ဆာလဖာ၈၀%နဲ့မန်ကိုဇက်မှိုဆေးရောဖျန်းလို့ရလားမတ်ပဲအရွက်လောင်နိုင်လား

@Sawsamson ဆာလဖာ ၈၀% (Sulfur 80% WG/WP) နှင့် မန်ကိုဇက် (Mancozeb) မှိုသတ်ဆေးနှစ်မျိုးကို ဓာတုဗေဒသဘောအရ ရောစပ်ဖျန်းနိုင်သော်လည်း မတ်ပဲအရွက်လောင်နိုင်ခြေ အလွန်မြင့်မားသဖြင့် ရောစပ်မဖျနမးသင့်ပါဘူးခင်ဗျာ။ ဆာလဖာသည် ကိုယ်တိုင်က အပူဓာတ်ရှိပြီး မန်ကိုဇက်သည် ဓာတ်ဆားအခြေခံဆေးဖြစ်သောကြောင့် ရောစပ်လိုက်ပါက ဆေးပြင်းအား မြင့်တက်သွားတတ်ပါတယ်။ မတ်ပဲသည် ဆေးဒဏ်ခံနိုင်ရည် နုနယ်သောအပင်ဖြစ်၍ နေပူပြင်းချိန်တွင် ဖျန်းမိပါက အရွက်များ သေချာပေါက် လောင်သွားနိုင်ပါတယ်။ ထို့ကြောင့် ဆာလဖာ ဆေးကို သတ်မှတ်နှုန်းထားအတိုင်းသာ သုံးစွဲရန်၊ ညနေအေးချိန်တွင်သာ ဖျန်းရန်နှင့် အခြားပိုးသတ်ဆေး/ရွက်ဖျန်းမြေသြဇာများ ထပ်မရောရန် အရေးကြီးပါတယ်။ ဓာတုဗေဒသဘောအရ ရောစပ်ဖျန်းလို့ရပေမယ့် ရောစပ်လိုက်ရင် ဆေးပြင်းအားများပြီးအပင်လောင်တာကြောင့် ရောဖျန်းလို့မရပါဘူးခင်ဗျာ၊ နောက်ဆိုအမြဲမှတ်ထားရမှာက ဆာလ်ဖာ မှိုဆေးကို အခြားမည်သည့်ဆေးမှရောမဖျန်းတာအကောင်းဆုံးပါခင်ဗျာ၊ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ