ရှမ်းဆီးသီး (သို့မဟုတ်) ဆူးသီး

Zaw Htet Aung • 20/04/2022

ဆူးသီး(ခေါ်) ရှမ်းဆီးသီးဟာ ရွှေဝါရောင်သစ်သီး တစ်မျိုးဖြစ်ပြီး နှင်းစတော်ဘယ်ရီသီးလို့လည်း ခေါ်ကြပါတယ်။ အသီးရဲ့ပုံစံကငါးဥလေးတွေနဲ့တူလို့”ငါးဥသီး”လို့လည်း ခေါ်ကြပါသေးတယ်။

ဆူးသီးပင်ရဲ့ပုံစံမှာ ချုံပင်အမျိုးအစားဖြစ်ပြီး ဆီးပင်နဲ့ဆင်တူပါတယ်။ အရွက်နဲ့ ရိုးတံမှာ ချွန်ထက်တဲ့ဆူးတွေပါလို့ “ဆူးသီး”လို့လည်း ခေါ်ဝေါ် ကြတာဖြစ်တယ်လို့ သိရပါတယ်။ ဒီဆူးတွေကြောင့် အသီးခူးတဲ့ အခါမှာ အရမ်းဂရုစိုက်ပြီး ခူးကြရပါတယ်။

ဆူးသီးဆိုတဲ့ ဒီရွှေဝါရောင်အသီးလေးတွေကို မြန်မာနိုင်ငံမှာ ကချင်၊ ချင်း၊ ကယား၊ ရှမ်းပြည်တောင်ပိုင်း/မြောက်ပိုင်းဒေသတို့မှာ တွေ့ရနိုင်ပါတယ်။ ဒီအသီးလေးတွေရဲ့မျိုးရင်းက အိန္ဒိယ၊တရုတ်၊ နီပေါ၊ အင်ဒိုချို င်းနားနဲ့ ဖိလစ်ပိုင်နိုင်ငံတို့ဖြစ်တယ်လို့ သိရပါတယ်။

အင်္ဂလိပ်လိုတော့ ‘ Yellow (or)Golden Raspberries’ လို့ခေါ်ပြီး သိပ္ပံအမည်ကတော့ “Rubus ellipticus” ပါ။

သူ့အရသာဟာ ချိုချဥ်လေးမို့ နှစ်လိုဖွယ်အရသာ ရှိပါတယ်။

ဆူးသီးတွေဟာ မတ်လမှာ အသီးတွေလှိုင်လှိုင်ပေါများပြီး အသီးရဲ့အရသာအကောင်းဆုံးအချိန်ကတော့ ဧပြီနဲ့ မေလ အစောပိုင်းအချိန်တွေပဲ ဖြစ်ပါတယ်။

အသုံးဝင်ပုံ

လတ်လတ်ဆတ်ဆတ်ဆူးသီးကို ဒီအတိုင်းစားသုံးကြသလို fruit tea အဖြစ်လည်း အသုံးပြုနိုင်ပါတယ်။

ဆူးသီးအပင်က အရွက်ကိုလည်း အခြောက်ခံပြီး ရေနွေးကြမ်းအဖြစ် သောက်သုံးနိုင်ပါတယ်။

- ဖျော်ရည်၊ မစ်ရှိတ်နဲ့ အိမ်လုပ်ရေခဲမုန့်များ ပြုလုပ်ရာမှာလည်း ဆူးသီးကို အသုံးပြုနိုင်ပါတယ်။

- ဆူးသီးကို ယိုအဖြစ်ပြုလုပ်ပြီး ပေါင်မုန့်၊ ဘီစကစ်၊ မုန့်ကြွပ်အပြင် အခြားအစားအစာများနှင့်လည်းတွဲဖက်စားသုံးနိုင်ပါတယ်။

- အဲ့ဒါတွေအပြင် သစ်သီးဆော့စ် ပြုလုပ်ရာမှာလည်း အသုံးပြုနိုင်ပါတယ်။

ပါဝင်သော အာဟာရဓာတ်များနှင့် ကျန်းမာရေးအကျိုးပြုပုံ

၁။ ခူးဆွတ်ပြီးစ လတ်ဆတ်သော ဆူးသီးမှာ ဗီတာမင်-စီနှင့် အစွမ်းထက်သော ဓာတ်တိုးဆန့်ကျင် ပစ္စည်းများ၊ ရောင်ရမ်းမှုကို သက်သာစေတဲ့အာနိသင်များရှိသော သဘာဝဓာတ်ပေါင်းများ ကြွယ်ဝစွာပါဝင်ပါတယ်။

၂။ ဆူးသီးတွင် Antioxidants ကြွယ်ဝစွာပါဝင်ပြီး free radicals ဟုခေါ်သော မတည်ငြိမ်တဲ့မော်လီကျူးများမှ ထွက်လာသော ပျက်စီးနေတဲ့ဆဲလ်များကို ကာကွယ်ပေးပြီး ပြုပြင်ပေးပါတယ်။ အထူးသဖြင့် ကင်ဆာဆဲလ်ဖြစ်ပေါ်မှုကို ကာကွယ်ပေးနိုင်ပါတယ်။

၃။ ဆူးသီးလို အဝါရောင်ရက်စ်ဘယ်ရီသီး တွေဟာ ခရမ်းချဥ်သီးနှင့် ဘရိုကိုလီတို့ထက် ၁၀ ဆ ပိုမိုတဲ့ Antioxidants ပါရှိတယ်လို့ သိရပါတယ်။

၄။ အနောက်နိုင်ငံတွေမှာတော့ ဆူးသီးကို မယုံနိုင်လောက်သော ဓာတ်တိုးဆန့်ကျင်ပစ္စည်များ ပါဝင်နေမှုကြောင့် ကင်ဆာကဲ့သို့သော နာတာရှည်ရောဂါ ဖြစ်နိုင်ချေကို လျှော့ချပေးကာ ကျန်းမာရေးအတွက် ကောင်းမွန်သော အသီးအဖြစ် စားသုံးနေကြကြောင်း သိရပါတယ်။

Ref: Wikipedia.

ရေးသားသူ - ဇော်ထက်အောင်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဆက်စပ်ဆောင်းပါးများ

စိုက်ပျိုး ဗဟုသုတ

ရေကြီး ဒေသတွေမှာ ရေကျပြီးရင် တောင်သူတွေအနေနဲ့ ဘာတွေ ပြန်လုပ်ကြရမလဲ? ဘာတွေပြန်စိုက်မလဲ?

Htunn Winn Kyaw

စိုက်ပျိုး ဗဟုသုတ

ပန်းပွင့်ချိန်ကို မီးနဲ့ထိန်းချုပ်ပြီး စျေးကောင်းရယူနည်း

သော်ဇင်

စိုက်ပျိုး ဗဟုသုတ

ရေခဲပြင်ဒေသက စိုက်ပျိုးစီးပွားရေး အကြောင်း

Htunn Winn Kyaw

ဆက်စပ်မေးခွန်းများ

ခရမ်းချဉ် အပင်ပုတ်နေလို့ပါဘာဖြစ်လို့လည်းခမျရှင်းပြပေးပါ

Ba Gyan • ဖြေကြားချက် 2 ခု

ကွမ်းခြံထဲ ပွေးတွင်းတွေရောက်နေလို့ ဘယ်လိုလုပ်ရမလဲရှင့်

Nan • ဖြေကြားချက် 1 ခု

ကွမ်းခြံစိုက်ထားတဲ့သူပါဗျ ကွမ်းကိုခုလိုမိုးရာသီမှာဘယ်လိုဂရုစိုက်ရမယ်ဆိုတာ ဆောင်ရန်ရှောင်ရန်လေးတွေပြောပြပေးပါလားဗျာ

Nan • ဖြေကြားချက် 2 ခု

ကျွန်တော်က ပဲခူးတိုင်းက ဇော်လုံးစိုက်ပျိုးသူပါ။ ကျနော့်စိုက်ခင်းမှာအဓိကပြဿနာက မိုးတွင်းမှာ ရေနစ်မြုပ်တာပါ။ စိုက်ပျိုးပြီးမှ အခြေအနေကိုသိရတဲ့အတွက် ဘောင်မြှင့်တာမျိုးလဲမလုပ်ခဲ့ရပါဘူး။ ရေစီးအတွက် ခြံမှာ ပတ်မြောင်း‌‌ဖော်လိုက်ရင်‌အဆင်‌ ပြေနိုင်မလားခင်ဗျာ။ အဲ့ဒီပြဿနာကို ဘယ်လိုဖြေရှင်းရမလဲနဲ့ အတွေ့အကြုံရှိခဲ့ဖူးရင် မျှဝေပေးစေလိုပါတယ်ခင်ဗျာ။ ကျေးဇူးတင်ပါတယ်။

Kaung Pyae Kyaw • ဖြေကြားချက် 1 ခု

ကြက်သွန်စိုက်မို့ မစိုက်မှီ မြေဆီမှာ မြေစာအတတ်တွေ ပြန်ပေါက်နေလို့ ဘာဆေးသုံးရမလဲဗျာ

မောင်မြတ်သိန်းထွန်း • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ