ခရမ်းချဥ် အမိုးမပါပဲ မိုးရာသီစိုက်လို့ရပါသလားခင်ဗျာ။ ဘယ်မျိုးကိုရွေးချယ်ရမလဲ။ ကချင်ပြည်နယ်/မိုးကောင်းမြို့နယ်ကပါခင်ဗျာ။ ကျေးဇူးပြု၍ဖြေကြားပေးစေလိုပါတယ်ခင်ဗျာ။

စိုက်လို့ရပါတယ်။ရာသီဥတုဒဏ်ခံနိုင်တဲ့မျိုးကို ရွေးစိုက်ပါ။ ပင်းတယ၊အောင်ပန်း မှာ၊တောင်ပေါ်သားမျိုး၊၁၁၁၊၁၀၀၊၉၀၉စိုက်ကြပါတယ်။

ကျေးဇူးအများကြီးတင်ပါတယ်ဆရာ။

ကချင်ပြည်နယ်၊ မိုးကောင်းမြို့နယ်တွင် မိုးရာသီ၌ ခရမ်းချဉ်ပင်ကို အမိုးအကာမပါဘဲ စိုက်ပျိုးနိုင်သော်လည်း ရေဝပ်ခြင်းနှင့် မှိုရောဂါကျရောက်ခြင်းတို့မှ ကာကွယ်ရန် အထူးဂရုစိုက်ရပါမယ်ခင်ဗျာ။ စိုက်ပျိုးရာတွင် အမြစ်များ ရေမဝပ်စေရန် အနည်းဆုံး ၁ ပေခန့်မြင့်သော စိုက်ဘောင်များစနစ်တကျ ပြုလုပ်၍ ရေနုတ်မြောင်းများ ဖောက်ပေးရပါမည်။ ရွေးချယ်ရမည့် မျိုးစေ့များမှာ မိုးဒဏ်နှင့် ဘက်တီးရီးယားပင်ညှိုးရောဂါ ခံနိုင်ရည်ရှိသည့် Hybrid (F1) စပ်မျိုးများ ဖြစ်သင့်ပါတယ်၊မျိုး‌ စေ့အရောင်းဆိုင်တွေမှာ မေးမြန်းဝယ်ယူပါ၊မျိုးစေ့ အကြောင်း မျိုးစေ့ဆိုင်တွေကပိုနားလည်ပါတယ်။ အမိုးမရှိသဖြင့် အပင်လဲခြင်းနှင့် အသီးပုပ်ခြင်း ကာကွယ်ရန် တိုင်ထောင်စင်တင်ခြင်းကို မဖြစ်မနေ ပြုလုပ်ရမည့်အပြင် မိုးရွာပြီးစအချိန်များတွင် မန်ကိုဇက် ကဲ့သို့သော မှိုသတ်ဆေးများကို ကြိုတင်ကာကွယ်သောအားဖြင့် ပက်ဖျန်းပေးရန် လိုအပ်ပါတယ်ခင်ဗျာ။