ဆရာခင်ဗျ မှားမှာစိုးလို့ပါဗျ ခရမ်းချဥ်ပျိုးဖို့အတွက် မန်ကျည်းမြေစစ်စစ်နဲ့ နွားချေးအစိုကို ထုချေပီးနေလှန်းပီး အဲ့နှစ်ခုကို ရောစပ်ထားတာ အဆင်ပြေလောက်မလားဗျ တစ်လလောက်တော့ရှိနေပြီ ပျိူးဗန်းနဲ့ဆိုတော့ နှုတ်လိုက်တာနဲ့ အာ ကျမသွားအောင် ရွှံမြေ ထပ်ထည့်ရအူးမလားဗျ ဘာတွေ ထပ်ထည့်ရအူးမလဲဆျာ ကူညီပါအူးဆျာ ကိုယ်တိုင်စပ်ထားတော့ ဟိုနှစ်ကလို အပင်တွေ ယိုင်သွားမှာစိုးလို့ပါဗျ

လုံးဝအဆင်မပြေပါဘူး။ နွားချေးအစိုကို အသုံးပြုခြင်းနှင့် မန်ကျည်းမြေ သီးသန့်သုံးခြင်းသည် ပျိုးပင်များ ချက်ချင်းရိသေခြင်း သို့မဟုတ် အဝါရောင်ပြောင်းပြီး သေသွားခြင်းတို့ကို ဖြစ်စေနိုင်ပါတယ်။နွားချေးအစိုသည် အပူဓာတ်ရှိပြီး မှိုရောဂါ အလွန်များပါသည်။ အပင်ကို လောင်စေသဖြင့် အနည်းဆုံး (၆) လကျော် ဆွေးမြည့်နေသည့် နွားချေးခြောက်ဆွေး ကိုသာ သုံးရပါမယ်။မန်းကျည်းမြေသည် အချဉ်ဓာတ် (pH) များပြီး ကျစ်လစ်လွန်းသဖြင့် အမြစ်ဆင်းရန် ခက်ခဲပါသည်။ ရေစီးရေလာကောင်းရန် ဖွဲပြာ နှင့် သဲ မဖြစ်မနေ ရောစပ်ပေးရပါမယ်။စိုက်ခင်းအဆင်ပြေစေရန် ဖွဲပြာ (၂) ဆ၊ နွားချေးဆွေး (၁) ဆ၊ မန်ကျည်းမြေ/မြေဆီလွှာ (၁) ဆ နှင့် သဲ (၁) ဆ ကို စနစ်တကျ ပြန်လည်ရောစပ်ပြီးမှ ပျိုးဗန်းထဲ ထည့်သွင်းပါခင်ဗျာ။