ဆရာရေ လုပ်ပါအူးဗျ အခုညအပင်တွေ လိုက်ကြည့်ပီး အပင်တွေလဲနေလို့ ပြင်ပေးရင်း အလိုလုံးတွေတွေ့ရတယ်ဆျာ တစ်နှစ်မှမကြုံ...

ပုံပါ ခရမ်းချဉ်သီးများတွင် ဖြစ်ပွားနေသည်မှာ ပိုးမွှား သို့မဟုတ် မှိုကြောင့်ဖြစ်သည့် ကူးစက်ရောဂါမဟုတ်ဘဲ အပင်တွင်း ကယ်လ်ဆီယမ် (Calcium) ဓာတ် ချို့တဲ့ခြင်းကြောင့် ဖြစ်ရသည့် “ဖင်ပုပ်ရောဂါ” (Blossom End Rot) ဖြစ်ပါတယ်။ မြေဆီလွှာအတွင်း ရေသွင်းမှု မမှန်ခြင်း (တအားခြောက်လိုက်၊ တအားစိုလိုက်ဖြစ်ခြင်း) နှင့် နိုက်ထရိုဂျင်ဓာတ် အလွန်အကျွံ များပြားခြင်းတို့ကြောင့် အပင်က ကယ်လ်ဆီယမ်ကို အသီးဆီသို့ ပုံမှန် မသယ်ဆောင်နိုင်ဘဲ အသီးအောက်ခြေတွင် မည်းနက်၍ ချိုင့်ဝင်သော အရေပြားမာကွက်များ ဖြစ်လာရခြင်း ဖြစ်ပါတယ်။ စိုက်ခင်းကို ပြုပြင်ရန်အတွက် လက်ရှိ ပုပ်နေသောအသီးများကို ချက်ချင်းဆွတ်ပစ်ရမည်ဖြစ်ပြီး၊ ရေကို ပုံမှန်သမမျှတစွာ ရေသွင်းပေးခြင်းနှင့် ကယ်လ်ဆီယမ် နိုက်ထရိတ် (Calcium Nitrate) မြေဩဇာ သို့မဟုတ် ဂျစအရွက်ဖျန်းအာဟာရများ၊ဂျစ်ဆမ်မြေဩဇာများ ဖြည့်စွက်ကျွေးခြင်းဖြင့် နောက်ထွက်မည့် အသီးအသစ်များကို ရောဂါကင်းဝေးအောင် ကာကွယ်နိုင်ပါလိမ့်မယ်။