ရောဂါကျနေ့အရွက်တွေကို အခုလို ပုံအတိုင်း ညှပ်ချလိုက်ပါတယ် တတန်းဘဲဘညှပ်ရသေးပါတယ် ညှပ်သင့် မညှပ်သင့် အဖြေကိုပြောပေးစေ လိုပါတယ်

ရောဂါရ အစိတ်အပိုင်းတွေကိုညှပ်ပြီးအဝေးလွှင့်တာကောင်းပါတယ်။ လေဝင်ထွက်လည်းကောင်းမယ်။ အရေးကြီးတာက၊ညှပ်ပြီးတာနဲ့ ကော့ပါးဆေး ဖျန်းဖို့လိုပါတယ်။သန့်ရှင်းရေး လုပ်ရပါမယ်။ပြီးတော့ မြေဩဇာ ကျွေးရပါမယ်။

ခရမ်းချဉ်ပင်တွင် ဘက်တီးရီးယားအနက်စက်နှင့် ရွက်ပြောက်ရောဂါ ကျရောက်နေပါက ရောဂါရနေသော အောက်ခြေအရွက်များကို ညှပ်ထုတ်ပေးခြင်းသည် လုပ်ဆောင်သင့်သည့် နည်းလမ်းကောင်းတစ်ခု ဖြစ်ပါတယ်။ သို့သော် ရောဂါပိုး ပိုမိုပျံ့နှံ့မသွားစေရန်အတွက် အရွက်များ လုံးဝခြောက်သွေ့နေချိန်တွင်သာ ညှပ်ရမည်ဖြစ်ပြီး၊ အပင်တစ်ပင်ညှပ်ပြီးတိုင်း အသုံးပြုသည့် ကတ်ကြေးကို အယ်လ်ကိုဟောဖြင့် ပိုးသတ်ပေးရပါမယ်။ထိုကတ်ကြေးက ရောဂါကင်း သောအရွက် ကိုထိမိပါက ပိုးကူးစက်ပျံ့နှံ့နိုင်ပါတယ်။ ညှပ်ပြီးသား ရောဂါရအရွက်များ ကို စိုက်ခင်းနှင့်ဝေးရာတွင် မီးရှို့ဖျက်ဆီးပစ်ရန် လိုအပ်ပြီး၊ အရွက်ညှပ်ပြီးနောက် ဒဏ်ရာများမှတစ်ဆင့် ပိုးမဝင်စေရန် Copper oxychloride, Copper hydroxide, Bismerthiazole, Oxolinic acid, Kasugamycin တမျိုးမျိုး စနစ်တကျ ပက်ဖျန်းပေးရပါမယ်။ ဘက်တီးရီးယားရောဂါဖြစ်လို့ကူးစက်မှုအရမ်းမြန်ပါတယ်၊အရင်က မှိုသတ်ဆေးတွေချည်းအသုံးပြုခဲ့တာကြောင့် ဆိုးရွားစွာခံနေရတာပါ၊ အခုတော့ ဘက်တီးရီးယားသတ်ဆေးများကို ၇ရက်ခြား အလှည့်ကျဖျန်းပေးပါ၊ဆေးတခါဖျန်းပြီးတိုင်း ရောဂါကျအရွက်များ ဆက်လက်ပျံ့ပွားခြင်းရှိမရှိအမြဲစောင့်ကြည့်ပါ။ ရောဂါရပ်တန့်သွားပြီလို့ယူဆရမှ ရွက်ဖျန်းအားဆေးဖျန်းခြင်းနှင့် မြေဩဇာကျွေးခြင်းပြန်လုပ်ရပါမယ်ခင်ဗျာ