နှမ်းခင်းကအပွင့်ပွင့်တော့မယ်နွားသေးကိုဘယ်လောက်ထည့်ဖြန်းသင့်လဲ ဘယ်နှစ်ရက်ခြားပြီးဖြန်းသင့်လဲသိချင်ပါတယ်

ရက် (၃၀) သား နှမ်းခင်းတွင် နွားကျင်ငယ်ရည် (နွားသေး) ကို ယခုအချိန်မှစ၍အပင်အမြင့် ဆက်မရှည်တော့ဘဲ အောက်ခြေက အသီးများ စတင်ရင့်မှည့်လာသည့် ကာလ မတိုင်မီ (၇) ရက်မှ (၁၀) ရက်ခြားတစ်ကြိမ် ပက်ဖျန်းပေးနိုင်ပါတယ်။ အသုံးမပြုမီ နွားသေးရည်ကို လေလုံသောပုံးထဲတွင် အနည်းဆုံး (၁၄) ရက်ခန့် အချဉ်ဖောက်ထားရန် လိုအပ်ပြီး၊ အရွယ်ရောက် နှမ်းပင်ဖြစ်၍ နွားကျင်ငယ်ရည် ၁ လီတာလျှင် ရေ ၂၀လီတာအထိ (သို့မဟုတ် ၂၀လီတာဆေးဖျန်းပုံးတစ်ပုံးလျှင် ၁လီတာခန့်) ရောစပ်အသုံးပြုရပါမယ်။ ၎င်းသည် နိုက်ထရိုဂျင်နှင့် ပိုတက်ဓာတ် ကြွယ်ဝသဖြင့် အပင်ကို သန်မာကိုင်းဖြာစေသည့်အပြင် စုပ်စားပိုးများကိုလည်း သဘာဝအတိုင်း ကာကွယ်ပေးနိုင်ပါသည်။ ပုံပါပြောင်းလဲနေသော မိုးအုံ့မှိုင်းသည့် ရာသီဥတုအခြေအနေကြောင့် မိုးရေနှင့် မျောပါမသွားစေရန် မိုးစဲချိန် သို့မဟုတ် ညနေခင်းပိုင်းတွင်သာ အချိန်ကိုက် ပက်ဖျန်းပေးသင့်ပါတယ်ခင်ဗျာ။