ကွမ်းရွက်က ဘာဖြစ်တဲ့လက္ခဏာလဲဆရာ ဘာဆေးဖျန်းရမလဲ

ဟုတ်ကဲ့၊ ကော့ပါးဖျန်းဖျန်းကာဆူဖျန်းဖျန်း‌ အောက်ဆိုလင်းနစ်ဖျန်းဖျန်း ဆေးတစ်ကြိမ်ဖျန်းပြီးတိုင်ရောဂါလက္ခဏာများဆက်လက်ပျံ့ပွားခြင်းရှိမရှိ အမြဲစောင့်ကြည့်ပါဗျ။

အပင်တော်တော်များများအဲ့လိုဖြစ်နေတယ် အရင်လက ရာဇဖွားဖျန်းထားပါတယ် အရင်လက ဆီစွန်းလက္ခဏာတွေလို့ ဖျန်းတာ ပျောက်သွားလို့ ဆက်မဖျန်းတော့တာ တလကျော် နှစ်လနီးပါးလောက်ရှိပြီ ကာဆူကာမိုင်စင်,ကော့ပါးအောက်စီကလိုရိုက် အိုစိုလိုနစ်အက်ဆစ် ဝယ်ထားတာရှိပါတယ် အိုဆိုလိုနစ်က တစ်ခါမှ မဖျန်ဘူးသေးပါဘူးဗျ

ပုံပါ ကွမ်းရွက်တွင် တွေ့ရသော လက္ခဏာမှာ ဘက်တီးရီးယားကြောင့် ဖြစ်ပွားသည့် "ကွမ်းဆီစွန်းရောဂါ"ပါ။ အဆိုပါရောဂါသည် အရွက်ပေါ်တွင် အညိုရောင်/အမဲရောင် ပုံသဏ္ဍာန်မမှန်သော အစက်အပြောက်ငယ်များအဖြစ် စတင်တတ်ပြီး စိုထိုင်းဆများပါက အကွက်များကြီးလာကာ အရွက်များ ပုပ်ခြောက်ပျက်စီးစေပါတယ်။ နှိမ်နင်းရန်အတွက် ရောဂါရအရွက်များကို ဆွတ်ခူးမီးရှို့ဖျက်ဆီးပစ်ရမည်ဖြစ်ပြီး၊ Kasugamycin (ကာဆူဂါမိုင်စင်) သို့မဟုတ် Copper Oxychloride (ကော့ပါးအောက်ဆီကလိုရိုက်) , Bismerthiazole, Oxolinic acid ကဲ့သို့သော ဘက်တီးရီးယားသတ်ဆေးနှင့် ကော့ပါးမှိုသတ်ဆေးများကို စနစ်တကျ ပက်ဖျန်းပေးရပါမယ်။ ထို့ပြင် ရောဂါဖြစ်ပွားနေစဉ်အတွင်း ယူရီးယားကဲ့သို့သော နိုက်ထရိုဂျင်ဓာတ် မြေသြဇာကျွေးခြင်းကို ခေတ္တလျှော့ချ သို့မဟုတ် ရပ်ဆိုင်းထားပေးရပါမယ်။ကွမ်းခြံကို ပိုမိုထိရောက်စွာ ပြုစုကုသနိုင်ရန်အတွက် လက်ရှိ ကွမ်းခြံထဲတွင် ရောဂါကူးစက်မှု အခြေအနေ (အပင်အနည်းငယ်လား သို့မဟုတ် တစ်ခြံလုံးလား) နှင့် မကြာသေးမီက ဘာဆေးတွေ ဖျန်းထားမိသေးလဲ ဆိုတာကို ပြောပြထားပေးပါဦး။