နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 161 အပင်အာဟာရ 294 စိုက်ပျိုးနည်း 395 ပိုးမွှားရောဂါ 443 စိုက်ပျိုးစီးပွား 54 ခေတ်သစ်စိုက်ပျိုးရေး 48 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 840

ဟင်းသီးဟင်းရွက်စိုက်ပျိုးသော တောင်သူများ စိုက်ခင်းနေရာရွေးချယ်နည်း

Htunn Winn Kyaw • မြားနီနည်းပညာပေးရေးအဖွဲ့ • 26/11/2024

စိုက်ခင်းနေရာသည်

- တစ်နှစ်ပတ်လုံး သို့ စိုက်ပျိုးရာသီချိန်တစ်လျှောက်လုံး ရေရရှိသည့် အရင်းအမြစ်တစ်ခုရှိသင့်ပါသည်။ ရေပုံမှန်လောင်းရန်လိုအပ်သောကြောင့်ဖြစ်ပါသည်။

- မြေသားအမျိုးအစားများကိုလည်း စစ်ဆေးပါ။ ရေထိန်းစွမ်းအားမကောင်းသော သဲမြေတွင် အော်ဂဲနစ်မြေသြဇာများ ထည့်သွင်းပြုပြင်နိုင်ပါသည်။

- တစ်ရက်လျှင် အလင်းရောင် အနည်းဆုံး (၆)နာရီ ရရှိသောနေရာကိုရွေးချယ်ပါ။ အပင်ကြီးထွားမှုနှင့် အစာချက်လုပ်ရန်အတွက် နေရောင်သည် အကောင်းဆုံးအထောက်အကူဖြစ်ပါသည်။

- စိုက်ခင်းနေရာတွင် ကျရောက်ခဲ့သော အင်းဆက်နှင့် ဖျက်ပိုးများ၊ ရောဂါများ၏ နောက်ခံသမိုင်းကြောင်းများကို လေ့လာသုံးသပ်ပါ။ တူညီသောမျိုးရင်းဝင် သီးနှံများကို ထပ်မံစိုက်ပျိုးခြင်းမှ ရှောင်ကြဉ်သင့်ပါသည်။

- ရာသီဥတု အခြေအနေများ၊ ပူခြင်း၊ အေးခြင်း၊ မိုးများခြင်း၊ မိုးနည်းခြင်း၊ ရေလွှမ်းမိုးခြင်း စသည့်အချက်များကိုလည်း ထည့်သွင်းစဉ်းစားရွေးချယ်သင့်ပါသည်။

- မြေမျက်နှာသွင်ပြင် အနိမ့်အမြင့်၊ ဆင်ခြေလျှောများ၊ ကွန်တိုများကိုလည်း စစ်ဆေးပြီး ပြင်ဆင်ထားသင့်ပါသည်။

စိုက်ခင်းနေရာကိုလည်း

- ပေါင်းမြက်များရှင်းလင်းခြင်း (ပန်းမပွင့်မီ (သို့) မျိုးစေ့မထုတ်မီကာလတွက် ဖယ်ရှားပါ)

- သီးနှံအကြွင်းအကျန်များဖယ်ရှားရှင်းလင်းပေးခြင်းများပြုလုပ်ပြီး

- ရောဂါကျရောက်နေသောသီးနှံများကိုဖယ်ထုတ်ပြီး မြေကျင်း သို့ မြေဆွေးပုံများပြုလုပ်ထားသင့်ပါသည်။

- ကျောက်တုံးကျောက်ခဲများရှိပါက ကြိုတင်ဖယ်ရှားထားသင့်ပါသည်။

စိုက်ဘောင်များပြုလုပ်ခြင်း

စိုက်ဘောင်များ ပြုလုပ်စိုက်ပျိုးခြင်းအားဖြင့် သီးနှံများကို စီမံခန့်ခွဲမှုများ ကို ပိုမိုလွယ်ကူစေပါတယ်။

- စိုက်ဘောင်များပြုလုပ်ရန်အတွက် (၃) ပေအကျယ်၊

- အမြင့် (၄-၈)လက်မ (မိုးရာသီအတွက် (၁)ပေမှ (၁)ပေခွဲ) ရှိသော စိုက်ဘောင်များကို

- ဘောင်ကြား တစ်ပေခွဲ စီ ခြားပြီး ပြုလုပ်ပါ။

- စိုက်ဘောင် အရှည် (၆) ပေတိုင်းတွင် ကောင်းစွာဆွေးမြည့်သော မြေဆွေး ဒါမှ မဟုတ် ဒေသတွင်း ရရှိနိုင်သည့် သဘာဝမြေသြဇာ (၂)ပြည် ကို ထည့်ပေးပါ။

မြေကြီးတွင်းပါဝင်သည့် ဓာတ်များကို စစ်ဆေးကြည့်ပါ။

- ချဉ်ငံကိန်းသည် အပင်လိုအပ်သည့်ပမာဏအောက် လျော့နည်းနေပါက ပညာရှင်များအကူအညီဖြင့် ထုံးထည့်ရန်ပြင်ဆင်ပါ။

- မြေကြီးတွင် ပါဝင်နေသည့် နိုက်ထရိုဂျင်၊ တီစူပါ၊ ပိုတက်ရှ် တို့ကို စစ်ဆေးပါ။

မြေဆီသြဇာကောင်းမွန်စေရန်အတွက် အကောင်းဆုံးအကြံပြုချက်များ

(၁) သစ်ရွက်စိမ်းမြေသြဇာ

ပဲမျိုးရင်းဝင်အပင်များကို အသုံးပြုပြီး ပန်းမပွင့်မီ ထယ်ထိုးမြေမြုပ်ပေးခြင်းအားဖြင့် မြေဆီလွှာအခြေအနေကိုတိုးတက်ကောင်းမွန်စေပါသည်။

(၂) သီးလှည့်စိုက်ပျိုးခြင်း

မျိုးရင်းဝင်မတူသော သီးနှံများကို အလှည့်ကျစိုက်ပျိုးပေးခြင်းအားဖြင့် မြေဆီလွှာတွင်း အာဟာရဓာတ်များကို ထိန်းသိမ်းနိုင်ပါသည်။

(၃) ဖုံးအုပ်စိုက်ပျိုးခြင်း

ကောက်ရိုး၊ သစ်ရွက်ခြောက် စသည်တို့ဖြင့် စိုက်ဘောင်တစ်ခုလုံးကို ဖုံးအုပ်စိုက်ပျိုးပေးခြင်းအားဖြင့်

မြေအစိုဓာတ်ကို ထိန်းသိမ်းပေးခြင်း၊ အသီးများကို မြေကြီးနှင့် တိုက်ရိုက်ထိတွေ့ခြင်းမှ ကာကွယ်ပေးခြင်း၊ မြေကြီးသိပ်သည်းမှုနှင့် တိုက်စားခြင်းများကို လျော့ချပေးနိုင်ခြင်း၊ ပေါင်းပင်များ၏ ကြီးထွားမှုကို လျော့ကျစေခြင်းစသည့် အကျိုးကျေးဇူးများ ရရှိနိုင်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

ဆက်စပ်ဆောင်းပါးများ

စိုက်ပျိုး ဗဟုသုတ

ရေကြီး ဒေသတွေမှာ ရေကျပြီးရင် တောင်သူတွေအနေနဲ့ ဘာတွေ ပြန်လုပ်ကြရမလဲ? ဘာတွေပြန်စိုက်မလဲ?

Htunn Winn Kyaw

စိုက်ပျိုး ဗဟုသုတ

ပန်းပွင့်ချိန်ကို မီးနဲ့ထိန်းချုပ်ပြီး စျေးကောင်းရယူနည်း

သော်ဇင်

စိုက်ပျိုး ဗဟုသုတ

ရေခဲပြင်ဒေသက စိုက်ပျိုးစီးပွားရေး အကြောင်း

Htunn Winn Kyaw

အကြောင်းအရာ ပံ့ပိုးသူ

မြားနီနည်းပညာပေးရေးအဖွဲ့

မြားနီနည်းပညာပေးရေးအဖွဲ့ သည် မြားနီမျိုးစေ့ ကုမ္ပဏီနှင့် ထူးခြားသော ချိတ်ဆက်မှုရှိသည့် အကျိုးအမြတ်မယူသော အဖွဲ့ အစည်းတစ်ခုအဖြစ်ရပ်တည်လျက်ရှိပြီး အပူပိုင်းဒေသရှိ ဟင်းသီးဟင်းရွက်စိုက်ပျိုးသူ တောင်သူများ၏ လူနေမှုဘဝမြင့်မားလာစေရေး၊ လုံခြုံစိတ်ချရသည့် လတ်ဆတ်သော ဟင်းသီးဟင်းရွက် စိုက်ပျိုးထုတ်လုပ်မှုနည်းလမ်းများ ပံ့ပိုးကူညီပေးခြင်းနှင့်ဈေးကွက်ကိုဖော်ဆောင်နိုင်ရေးအတွက်တောင်သူများနှင့် ချိတ်ဆက်ပြုလုပ်ဆောင်ရွက်နေသောအဖွဲ့ဖြစ်ပါသည်။

ဆက်စပ်မေးခွန်းများ

ခရမ်းချဉ် အပင်ပုတ်နေလို့ပါဘာဖြစ်လို့လည်းခမျရှင်းပြပေးပါ

Ba Gyan • ဖြေကြားချက် 2 ခု

ကွမ်းခြံထဲ ပွေးတွင်းတွေရောက်နေလို့ ဘယ်လိုလုပ်ရမလဲရှင့်

Nan • ဖြေကြားချက် 1 ခု

ကွမ်းခြံစိုက်ထားတဲ့သူပါဗျ ကွမ်းကိုခုလိုမိုးရာသီမှာဘယ်လိုဂရုစိုက်ရမယ်ဆိုတာ ဆောင်ရန်ရှောင်ရန်လေးတွေပြောပြပေးပါလားဗျာ

Nan • ဖြေကြားချက် 2 ခု

ကျွန်တော်က ပဲခူးတိုင်းက ဇော်လုံးစိုက်ပျိုးသူပါ။ ကျနော့်စိုက်ခင်းမှာအဓိကပြဿနာက မိုးတွင်းမှာ ရေနစ်မြုပ်တာပါ။ စိုက်ပျိုးပြီးမှ အခြေအနေကိုသိရတဲ့အတွက် ဘောင်မြှင့်တာမျိုးလဲမလုပ်ခဲ့ရပါဘူး။ ရေစီးအတွက် ခြံမှာ ပတ်မြောင်း‌‌ဖော်လိုက်ရင်‌အဆင်‌ ပြေနိုင်မလားခင်ဗျာ။ အဲ့ဒီပြဿနာကို ဘယ်လိုဖြေရှင်းရမလဲနဲ့ အတွေ့အကြုံရှိခဲ့ဖူးရင် မျှဝေပေးစေလိုပါတယ်ခင်ဗျာ။ ကျေးဇူးတင်ပါတယ်။

Kaung Pyae Kyaw • ဖြေကြားချက် 1 ခု

ကြက်သွန်စိုက်မို့ မစိုက်မှီ မြေဆီမှာ မြေစာအတတ်တွေ ပြန်ပေါက်နေလို့ ဘာဆေးသုံးရမလဲဗျာ

မောင်မြတ်သိန်းထွန်း • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ