အပင်အာဟာရကြောင့်လားပိုး။ မှိုရောဂါကြောင့်လားခင်ဗျ ပိုးဆေးက လက်ရှိ ပိုင်မီထရိုဇင်း သိုင်ယာမီသောင်ဇင် အာဘာမက်တင်...

အခုဖြစ်နေတဲ့ ပြဿနာက ခရမ်းချဉ်ရွက်လိပ်ရွက်တွန့်ဗိုင်းရပ်စ်ရောဂါ (TLCV) ဖြစ်ပြီး အပင်အတွင်းပိုင်းအထိ ကူးစက်တာမို့ လက်ရှိသုံးနေတဲ့ မှိုသတ်ဆေးတွေနဲ့ တိုက်ရိုက်ကုလို့ မရပါဘူး။ ဒီရောဂါဟာ ယင်ဖြူ (Whitefly) ကနေတစ်ဆင့် ကူးစက်တာဖြစ်လို့ ရောဂါမပြန့်ပွားအောင် ယင်ဖြူကို အဓိကထား နှိမ်နင်းရပါမယ်။ ဒါကြောင့် လက်ရှိပိုးသတ်ဆေးတွေအစား ယင်ဖြူအတွက် ထိရောက်တဲ့ ပင်လုံးပျံ့ဆေးတွေဖြစ်တဲ့ အဆီတာမီပရစ် (Acetamiprid) သို့မဟုတ် အီမီဒါကလိုပရစ်(Imidacloprid) ဆေးအုပ်စုတွေကို ပြောင်းလဲဖျန်းပေးရပါမယ်။ ရောဂါပြင်းထန်ပြီး အရမ်းဆိုးရွားစွာလိပ်တွန့်နေတဲ့ အပင်တွေကိုတော့ နှမြောမနေဘဲ အမြစ်ကနုတ်ပြီး စိုက်ခင်းပြင်ပမှာ မီးရှို့ဖျက်ဆီးရပါမယ်။ အပင်ကိုယ်ခံအားကောင်းစေဖို့ ၁၅ ပတ်လည်မြေဩဇာအပြင် အမိုင်နိုအက်ဆစ် အရွက်ဖျန်းဆေး ဖျန်းပေးသင့်ပါတယ်။