ရာသီဥတုနဲ့ ပိုးရောဂါဖျက်ခဲ့ရင်တောင် ဆုံးရှုံးမှုနည်းစေတဲ့ သီးညှပ်စိုက်ပျိုးခြင်းနည်းပညာ

Green Way • 23/11/2023

သီးညှပ်စိုက်ပျိုးခြင်းဆိုသည်မှာ မြေကွက်တစ်ကွက်အတွင်း တစ်ချိန်တည်းတွင် သီးနှံ နှစ်မျိုး သို့မဟုတ် ထို့ထက်ပိုသော သီးနှံများကို အတန်းအစီအစဥ် သီးသန့်ထား၍ စိုက်ပျိုးခြင်းဖြစ်ပါသည်။ (ဥပမာ- ဝါနှင့် ပဲစင်းငုံ၊ မြေပဲနှင့် ပဲစင်းငုံကို အတန်းလိုက် သီးညှပ် စိုက်ခြ င်း။)

သီးညှပ်စိုက်ခြင်းတွင် အသက်လျင်သောသီးနှံနှင့် အသက်ကြီးသော သီးနှံများကို ညှပ်၍စိုက်ရပါမည်။ သီးညှပ်အဖြစ် စိုက်မည့်သီးနှံနှင့် ပင်မသီးနှံနှစ်မျိုးစလုံးတို့သည် အကိုင်းအခက်ဖြာထွက်၍ အုံ့ဆိုင်းသည့် သီးနှံအပင်မျိုး ဖြစ်လျှင် ယင်းသီးနှံတို့ကို တွဲဖက်၍မစိုက်သင့်ပါ။

ထို့အပြင် သီးနှံတစ်မျိုး၏အမြစ်သည် အကပါ်ယံမြေလွှာ၌သာ ဖြာထွက်နေ၍ အခြားတစ်မျိုးသည် ထို့ထက်နက်သော မြေနရာ၌ အမြစ်ဖြာထွက်သော အပင်မျိုး ဖြစ်သင့်သည်။ (ဥပမာ-မြေပဲနှင့် ပဲစင်းငုံ၊ ပြောင်းဖူးနှင့် ပဲမျိုး)

တောင်ယာများတွင် တောင်ယာစပါးနှင့် ပြောင်းဖူး၊ နှမ်းလျင်နှင့် ဝါကြီးတို့ကို သီးညှပ်စိုက်၍ ယာနှင့်ကိုင်းကျွန်းတွင် မြေပဲနှင့် ပဲစင်းငုံ၊ ကုလားပဲနှင့် ပြောင်းဖူးတို့ကို သီးညှပ်စိုက်ကြသည်။

သီးညှပ်စိုက်ခြင်းဖြင့် အောက်ပါအကျိုးကျေးဇူးများကို ရရှိမည်ဖြစ်ပါသည်။

(က) မြေတစ်ကွက်တည်း၌ မိမိအတွက် လက်တွေ့အကျိုးကျေးဇူးရှိမည့် သီးနှံများကို တစ်ပြိုင်နက်တည်း စိုက်ပျိုးနိုင်ပါသည်။

(ခ) ပဲပင်နှင့် နှံစားသီးနှံပင်တို့ကို ရောနှောစိုက်ပျိုးပါက ပဲပင်တို့၏ မြစ်ဖုရှိ ဘက်တီးရီးယားများက ရယူသည့် နိုက်ထရိုဂျင်ကို နှံစားသီးနှံပင်တို့က ရရှိမည်ဖြစ်ပါသည်။

(ဂ) ပေါင်းသင်၊ မြေဆွ၊ မြေဩဇာထည့်၊ ရေလောင်း၊ ရောဂါနှင့် ပိုးသတ်ဆေးပက်ဖျန်းခြင်း အစရှိသည်တို့ကို သီးနှံတစ်မျိုးအတွက် ပြုလုပ်ပေးလျှင် ကျန်သီးနှံအတွက်လည်း အလိုအလျောက် အကျိုးရှိလာမည်ဖြစ်သည်။

(ဃ) အပင်အမြင့်မတူသော သီးနှံပင်နှစ်မျိုးကို တွဲစိုက်ပါက ပုသောအပင်မျိုးက လောင်းရိပ်ကြိုက်သည့် အပင်မျိုးဖြစ်ခဲ့လျှင် ထိုအပင်အတွက် အကျိုးရှိမည်ဖြစ်သည်။

(င) ဦးစွာရင့်မှည့်သောသီးနှံကို နှုတ်၍ရိတ်သိမ်းပါက ကျန်သီးနှံအတွက် ပေါင်းရှင်းမြေဆွပြီးသား ဖြစ်စေပါသည်။

(စ) သီးညှပ်စိုက်သီးနှံများ တစ်ချိန်တည်းမပေါ်သောကြောင့် အလုပ်လုပ်ရာတွင် မနိုင်မနင်း မရှိကတာ့ဘဲ အေးဆေးစွာ လုပ်ကိုင်နိုင်ပါသည်။

(ဆ) အကယ်၍ မိုးခေါင်ခြင်း၊ အင်းဆက်ပိုးများနှင့် ရောဂါဖျက်ဆီးခြင်းခံရပါက အနည်းဆုံး သီးနှံတစ်မျိုး ကျန်ရှိမည်ဖြစ်၍ တောင်သူများအတွက် ဆုံးရှုံးမှုနည်းပါးစေပါသည်။

Crd#ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဆက်စပ်ဆောင်းပါးများ

စိုက်ပျိုး ဗဟုသုတ

ရေကြီး ဒေသတွေမှာ ရေကျပြီးရင် တောင်သူတွေအနေနဲ့ ဘာတွေ ပြန်လုပ်ကြရမလဲ? ဘာတွေပြန်စိုက်မလဲ?

Htunn Winn Kyaw

စိုက်ပျိုး ဗဟုသုတ

ပန်းပွင့်ချိန်ကို မီးနဲ့ထိန်းချုပ်ပြီး စျေးကောင်းရယူနည်း

သော်ဇင်

စိုက်ပျိုး ဗဟုသုတ

ရေခဲပြင်ဒေသက စိုက်ပျိုးစီးပွားရေး အကြောင်း

Htunn Winn Kyaw

ဆက်စပ်မေးခွန်းများ

ခရမ်းချဉ် အပင်ပုတ်နေလို့ပါဘာဖြစ်လို့လည်းခမျရှင်းပြပေးပါ

Ba Gyan • ဖြေကြားချက် 2 ခု

ကွမ်းခြံထဲ ပွေးတွင်းတွေရောက်နေလို့ ဘယ်လိုလုပ်ရမလဲရှင့်

Nan • ဖြေကြားချက် 1 ခု

ကွမ်းခြံစိုက်ထားတဲ့သူပါဗျ ကွမ်းကိုခုလိုမိုးရာသီမှာဘယ်လိုဂရုစိုက်ရမယ်ဆိုတာ ဆောင်ရန်ရှောင်ရန်လေးတွေပြောပြပေးပါလားဗျာ

Nan • ဖြေကြားချက် 2 ခု

ကျွန်တော်က ပဲခူးတိုင်းက ဇော်လုံးစိုက်ပျိုးသူပါ။ ကျနော့်စိုက်ခင်းမှာအဓိကပြဿနာက မိုးတွင်းမှာ ရေနစ်မြုပ်တာပါ။ စိုက်ပျိုးပြီးမှ အခြေအနေကိုသိရတဲ့အတွက် ဘောင်မြှင့်တာမျိုးလဲမလုပ်ခဲ့ရပါဘူး။ ရေစီးအတွက် ခြံမှာ ပတ်မြောင်း‌‌ဖော်လိုက်ရင်‌အဆင်‌ ပြေနိုင်မလားခင်ဗျာ။ အဲ့ဒီပြဿနာကို ဘယ်လိုဖြေရှင်းရမလဲနဲ့ အတွေ့အကြုံရှိခဲ့ဖူးရင် မျှဝေပေးစေလိုပါတယ်ခင်ဗျာ။ ကျေးဇူးတင်ပါတယ်။

Kaung Pyae Kyaw • ဖြေကြားချက် 1 ခု

ကြက်သွန်စိုက်မို့ မစိုက်မှီ မြေဆီမှာ မြေစာအတတ်တွေ ပြန်ပေါက်နေလို့ ဘာဆေးသုံးရမလဲဗျာ

မောင်မြတ်သိန်းထွန်း • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ