ခရမ်းချဉ်ပင် စိမ်းညှိုးနေလို့ နှုတ်ကြည့်တာ အမြစ်ကအခေါက်ကွာနေတယ် ဘာဖြစ်တာလဲဗျ

ပုံပါ ခရမ်းချဉ်ပင် ညှိုးရခြင်းမှာ Ralstonia solanacearum ဘက်တီးရီးယားကြောင့် ဖြစ်ပွားသော ခရမ်းချဉ် ဘက်တီးရီးယား ပင်ညှိုးရောဂါ (Bacterial Wilt) ကျရောက်နေခြင်း ဖြစ်ပါတယ်။ ဤရောဂါသည် အပင်၏ အစာရေကြောလိုင်းကို ပိတ်ဆို့ကာ ရေနှင့် အာဟာရဓာတ် မရရှိစေဘဲ နေ့ခင်းဘက်တွင် လျင်မြန်စွာ ညှိုးကျစေပြီး၊ ပင်စည်ကို ဖြတ်၍ ရေကြည်ထဲ စိမ်ကြည့်ပါက နို့နှစ်ရောင် အချွဲများ စိမ့်ထွက်လာတတ်ပါတယ်။ ကုသရန် ခက်ခဲသော မြေဆောင်ရောဂါ ဖြစ်သဖြင့် ရောဂါရအပင်ကို အမြစ်ပါမကျန် နှုတ်ယူ မီးရှို့ဖျက်ဆီးရပါမယ်။ နောက်ရာသီများတွင် ရောဂါကင်းဝေးစေရန် စိုက်ပျိုးရေးသုံး မြေတွင် ထုံးထည့် ပြင်ဆင်ခြင်း၊ ရေသွင်းရေထုတ် ကောင်းမွန်အောင် လုပ်ဆောင်ခြင်း၊ Trichoderma ကဲ့သို့ အကျိုးပြုမှို သုံးစွဲခြင်းနှင့် ခရမ်းမျိုးနွယ်ဝင် မဟုတ်သော သီးနှံများနှင့် ၃ နှစ်ခန့် သီးလှည့်စိုက်ပျိုးခြင်းတို့ကို စနစ်တကျ လုပ်ဆောင်ရပါမယ်။ ရောဂါအစောပိုင်းအဆင့်တွင် (သို့မဟုတ်) ဘေးပတ်ဝန်းကျင်အပင်များကို ကာကွယ်ရန် ကော့ပါးအခြေခံမှိုသတ်ဆေး (Copper Oxychloride) ၊ ဘက်တီးရီးယားသတ်ဆေး (Kasugamycin သို့မဟုတ် Bismerthiazole) Oxolinic acid ကဲ့သို့သော ဆေးဝါးများကို အညွှန်းစာပါအတိုင်း နေအေးချိန်၌ တစ်ပင်လုံးနှံ့စပ်အောင်ပက်ဖျန်းပေးပါ။