ဆရာခင်ဗျ အရင်နှစ်ကမတ်ပဲခင်းမှာ အပွင့်တန်းလန်း အသီးတန်းလန်းနဲ့သေတဲ့အပင်တေအတော်များခဲ့ပါတယ် အသီးတေကမမှည့်သေးဘဲ အပင်က ကျသွားပါတယ် ဒီနှစ်အဲ့လိုမဖြစ်ရလေအောင် ဘယ်လိုဆေးတေကိုဘယ်လိုထိရောက်အောင်ဖျန်းသင့်ပါလဲ ဘာရောဂါကြောင့်ဖြစ်တာလဲရောရှင်းပြပေးပါဦးဆရာခင်ဗျ လေးစားစွာဖြင့် မေးမြန်အပ်ပါတယ်

@koHein Htet Soe မတ်ပဲပင်စည်ထိုးယင်သည် ပင်စည်အတွင်းထဲအထိ ဝင်ရောက်ဖျက်ဆီးတတ်သဖြင့် ပင်လုံးပျံ့ပိုးသတ်ဆေး များကိုသာ အသုံးပြု လေ့ရှိတယ်။ မျိုးစေ့လူးနယ်ရန်အတွက် Imidacloprid ကို အသုံးပြုခြင်းက အပင်ငယ်စဉ်ကာလကို အကောင်းဆုံး ကာကွယ်ပေးနိုင်ပါတယ်။ စိုက်ပျိုးရေးလမ်းညွှန်ချက်များနှင့် တောင်သူအများစုကတော့စိုက်ခင်းအတွင်း ကြဲပက်ကျွေးရန်အတွက် Carbofuran အလုံးစေ့ကို သုံး လေ့ရှိပြီး၊ အပင်ပေါက်ပြီး ၁ ပတ်မှ ၂ ပတ်အတွင်း (အရွက်စုံထွက်ချိန်) ကာကွယ်နှိမ်နင်းရန် Dimethoate သို့မဟုတ် Cyantraniliprole ပါဝင်သော အရွက်ဖျန်းပိုးဆေးများကို စောစီးစွာ ပက်ဖြန်း သုံးစွဲလေ့ရှိတယ်

@သော်ဇင် ပင်စည်ထိုးယင်နိူင်တဲ့ Aiလေးပြောပြပါ့လားဆရာ

@ဦးစောမောင်ဌေး မြေဆောင်မှိုရောဂါ ကာကွယ်ရန်အတွက် အပင်ခြေကို Hymexazol ဆေးရည် စိုရွှဲအောင်ဖျန်းခြင်းနှင့် အပင်ပေါ်ပိုင်းကို Azoxystrobin ဖျန်းခြင်းကို ပဲပင်သက်တမ်း ၂၀ ရက်သား နှင့် ပဲပင်ပန်းပွင့်စ သီးကင်းဝင်ချိန် သက်တမ်း ၄၀-၄၅ ရက်သား (ဒုတိယအကြိမ်) ဟူ၍ စုစုပေါင်း (၂) ကြိမ်ခန့် မဖြစ်မနေ ဖျန်းပေးရပါမယ်။ ဇီဝမှိုဖြစ်သော ထရိုင်ကိုဒါးမားကိုမူ အပင်ပေါ်သို့ ဆေးဖြန်းသကဲ့သို့ ဖျန်းရန် လုံးဝမသင့်တော်ပါဘူး၊ အကြောင်းမှာ ၎င်းသည် မြေကြီးထဲတွင်သာ ရှင်သန်နိုင်ပြီး မြေဆောင်မှိုများကို စားသုံးသည့် မှိုဖြစ်သောကြောင့် မြေဆွေးနှင့်ရော၍ မြေထဲထည့်ခြင်း သို့မဟုတ် အပင်ခြေ မြေကြီးထဲသို့သာ ဖျန်းပေးရပါမယ်။ ထို့ပြင် ယမန်နှစ်ကကဲ့သို့ အပင်များ ညှိုးသေခြင်းမှာ ပဲပင်စည်ထိုးယင် ကြောင့်လည်း ဖြစ်တတ်ပါတယ်။ ပင်စည်ထိုးယင် လောက်ကောင်သည် ပင်စည်အတွင်းသားကို ထိုးဖောက်စားသောက်သဖြင့် အစာအဟာရမရဘဲ အပွင့်အသီးတန်းလန်းဖြင့် အပင်များ ညှိုးခြောက်သေဆုံးရခြင်းဖြစ်ရာ မှိုရောဂါသာမက ပင်စည်ထိုးယင် ကျရောက်မှုရှိခဲ့ပါက စနစ်တကျ ကာကွယ်ရန် လိုအပ်ပါတယ်

ပဲပင်ဘယ်ရက်သားတေမှာ ဖျန်းရမလဲဗျ ဘယ်နကြိမ်လောက်ဖျန်းသင့်လဲ ထရိုင်ကိုဒါးမားဆေးကိုရောအပင်ကိုဖျန်းလို့ရပါသလား ပင်စည်ထိုးယင် ကြောင့် ရောဖြစ်တတ်ပါလားခင်ဗျ