ရောဂါအကြောင်းသိချင်လို့ပါ

Question

သူရဖြိုးဝေ · Answer

ဟုတ်ကဲ့ ကျေးဇူးပါ

မဆုမြတ်ခင် · Answer

ရိုးမဲဆစ်ပြုတ်ရောဂါကတော့ မှိုကြောင့် ဖြစ်စေသလို ဆီစွန်းကွက်ရောဂါ ဖြစ်စေတဲ့ bacteria ကြောင့်လည်း ဖြစ်စေတဲ့ အတွက် ဆီစွန်းကွက်ရောဂါနဲ့ ရိုးမဲဆစ်ပြုတ်ရောဂါဟာ အများအားဖြင့် တွဲကျလေ့ရှိပါတယ်။ တစ်ခုစီလည်း ကျနိုင်ပါတယ်။ ဒီရောဂါက ကွမ်းပင်ရဲ့ အတွင်းဆဲလ်တွေကို တိုက်ခိုက်ဖျက်ဆီးပြီးမှ အပြင်လက္ခဏာ ပေါ်တဲ့ အတွက် နှိမ်နင်းရ ခက်ခဲပါတယ်။ ဒီရောဂါက မြေဆောင်ရောဂါ ဖြစ်တဲ့အတွက် မြေကြီးကို ရေစင်တဲ့ အခါ စင်တဲ့ရေစက်ကနေလည်းအခြားပင်ကို ကူးနိုင်တဲ့အတွက် မြေကြီးကို အုပ်ထားပေးသင့်ပါတယ်။ ရေမ၀ပ်အောင်လည်း ဂရုစိုက်သင့်ပြီး ဆေးဖြန်းချင်ပါက မှိုနှင့် ဘတ်တီးရီးယား ဆေးနှစ်မျိုးလုံးကို ရောဖြန်းပေးသင့်ပါတယ်။ဉပမာ မတ်တယ်လဇီနဲ့ ဆူကာမိုင်စင် ပြီးတော့ ရိုးမဲကျထားတဲ့ကွမ်းကွက်ကနေ မျိုးမယူသင့်ပါဘူး

မဆုမြတ်ခင် · Answer

ကွမ်းမှာအဖြစ်များတာကတော့ ဆီစွန်းကွက်ရောဂါနဲ့ ရိုးမဲဆစ်ပြုတ်ရောဂါပါ။ ဆီစွန်းကွက်ရောဂါက ဘတ်တီးရီးယားကြောင့် ဖြစ်တာပါ။ မိုးရာသီ အစိုဓာတ်များတဲ့အချိန် မြေကြီးနဲ့ နီးကပ်တဲ့ အောက်ခြေအရွက်တွေကနေ စတင်ကူးစက်ပြီး ဖြစ်တာ များပါတယ်။ ဘာကြောင့်လဲဆိုတော့ မြေပေါ်မှာ ရောဂါပိုးရှိနေတဲ့ အရွက်တွေ အကိုင်းတွေ ရှိနေလို့ပါ။အရွက်ရဲ့ အောက်မျက်နှာပြင်မှာ ရေစိုနာကွက်လေးတွေဖြစ်ရာကစပြီး မကြာခင်မှာ အပေါ်မျက်နှာပြင်မှာလည်း အဝါရောင် အနားသတ်ပါတဲ့ အမဲကွက်လေးတွေ ဖြစ်လာပြီဆို ဆီစွန်းကွက်ရောဂါ ဖြစ်တာသေချာပါပြီ။ အဲ့ရောဂါက ရင့်တဲ့အရွက်တွေမှာ ပွားများမှုနည်းပြီး မနုမရင့် အရွက်တွေမှာ ပွားများပါတယ်။ ဒါကြောင့် nitrogen မြေသြဇာတွေက အရွက်ကို နုပြီးအရည်ရွမ်းစေတဲ့ အတွက် လျော့သုံးရပါမယ်။ မြေကြီးနဲ့ ထိကပ်နေတဲ့ အရွက်တွေကို ခူးပေးပြီး ဆေးသုံးချင်တယ်ဆို ကာဆူမင်တို့ စထရပ်တိုမိုင်စင် တို့လို ဆေးတွေကို သုံးပေးသင့်ပါတယ်။

ရောဂါအကြောင်းသိချင်လို့ပါ

ဖြေကြားချက် ၃ ခု