နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 161 အပင်အာဟာရ 294 စိုက်ပျိုးနည်း 395 ပိုးမွှားရောဂါ 443 စိုက်ပျိုးစီးပွား 54 ခေတ်သစ်စိုက်ပျိုးရေး 48 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 840

တိုင်ထောင်ပဲ စိုက်ပျိုးနည်း

Green Way • Greenovator • 09/01/2018

အမျိုးအစား

ပဲတောင့်ရှည်တွင် အပင်ပုမျိုး (နွယ်မဲ့မျိုး) နှင့် အပင်ရှည်မျိုး (နွယ်တက်)မျိုးဟူ၍ရှိပြီး အပင်ရှည်မျိုးကို တိုင်ထောင်စိုက်ကြသည်။ အတောင့်ရှည်မှာ (၂)ပေကျော်ထိရှိနိုင်ပြီး အရောင်အားဖြင့် အစိမ်းနု၊ အစိမ်းရင့်၊ အနီရောင်ဟူ၍ ကွဲပြားသည်။ အစေ့အရောင်မှာ မျိုးအလိုက် အနီပြောင်၊ အနီရောင်နှင့် အပြာရောင်ရော ဟူ၍အမျိုးမျိုးရှိသည်။

ရေမြေရာသီဥတု

ပဲတောင့်ရှည်ကို မြေအမျိုးမျိုးတွင် စိုက်ပျိုး၍ရသည်။ တိုတောင်းသောရာသီ၌ အချိန်တိုအတွင်း စိုက်ပျိုးလိုပါက သဲဆန်မြေတွင် စိုက်ပျိုးကြသည်။ မြေကောင်းလျှင် အထွက်ပိုကောင်းသည်။ အလွန်ချဉ်သောမြေတွင် ကောင်းစွာမဖြစ်ထွန်းပါ။ စိုက်ပျိုးရန် အကောင်းဆုံးမြေချဉ်ငံကိန်းမှာ (၆-၇) အတွင်းဖြစ်သည်။

အပူချိန် ၁၀ စင်တီဂရိတ်အောက်အေးပါက သီးပွင့်မှုကို နှောင့်နှေးစေသည်။ အလွန်ပူသောရာသီ (သို့) မိုးအလွန်များပါကလည်း အပွင့်အသီးကို ကြွေစေသည်။ အသင့်တော်ဆုံးအပူချိန်မှာ (၂၅-၂၂) ဒီဂရီစင်တီဂရိတ်အတွင်းဖြစ်သည်။

မျိုးစေ့နှုန်းထား

အပင်ပုမျိုး - (၈ - ၁၀) ကီလိုဂရမ်/ တစ်ဧက

တိုင်ထောင်မျိုး - (၄ - ၅) ကီလိုဂရမ်/ တစ်ဧက

မြေသြဇာနှုန်းထား (တစ်ဧက)

နွားချေး- ၁၀တန်၊ ယူရီးယား- ၂၂၄ပေါင်၊ တီစူပါ- ၁၁၂ပေါင်၊ ပိုတက်ရှ်- ၅၆ပေါင်။

နွားချေး၊ တီစူပါ ပိုတက်ရှ်နှင့် ယူရီးယား(၁၁၂)ပေါင်ကို မစိုက်မီ မြေတွင်ထည့်ပြီး ကျန်ယူရီးယား(၁၁၂)ပေါင်ကို ပေါင်းလိုက် မြေဆွချိန်တွင် ထည့်ပေးရမည်။ တတ်နိုင်ပါက ဓာတ်မြေသြဇာများကို မျိုးစေ့စိုက်ချိန်တွင် အစေ့၏ ပတ်ပတ်လည် (၃) လက်မခန့်အကွာတွင် ချပေးပါ။ မဂ္ဂနီဆီယမ်နှင့် သွပ်ဓာတ်များချို့တဲ့ပါက အသီးတွင် ပရိုတင်းပါဝင်မှုလျော့နည်းစေသည်။ မဂ္ဂနီဆီယမ်ဓာတ်လိုအပ်ပါက အပင်၏ အောက်ပိုင်းအရွက်တို့၏ နှုတ်ခမ်းပတ်လည်၌ ဝါလာသည်ကို တွေ့ရမည်။

မြေပြုပြင်ခြင်း

ထွန်ရေးအလွန်ကောင်းအောင် မြေကိုပြုပြင်ရန်မလိုချေ။ ထွန်ရေးအသင့်အတင့်ရလျှင်စိုက်နိုင်သည်။ ရေမဝပ်သောမြေကို ရွေးချယ်ရမည်။

စိုက်ပျိုးခြင်း

မျိုးစေ့ချရာ၌ အစိုဓာတ်များလွန်းက ပုပ်သွားတတ်သည်။ ထို့ကြောင့် မိုးရွာပြီးနောက် နေသာနေ့တွင် နောက်မိုးမရွာနိုင်ဟု ယူဆနိုင်မှ ချစိုက်သင့်သည်။ တိုင်ထောင်ပဲကို အများအားဖြင့် တစ်တန်းနှင့် တစ်တန်း(၃)ပေခြားပြီး တစ်ပင်နှင့်တစ်ပင်

(၉ – ၁၂) လက်မခွာ၍ စိုက်နိုင်သည်။ စိုက်ပျိုးပြီးအပင်များ ရှည်လာသောအခါ အနည်းဆုံး (၇)ပေခန့်ရှည်သော ဝါးတိုင်(သို့) သစ်သားတိုင်များကို အပင်တိုင်း၏အခြေတွင် ထောင်ပေးသည်။ အချို့တိုင်များမြဲစေရန် တစ်တန်းထဲရှိ နီးကပ်သောအပင်များ၏ တိုင်ကို ကြက်ခြေခတ်ပေးပြီး တိုင်များဆုံရာ၌ စုချည်ပေးသည်။ ဂျပန်နိုင်ငံတွင် အခြားတစ်ဖက်တန်းရှိ နီးစပ်သောအပင်၏ တိုင်နှင့် ထိပ်တွင်ဆုံချည်ပေးသည်။ အမေရိကန်နိုင်ငံတွင် လေးပွင့်ဆိုင် ဝါးလေးလုံးကို အလယ်တွင် ဆုံစေ၍ တိုင်၏ထိပ်တွင် ကြိုးဖြင့်ချည်ပေးသည်။

ရေဝပ်ခြင်းကင်းစေရန် စိုက်တန်းတစ်ခုနှင့် တစ်ခုအကြားတွင် ရေနှုတ်မြောင်း (သို့) (၂)တန်းကြားတွင် တစ်မြောင်းပြုလုပ်ပေးနိုင်သည်။

ဝါးရှားသော ဒေသတွင် အပင်ရှည်မျိုးကို သက်ကြီးပြောင်းဖူးမျိုးနှင့်ရော၍ စိုက်ပျိုးကြသည်။ ပဲပင်တို့သည် တိုင်ထောင်စရာမလိုပဲ ပြောင်းဖူးပင်ကိုအမှီပြု၍ တက်ကြသည်။ အပင်ပုမျိုးကို တစ်တန်းနှင့် တစ်တန်း ( ၁.၅ -၂)ပေခြား၍ တစ်ပင်နှင့် တစ်ပင် (၂)ပေခွာစိုက်သည်။ ရာသီဥတု သင့်တင့်သောဒေသတွင် တစ်နှစ်ပတ်လုံး စိုက်ပျိုးနိုင်သည်။ ရေရရှိက အချိန်မရွေးစိုက်နိုင်သည်။

အပင်ပြုစုခြင်း

ပူ၍ စွတ်စိုသောရာသီဥတုတွင် ပေါင်းမြက်များ အထမြန်သောကြောင့် စတင်ပေါက်လာသည်နှင့် နှိမ်နှင်းပေးရမည်။ အထူးသဖြင့် အပင်ရှည်မျိုးသည် သက်တမ်းပိုရှည်သောကြောင့် ပေါင်းကိုကြိုတင်၍ မနှိမ်ထားက နောက်ပိုင်း တိုင်ထောင်ပြီးလျှင် ပေါင်းလိုက်ရခက်သည်။ ပေါင်းနှိမ်စဉ် ပဲပင်များ၏ အမြစ်များကို မထိခိုက်ရန် သတိပြုပါ။ ပဲပင်၏အမြစ်တွင် နိုက်ထရိုဂျင်ဖမ်းယူနိုင်သော ဘက်တီးရီးယားများ ခိုအောင်း၍ အပင်တွက် နိုက်ထရိုဂျင်ကို ရယူပေးခြင်းဖြင့် အကျိုးပြုစေသည်။

ရေသွင်းခြင်း

ပဲပင်တို့သည် ခြောက်သွေ့သောရာသီဒဏ်ကို ခံနိုင်ရည်ရှိသော်လည်း ရက်ရှည်ခြောက်သွေ့နေပါက ရေပေးသွင်းရန်လိုအပ်သည်။ မိုးရာသီစိုက်ပျိုးပါက ရေဝပ်သောမြေ၊ မြေစေးတို့တွင် ရေနုတ်မြောင်းပြုလုပ်ထားရမည်။

ရိတ်သိမ်းခြင်း

ပဲသီးများကို အရွယ်မရောက်မီ အစေ့နုသေးသောအချိန်တွင် ဆွတ်ခူးရသည်။ ပန်းပွင့်ပြီး (၇-၁၀) ရက်အကြာတွင် စတင်ဆွတ်ခူးနိုင်သည်။ ပဲသီးတောင့်များရင့်လာက အစေ့နေရာတွင်ဖောင်းကြွကာ အခွံသည် ပျော့သောကြောင့် စားသုံးသူများ မနှစ်သက်ကြချေ။ အပင်ပုမျိုး တစ်ဧကလျှင် (၈၀၀ - ၉၀၀)ပိဿာ၊ အပင်ရှည်မျိုး တစ်ဧက (၂၀၀၀) ပိဿာကျော်ထိထွက်ရှိနိုင်သည်။

Credit- စိုက်ပျိုးရေး သတင်းများ

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

အကြောင်းအရာ 1

ပဲတောင့်ရှည်စိုက်ပျိုးနည်း

Ko Pyae

လွန်ခဲ့သော ၁၁ လ က

45ရက်ပါ

u kyaw khaing win

လွန်ခဲ့သော ၁ နှစ် က

တိုင်ထောင်ပဲကိုအပင်ဘယ်အရွယ်စားရောက်ရင်အညွှတ်ဖြတ်ရလဲ

အမည်မသိ

လွန်ခဲ့သော ၃ နှစ် က

MAUNG NAING LIN TUN

လွန်ခဲ့သော ၃ နှစ် က

စိုက်ပျိုးပြီး အချိန်ဘယ်လောက်ကြာလျှင် ပန်းပွင့်သလဲဗျ

Mg Mg

လွန်ခဲ့သော ၄ နှစ် က

1လပိုင်း စိုက် လို့ရ ပါ သလား

ဆက်စပ်ဆောင်းပါးများ

စိုက်ပျိုးနည်း

အစေ့ထုတ်ပြောင်း အထွက်တိုးစေမည့် စိုက်ပျိုးနည်းပညာ

ဆင်းသီဟ

စိုက်ပျိုးနည်း

ကိုယ့်ရဲ့ဝင်ငွေရသီးနှံ ပျက်ဆီးဆုံးရှုံးမှုနည်းအောင် ထောင်ချောက်သီးနှံ နှင့် ပိုးပြေးပင်တွေကို ဘယ်လို တွဲဖက်စိုက်ပျိုးကြမလဲ

Thein Soe Min

စိုက်ပျိုးနည်း

မိုးခေါင်ရေရှားမှုကို ခံနိုင်ရည်ရှိစေမည့် စပါးစိုက်ပျိုးနည်းလမ်းများ

သော်ဇင်

အကြောင်းအရာ ပံ့ပိုးသူ

Greenovator

ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။ 

ဆက်စပ်မေးခွန်းများ

ဘိုစားပဲပင် အပင်မကြီးပဲတိုင်မဆုံးခင်အပွင့်ပွင့်တာဘာလို့လဲရှင့် အပင်မကောင်းတော့စိတ်ညစ်နေလို့ပါ နောက်ဆုံးပုံကအပင်ကသူများစိုက်ခင်းကအပင်ပါရှင့် အပင်ကောင်းအောင်ဘာဆေးဖျန်းရမလဲရှင့်

moe • ဖြေကြားချက် 1 ခု

ချည်မျှင်ရှည်ဝါ စိုက်ပျိုးပြီး အချိန်ဘယ်လောက်ကြာမှဆေးဖြန်းရမလူဲသိချင်လို့ပါရှင့်

Kaythi Khing • ဖြေကြားချက် 1 ခု

မြစ်သားမျိုးစိုက်ရလားဗျ ဆရာတို့ပြောပြပါအူံး

မောပ်တိုးတတ် • ဖြေကြားချက် 1 ခု

ပုသိမ်ပေါ်ဆန်းစိုက်ပျိုးမှု့အကြောင်းသိချင်ပါတယ် ရေထိမ်းသိမ်းမှု ဘာဆေးတေကြွးသင့်လဲ

ကိုမျိုးဆွေဦး • ဖြေကြားချက် 1 ခု

ပေါ့်ဆန်းစပါးကိုရေဘယ်လိုထိမ်းရမလဲ ဘာဆေးတေကြွေးသင်လဲသိချင်ပါတယ်

ကိုမျိုးဆွေဦး • ဖြေကြားချက် 1 ခု

Farm Link Co.,Ltd

ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

နောက်ဆုံး ဆောင်းပါးများ