ပျိုးဘောင် (စိုက်ဘောင်) ဖော်နည်း

Green Way • 31/08/2023

ဥယျာဉ်ခြံသီးနှံများအနက် ဟင်းသီးဟင်းရွက်နှင့် ပန်းမန်ပင်အချို့ကို စိုက်ပျိုးရာတွင် အသုံးပြုရသည့် ပျိုးဘောင်၊ စိုက်ဘောင်များ စနစ်တကျပြင်ဆင်တတ်စေရန်အတွက် ရည်ရွယ်ပြီး ဖော်ပြပေးလိုက်ပါသည်။

စိုက်ဘောင်ဖော်နည်း

(၁) ပျိုးဘောင်၊ စိုက်ဘောင်များ ပြုလုပ်မည့်မြေနေရာကို ပေါင်းမြက်များ ရှင်းလင်းရန်နှင့် လိုအပ်သောထယ်ရေး၊ ထွန်ရေးရရှိရန် မြေသား ၆ မှ ၁၀ လက်မ အနက်ထိ ထယ်ထိုး၊ ထွန်မှောက်ပေးရမည်။

(၂) ပျိုးပင်များကို စောင့်ရှောက်မှု လွယ်ကူစေရန် ပျိုးဘောင်အနံ (၃) ပေခန့်ထားရမည်။

(၃) ပျိုးဘောင်၏အလျားကို ရရှိသော မြေကွက်အရွယ်အစားနှင့် အနေအထားပေါ်မူတည်၍ သင့်လျော်သလို ထားနိုင်သည်။

(၄) မိုးများသောဒေသနှင့် ရေဝပ်သောမြေနေရာများတွင် ပျိုးဘောင်၏အမြင့်ကို ၆လက်မခန့်မြင့်၍ ဘောင်ဖော်ပေးရမည်။

(၅) ပူပြင်းခြောက်သွေ့သောဒေသများနှင့် ရာသီဥတုတို့တွင် ရေစီးဆင်းမှု ကာကွယ်ရန်နှင့် အစိုဓာတ်ထိန်းသိမ်းထားနိုင်ရန် ပျိုးဘောင်ကို မြေပြင်အောက် (၂) လက်မခန့်နှိမ့်၍ ကျင်းသဏ္ဌာန် ဖော်ပေးရမည်။

(၆) မြေသားနုညက်သွားသည်အထိ မြေစာခဲများမကျန်အောင် မြေပြင်ပေးရမည်။

(၇) ပျိုးဘောင်သည် ပေါင်းမြက်များ၊ ကျောက်စရစ်ခဲများနှင့် အခြားအမှိုက်သရိုက်များကင်းစင်နေရမည်။

(၈) အမှိုက်သရိုက်များကင်းစင်၍ မြေသားညက်သွားသောအခါ သာမန်မြေအမျိုးအစားအတွက် (၃) ပေအကျယ်၊ ပေ (၂၀) အရှည်ရှိ ဘောင်တစ်ဘောင်တွင် မြေဆွေးတစ်တင်း (သို့မဟုတ်) နွားချေးဆွေးတင်းဝက် (သို့မဟုတ်) ကြက်ချေးဆွေးတစ်စိတ်တို့ကို ထည့်သွင်းပေးရမည်။

(၉) လောင်းသောရေများ စီးထွက်မသွားစေရန် ပျိုးဘောင်ကို ဘောင်နှုတ်ခမ်းတင်ပေးရမည်။

(၁၀) ပျိုးဘောင်ပြုလုပ်ပြီးနောက် မြေ၊ ရေ၊ လေ အချိုးသမမျှတအောင်ရက်အနည်းငယ် ထားရမည်။ ယင်းသို့ပြုလုပ်ခြင်းကို မြေနှပ်သည် ဟုခေါ်သည်။

(၁၁) ပျိုးဘောင်တွင်း မြေအာင်းပိုးမွှားများနှင့် မြေဆောင်ရောဂါများကို ကာကွယ်ရန် မြေတွင်းအောင်းပိုးသတ်ဆေးထည့်ပေးခြင်း၊ ကောက်ရိုး (သို့မဟုတ်) အမှိုက်များကိုဘောင်ပေါ်တွင် မီးရှို့ပေးခြင်းများဖြင့် ကြိုတင်ကာကွယ်နိုင်သည်။ တတ်နိုင်ပါကပျိုးဘောင်များကို ပလတ်စတစ်ဖုံးအုပ်ပြီး နေရောင်အောက်တွင် ရက်အတန်ကြာထားခြင်းဖြင့် မြေအောင်းပိုးမွှားများနှင့် မြေဆာင်ရောဂါများကို ကာကွယ်နိုင်သည်။

Crd#ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Ye Thuya Aung

လွန်ခဲ့သော ၁ နှစ် က

ဘောင်ပြားပြုလုပ်ခြင်းအကြောင်း

ဆက်စပ်ဆောင်းပါးများ

စိုက်ပျိုး ဗဟုသုတ

ရေကြီး ဒေသတွေမှာ ရေကျပြီးရင် တောင်သူတွေအနေနဲ့ ဘာတွေ ပြန်လုပ်ကြရမလဲ? ဘာတွေပြန်စိုက်မလဲ?

Htunn Winn Kyaw

စိုက်ပျိုး ဗဟုသုတ

ပန်းပွင့်ချိန်ကို မီးနဲ့ထိန်းချုပ်ပြီး စျေးကောင်းရယူနည်း

သော်ဇင်

စိုက်ပျိုး ဗဟုသုတ

ရေခဲပြင်ဒေသက စိုက်ပျိုးစီးပွားရေး အကြောင်း

Htunn Winn Kyaw

ဆက်စပ်မေးခွန်းများ

ခရမ်းချဉ် အပင်ပုတ်နေလို့ပါဘာဖြစ်လို့လည်းခမျရှင်းပြပေးပါ

Ba Gyan • ဖြေကြားချက် 2 ခု

ကွမ်းခြံထဲ ပွေးတွင်းတွေရောက်နေလို့ ဘယ်လိုလုပ်ရမလဲရှင့်

Nan • ဖြေကြားချက် 1 ခု

ကွမ်းခြံစိုက်ထားတဲ့သူပါဗျ ကွမ်းကိုခုလိုမိုးရာသီမှာဘယ်လိုဂရုစိုက်ရမယ်ဆိုတာ ဆောင်ရန်ရှောင်ရန်လေးတွေပြောပြပေးပါလားဗျာ

Nan • ဖြေကြားချက် 2 ခု

ကျွန်တော်က ပဲခူးတိုင်းက ဇော်လုံးစိုက်ပျိုးသူပါ။ ကျနော့်စိုက်ခင်းမှာအဓိကပြဿနာက မိုးတွင်းမှာ ရေနစ်မြုပ်တာပါ။ စိုက်ပျိုးပြီးမှ အခြေအနေကိုသိရတဲ့အတွက် ဘောင်မြှင့်တာမျိုးလဲမလုပ်ခဲ့ရပါဘူး။ ရေစီးအတွက် ခြံမှာ ပတ်မြောင်း‌‌ဖော်လိုက်ရင်‌အဆင်‌ ပြေနိုင်မလားခင်ဗျာ။ အဲ့ဒီပြဿနာကို ဘယ်လိုဖြေရှင်းရမလဲနဲ့ အတွေ့အကြုံရှိခဲ့ဖူးရင် မျှဝေပေးစေလိုပါတယ်ခင်ဗျာ။ ကျေးဇူးတင်ပါတယ်။

Kaung Pyae Kyaw • ဖြေကြားချက် 1 ခု

ကြက်သွန်စိုက်မို့ မစိုက်မှီ မြေဆီမှာ မြေစာအတတ်တွေ ပြန်ပေါက်နေလို့ ဘာဆေးသုံးရမလဲဗျာ

မောင်မြတ်သိန်းထွန်း • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ