သင်္ဘောပင်ကိုတနစ်တခါဘယ်လိုမြေဆီများထဲ့ပေးရပါသလဲထဲ့ပေးရင်လဲဘယ်တိုင်းတါထိထဲ့ပေးပါရသလဲဗျာတပင်ကိုဘယ်လေါက်ထဲ့ရပါသလဲဗျာရှင်းပြပေးပါဗျ

သင်္ဘောစိုက်ပျိုးရာတွင် နိုက်ထရိုဂျင်ဓါတ်၊ ဖော့စပရပ်ဓါတ်၊ ပိုတက်စီယံဓါတ်တို့ အရေးပါသည်မှာ အထင်အရှားပါ။ ရေသွင်းစိုက်ပျိုးသည့် အခြေအနေတွင် သဘောင်္ပင်အား တစ်ပင်လျင် တစ်နှစ်စာအတွက် နိုက်ထရိုဂျင်ဓါတ် ၄၀ဝ ဂရမ်၊ ဖော့စပရပ်ဓါတ် ၂၅၀ ဂရမ်၊ ပိုတက်စီယံဓါတ် ၄၀ဝ ဂရမ် (သို့မဟုတ်) ယူရီးယား ၈၇၀ ဂရမ် (၅၃ကျပ်သား)၊ တီစူပါ ၅၅၅ ဂရမ် (၃၄ကျပ်သား)၊ ပိုတက် ၆၆၆ ဂရမ် (၄၀ကျပ်သား) တို့ကို (၆) ကြိမ်ခွဲပြီး ထည့်သွင်းပေးသင့်သည်။ မိုးနှင့် စိုက်ပျိုးသောသင်္ဘောခင်းတွင်လည်း မိုးဦးတွင် တစ်ကြိမ်နှင့် မိုးနှောင်းတွင် တစ်ကြိမ်စုစုပေါင်း (၂) ကြိမ်ခွဲကျွေးပါ။ မိုးကာလရှည်ပါက သုံးကြိမ်ခွဲကျွေးနိုင်ပါသည်။ တစ်နှစ် တစ်ကြိမ် တစ်ပင်ခြင်းအတွက်မြေဆွေး ၁၂-၁၅ ပိဿာခန့် ထည့်သွင်းပေးသင့်သည်။ မြေသြဇာကျွေးသည့် အချိန်တွင်မြေတွင် လုံလောက်သော အစိုဓာတ် ရှိနေရမည်။ မြေသြဇာများကို သင်္ဘောပင်ပတ်လည်ရှိ ရေသွင်းမြောင်းတွင်သာ တူးဆွ၍မြေနှင့် သမအောင်လုပ်ပါ။ အသီးမခူးမီ ၆ လ အလိုတွင်မြေသြဇာကျွေးခြင်းအား ရပ်နားရမည်ဖြစ်သည်။ သင်္ဘောပင် စိုက်ပျိုးနည်း