ပိုးသတ်​ဆေး ai များ၏ အာနိသင်နှင့် နှိမ်နင်းနိုင်သည့်ပိုးများ (ဖော့စဖိတ်ဆေးအုပ်စုများ)

၂။ OPI(Organo Phosphate Insecticides - ​ဖော့စဖိတ်ပါ​သော ​ဆေးအုပ်စုများ)

မြန်မာနိုင်ငံတွင် လက်ရှိအသုံးပြုလျက်ရှိ​သော​ဆေးများအားလုံး၏ ၇၀ ရာခိုင်နှုန်းသည် အိုပီအိုင်​ဆေးအုပ်စုများ ဖြစ်ပါသည်။

OPI  ​ဆေးအုပ်စုအေအိုင်များ

အက်ဆီဖိတ်75 -SP (ဆေးအမည်များ - အက်​ကော့/အဆီဟီးရိုး/အော်တီမာ/ အဇီဖိတ်/ အဂရို​အေဆာ/ဟန့်တာဖိတ်/ပီလာသိန်း/​ကေဖိုးအဆီဖိတ်/အမ်ဖိတ်/ရန်ရှင်း/အက်စ်ဖိတ်စူပါ/​အေ့စ်ကင်း/အင်ပက်/တိုက်ဂါးဆီဖိတ်.....)

ဒိုင်မီသိုအိတ် (ကန့်သတ်ပြီး)

ကလိုပိုင်ရီ​​ဖော့(ကန့်သတ်ပြီး)

ပရိုဖီနို​​ဖော့ (ဆေးအမည်များ - ပရီဆိုက်/ပိုင်း​လော့/​ရွှေနို​ဖော့/ကျူရာဒရင်း/ကပ်​အော့ဖ်/အာမိုပရိုဖစ်/မက်နို​ဖော့/ရှပ်ပရိုဖန်/အန်​နေဗီ- ကီး/အီးတီ-ပရို/ပရိုဆယ်လီ..)

ဖန်သိုအိတ် (ဆေးအမည်များ - ကမ်မရွန်း/အယ်လ်ဆန်/ဗိုက်ဆန်/​ဖော်ဆန်/ဟီးရိုးဆန်/​ရွှေဖန်သို/ဖန်သိုကင်း/မာလာမြိုင်ဖန်သိုအိတ်..)

ဒိုင်ယာဇီနွန် (ဆေးအမည်များ - ဒိုင်ယာဒရင်း/ဒါရိုက်/​ဖော်ဒီနွန်/ပန်ဒီနွန်...)

ထရိုင်ယာဇိုဖော့ (ဆေးအမည်များ - ထရိုင်​ဖော့/တိုင်ဖွန်း/ရူပတိုက်ဂါး/ယူအပ်..)

မာလာသီယွန် (ဆေးအမည်များ - ဖိုင်ဖနွန်/ဟက်ဇာသီယွန်/မာလာနွန်/မာလာမြိုင်မာလာနွန်/​ရွှေမာလာ/အဂရိုမာလာသီယွန်...)

အိုမီသိုအိတ် (ဆေးအမည်များ - တိုးပွား/အိုမီ-40...)

ဖီနိုက်ထရိုသီယွန် (ဆေးအမည်များ - ရွှေသီယွန်....)

ထရိုင်ကလိုဖွန်း (ဆေးအမည်များ - ဖွန်း....)

အီသီယွန် (ဆေးအမည်များ - မီထရိုးMitrol)

၁။ Acephate(အက်ဆီဖိတ်-75 SP)

အဆိပ်သင့်လမ်း​ကြောင်း

- inhibit the enzyme acetylcholinesterase (AChE) 

အာနိသင် - ပင်လုံးပြန့်အာနိသင်

အဓိကနှိမ်နင်းနိုင်​သောဖျက်ပိုးများ

လယ်ယာသီးနှံစိုက်ခင်းများ၊ သစ်သီးခြံ၊ ပန်မာလ်၊ ဟင်းသီး/ဟင်းရွက် စိုက်ခင်းများတွင် ကျ​​ရောက်​သော ပျ၊ ဖြုတ်၊ ​လှေး ယင်ဖြူ စသည့်စုပ်စားပိုးများ၊ အရွက်စားပိုးများ ကြိုတင်ကာကွယ်ရာတွင်လည်း​ကောင်း၊ နှိမ်နင်းရာတွင်လည်း​ကောင်း အသုံးပြုနိုင်ပါသည်။

အထူးသဖြင့် ပန်းပွင့်ချိန်တွင် ပိုးကျ​​ရောက်၍ ဖျန်းပါက ပန်းပွင့်ဝတ်မှုန်ကူးမှုကို မထိခိုက်သည့်အပြင် ဖော့စဖိတ်ဓာတ်ပါဝင်မှု​ကြောင့် ဇီဝကမ္မကို မြှင့်တင်​ပေးပါသည်။

​မြေကြီးထဲ၊ အပင်ထဲ၊ ပိုး​ကောင်အတွင်း ​ရောက်သည်နှင့် အဆီဖိတ်သည် မီသာမီဒို​ဖော့ Methamidophos အဆိပ်အဖြစ် ပြောင်းလဲသွားပြီး အဆိပ်ပြင်းထန်​စေပါသည်။

အသုံးပြုရန်နှုန်းထား

​- ရေတဂါလံ = ၁၀ ဂရမ်နှုန်း

အဆိပ်သင့်နှုန်း

- သန(၅၀) = (၁၀၃၀-၁၄၄၇ မီလီဂရမ်/ကီလိုဂရမ်)

သီးနှံပင်​လောင်ကျွမ်းမှု

​- လောင်ကျွမ်းမှုမရှိပါ။

သတိပြုရန်

• အက်ဆီဖိတ်ကို ပန်းပွင့်​ဆေးအဖြစ် ပိုးမကျဘဲ အကြိုက်ဖျန်းကြသည်ကို အချို့​ဒေသများမှာ ​တွေ့ရပါသည်။ ယင်းသို့ ပြုလုပ်ခြင်းသည် ပိုးများအနေဖြင့် အဆီဖိတ်ဆေးကိုယဉ်ပါးမှု Resistance ကို ဖြစ်​စေနိုင်ပါသည်။
• ပန်းသီးပင်တွင် အသုံးပြုပါ အနည်းငယ် Phyto-toxic ဖြစ်​စေတတ်ပါသည်။

( OPI​ ဆေးအုပ်စုတမျိုးချင်းကို ဆက်လက်​ဖော်ပြပါမည်)

စေတနာများစွာဖြင့်..

ဦးသာပို

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။