စပါးပင်၂၃ရက်သားအပင်လှီအဖျားဝါအစာမစားလို့သိရင်ပြောပေးပါခင်ဗျာ။

မင်္ဂလာပါခင်ဗျ စပါးပင်ဟာ သက်တမ်း ၂၀ ကစလို့ သက်တမ်း ၄၅ ရက်သားအတွင်းကာလဟာ ပင်ပွား များများထွက်တဲ့ ကာလဖြစ်ပါတယ်။ တောင်သူမေးထားရာမှာ ပုံမမြင်ရတော့ ပြောဖို့ နည်းနည်းတော့ ခက်ပါတယ်။ သဘောတရားအရ စပါးပင် သက်တမ်း ၂၀ ကျော်ရင်တော့ ပင်ပွားများများ ရဖို့ ယူရီးယား (ပုလဲ) မြေသြဇာကျွေးဖို့လိုအပ်ပါတယ် ခင်ဗျ။ ယူရီးယား မြေသြဇာဟာ အလေအလွင့်များတာမို့ ကျွေးမယ်ဆိုရင်တော့ ယူရီးယား ၁ ဆ နဲ့ နွားချေး မြေဆွေး ၃ ဆ ကို ၁ ညရောနှပ်ပြီး နောက်နေ့ မနက်မှ ကျွေးမယ်ဆိုရင်တော့ ပုံမှန်မြေသြဇာ ကြဲပက်တာထက် ပိုအကျိုးရှိ ပိုထိရောက်ပါတယ် ခင်ဗျ။ ကျေးဇူးတင်ပါတယ်။