်ကြိမ်၊ သုံး ကြိမ်မက ပက်ဖျန်းခြင်းပြုလုပ်ရသည်။

ဥပမာ။ ။ အာလူးလောင်မည်းရောဂါကို မှိုသတ်ကေးဖျန်းခြင်းဖြ င့် ကာကွယ်နှိမ်နင်းနိုင်ပါသည်။

အာလူးခင်းအားဆေးဖျန်းနေပုံ

(ခ) စိုက်ပျိုးနည်းဖြ င့် ကာကွယ်ခြ င်း

အပင်ရောဂါများကို ကာကွယ်ရန်၊ သုတ်သင်ရန်နှင့် တားဆီးရန် စိုက်ပျိုးနည်းစနစ်များကို ရွေးချယ်အသုံးပြုနိုင်သည်။ သီးနှံများစွာတို့၏ မျိုးစေ့များကို တိမ်တိမ်စိုက်ခြင်းဖြင့် အစိုဓာတ်၊ အပူချိန်၊ လေဝင်လေထွက်နှင့် မြေဩဇာ ကောင်းစွာ ရစေပါသည်။ ထိုသို့ရရှိသဖြင့် အပင်ကြီးလွယ်နိုင်သောကြောင့် အပင်ငယ်၌ ဖြစ်တတ်သော အချို့ရောဂါများမှ ကင်းလွတ်စေသည်။

ဥပမာ။ ။ မြေပဲစေ့ကို တိမ်တိမ်စိုက်ခြင်းဖြင့် မြေပဲပင်ရင်းပုပ်ရောဂါကို ကာကွယ်နိုင်သည်။

အလားတူ အပင်များစိုက်ပျိုးပြုစုရာ၌ ဒဏ်ရာမရစေရန် ဂရုပြုခြင်းအားဖြ င့် အပင်ရောဂါဖြစ်စေသော သက်ရှိများကို အပင်၏ဒဏ်ရာများမှ အလွယ်တကူ မဝင်ရောက်စေနိုင်ရန်ကာကွယ်ပေးနိုင်သည်။

ဥပမာ။ ။ ဒူးရင်းပင်အား အပင်ပတ်လည်မှ မြေဆွ၍ မြေဩဇာကျွေးရာတွင် အမြစ်များဒဏ်ရာမရအောင် ဂရုပြုခြင်းဖြင့် ဒူးရင်းမြစ်ပုပ်ရောဂါကို ကာကွယ်နိုင်သည်။

မြေ၏ချဉ်ငန်ဓာတ် ပြောင်းပေးခြင်းဖြင့်လည်း အချို့ရောဂါများကို ကာကွယ်နိုင်သည်။

ဥပမာ။ ။ ထုံးထည့်ခြင်းသည် မြေချဥ်ငန်ဓာတ်ကိန်းကို တိုးတက်စေခြင်းကြောင့် အာလူးအကြေးဖတ်ရောဂါကို ကာကွယ်နိုင်သည်။

၄။ ရောဂါဒဏ် ခံနိုင်ရည် ရှိစေခြင်း

ဤနည်းသည် လက်ခံပင်ကို ရောဂါဒဏ်ခံနိုင်ရည်ရှိအောင် လုပ်ပေးခြင်းဖြ င့် ရောဂါကိုကာကွယ်နှိမ်နင်းခြင်းဖြစ်ပြီး လက်တွေ့တွင် အသုံးဝင်သောနည်းဖြစ်သည်။ လက်ခံပင်မျိုးအလိုက် ရောဂါခံနိုင်ရည်ရှိမှု ကွာခြားတတ်ရာ၊ ခံနိုင်ရည်ရှိသော လက်ခံပင်မျိုးများရရန်အောက်ပါနည်းများကို အသုံးပြုနိုင်သည်။

(က) ရွေးချယ်ခြင်း

လက်ခံပင်အမျိုးမျိုးထဲမှ တစ်ပင်ချင်းသော်လည်းကောင်း၊ မျိုးကွဲအလိုက်သော်လည်းကောင်း၊ ရောဂါဒဏ်ခံနိုင်ရည်ရှိသောအပင်များကို စနစ်တကျ စမ်းသပ်ရွေးချယ်ခြင်းဖြစ်သည်။

လောင်မည်းရောဂါဒဏ်ခံနိုင်ရည်ရှိ အာလူးမျိုးများအား စိစစ်ရွေးချယ်ခြင်း

(ခ) နိုင်ငံခြားမှ တင်သွင်းခြ င်း

မိမိတိုင်းပြည်တွင် မရနိုင်သော ရောဂါဒဏ်ခံနိုင်ရည်ရှိသည့် သီးနှံမျိုးများကို နိုင်ငံခြားတိုင်းပြည်များမှ မှာယူတင်သွင်း စိုက်ပျိုးခြင်းဖြစ်သည်။

(ဂ) မျိုးစပ်မွေးမြူခြင်း

ရောဂါဒဏ်ခံနိုင်ရည်ရှိသောမျိုးနှင့် အထွက်နှုန်းကောင်းသောမျိုးတို့ကို မျိုးစပ်မွေးမြူခြင်း ဖြစ်သည်။

(ဃ) မျိုးထွန်းနည်းဖြင့် မွေးမြူခြင်း

အချို့သီးနှံတို့၏ ဗီဇကို ပြောင်းလဲပေးခြင်းအားဖြင့် ၎င်းတို့၏ အရည်အချင်းများ ပြောင်းလဲသွားအောင် ဆောင်ရွက်နိုင်သည်။ ဥပမာ- အပင်တို့ကို ဂမ်မာရောင်ခြည် (Gamma ray) သို့မဟုတ် အိပ်စ်ရေးရောင်ခြည် (X- ray) စသည့်တို့နှင့် စက္ကန့်အနည်းငယ်မျှ ထိတွေ့ပေးလိုက်ခြင်းဖြင့် အပင်၏ မျိုးရိုးဆက်ခံနိုင်သော ရောဂါခံနိုင်သည့် ဗီဇများအဖြစ်သို့ ပြောင်းလဲပြီး ရောဂါဒဏ်ခံနိုင်ရည်ရှိစေခြင်းဖြစ်သည်။ ဤသို့ ဆောင်ရွက်ခြင်းကို မျိုးထွန်းဖြင့် မွေးမြူခြင်းဟု ခေါ်သည်။

Crd#ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဆက်စပ်ဆောင်းပါးများ

ပိုးမွှားရောဂါ

ဂန္ဓမာရွက်ပြောက်ရောဂါ ကာကွယ်ကုသနည်းများ

Thein Soe Min

ပိုးမွှားရောဂါ

ဖျက်ပိုးတွေက တကယ်ပဲ ပိုးသတ်ဆေးတွေကို ယဉ်ပါးလာနိုင်တာလား?

ဇင်ထူးနိုင်

ပိုးမွှားရောဂါ

တစ်ညတည်း တံစဉ်နဲ့ ရိတ်ထားသလို ကိုက်ဖြတ်စားသောက်နိုင်တဲ့ စပါးငမြှောင်တောင်

Thar Po

ဆက်စပ်မေးခွန်းများ

ဆရာ မန်ကိုဇက်နဲ့ အမိုင်နိုအက်စစ် အဲ့ဆေးနှစ်မျိုးတွဲ ဖျန်းလို့ရလားဆရာ

U Yan • ဖြေကြားချက် 2 ခု

ဆရာကြီးခင်ဗျာ့ဖြုတ်ကျတယ့်ပုံစံလားခင်ဗျာ

Zaw Than Oo • ဖြေကြားချက် 2 ခု

ကျတော်ဘက်မှာ တမာမရှိလို တမာအစား ဆေးခါးပင်ကို အစားထိုးလို ရလားဗျာ ပိုးကာကွယ်ဆေး အနေနဲ့ ဖြေပေးကြပါအုံးဆရာများ

Nyi Nyi Aung • ဖြေကြားချက် 1 ခု

ဝါပင် ၃လသား ရှိပါပီိ အသီးအပွင့်တွေနဲ့ ဝါပင်အချို့ အရွက်တေဝါလာပီး အပင်ကျသွားသလိိုဖြစ်နေပါတယ်် အညွန့်အတက်လဲတိတ််သွားပါတယ်် အမြစ်ပိိုးလားခင်ဗျာ ဘာဆေးသုံးရမလဲဗျ

Ko Phyo • ဖြေကြားချက် 1 ခု

ဧရာပဒေသာ၄၇ရက်သားအဖျားလေးတွေခြောက်နေလို့ဖြုတ်ကျောဖြူလေးတွေအနည်းအပါးရှိပါတယ်ပိုးကြောင့်လားပိုတက်ချို့တဲ့လို့ခြောက်တာလားခဗျဒီနေ့၁၅ပတ်လည်၁ဧကအိတ်ဝက်ကျွေးထားပါတယ်

kyaw zin • ဖြေကြားချက် 3 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ