ပုံပါအတိုင်း ခရမ်းသီးအညွန့်ကိုင်းထဲမှာ ပိုးဝင်စားနေတယ်ဗျာ။ဘာဆေးသုံးရမလဲ အကြံပေးကြပါဗျ။

ခရမ်းခေါင်ညွှန့်ထိုးပိုးကျနေတာပါ။ ပုံတွင်မြင်ရသည့်အတိုင်း ညှိုးကျနေသော အကိုင်း/ခေါင်ညွန့်များကို အထဲက ပိုးလောက်ကောင်ပါအောင် အောက်ဘက် ၂ လက်မခန့်အထိ ခပ်နက်နက် ချိုးယူဖယ်ရှားပါ။ချိုးထားသော အညွန့်များနှင့် ပိုးကျနေသော အသီးများကို စိုက်ခင်းထဲတွင် ဒီတိုင်းမပစ်ထားဘဲ မီးရှို့ဖျက်ဆီးပစ်ပါ သို့မဟုတ် မြေနက်နက်မြှုပ်ပါ။ ထိုသို့မလုပ်ပါက ပိုးကောင်များသည် ပိုးတုံးလုံးဘဝပြောင်းပြီး အကောင်ကြီးများအဖြစ် အပင်ပေါ် ပြန်တက်လာပါလိမ့်မည်။ ပိုးကောင်သည် ပင်စည်နှင့် အသီးထဲသို့ ထိုးဖောက်ဝင်ရောက် ခိုအောင်းနေတတ်သဖြင့် ဆေးတစ်မျိုးတည်းကို အဆက်မပြတ်ဖျန်းပါက ဆေးယဉ်ပါးသွားနိုင်ပါတယ်။ ထို့ကြောင့် အောက်ပါ ပိုးသတ်ဆေးအုပ်စုများထဲမှ ၂ မျိုး သို့မဟုတ် ၃ မျိုးကို ရွေးချယ်၍ ၇ရက်မှ ၁၀ ရက်ခြားတစ်ခါ အလှည့်ကျ ပက်ဖျန်းပေးရပါမယ်။ ပရိုဖီနိုဖော့ (Profenofos) သို့မဟုတ် ကာဗိုဆာဖန် (Carbosulfan)အီမာမတင် ဘန်ဇိုအိတ် (Emamectin Benzoate) ၊စပီနိုဆတ် (Spinosad) သို့မဟုတ် ဖလူဘင်ဒိုင်ယာမိုက် (Flubendiamide) (မှတ်ချက်။ ။ ဆေးဖျန်းရာတွင် အညွှန်းပါအတိုင်း စနစ်တကျသုံးစွဲပြီး ဆေးဖျန်းပြီးပါက ခရမ်းသီးခူးဆွတ်ရန် စောင့်ဆိုင်းရမည့်ရက် (PHI) ကို တိတိကျကျ လိုက်နာပါ။) ခရမ်းတစ်မျိုးတည်းကို ဆက်တိုက်မစိုက်ဘဲ အခြားမျိုးရင်းမတူသော သီးနှံများနှင့် အလှည့်ကျစိုက်ပျိုးပါ။ လိပ်ပြာဖိုများကို ဖမ်းယူရန် ခရမ်းပိုးပြေး ဖယ်ရိုမုန်းထောင်ချောက်များကို စိုက်ခင်းတွင် တပ်ဆင်ပါ။ပိုးမကျခင် သို့မဟုတ် အစောပိုင်းကာလများတွင် သဘာဝပိုးသတ်ဆေးတမာပိုးသတ်ဆေးကို ပုံမှန်ဖျန်းပေးခြင်းဖြင့် ကာကွယ်နိုင်ပါတယ်ခင်ဗျာ။