မကွေးတိုင်း တောင်တွင်းဘက်ကပါ ခိုင်းနွားကို စီးပွားဖြစ် မွေးမြူချင်လို့ပါ။ ဘယ်ကနေစရမလဲဗျာ့။ နွားခြံတည်ဆောက်ပုံ၊...

မွေးမြူမည့်ကောင်ရေ၊ ရင်းနှီးမြှုပ်နှံမှု ပမာဏ၊ ဈေးကွက် အခြေအနေတွေ သိမှ ဆွေးနွေးလို့ ရမယ် ထင်ပါတယ်။ စီးပွားရေး လုပ်ငန်းအသွင် လုပ်မယ် ဆိုရင် အသေးစိတ် ဆွေးနွေးဖို့ လိုအပ်ပါတယ်။ ယေဘုယျ အားဖြင့်တော့ ခိုင်းနွားကို (၁) အလှမွေးအတွက် ပြန်ရောင်းဖို့ (၂) ခိုင်းနွားအဖြစ် ပြန်ရောင်းဖို့ (၃) အသားတိုးအဖြစ် ရောင်းဖို့ (၄) ဘာသာရေးပွဲအတွက် ရောင်းဖို့ (၅) မျိုးနွားအဖြသ် ပြန်ရောင်းဖို့ စသည်ဖြင့် ဦးတည်ချက် တစ်ခု ပြတ်ပြတ်သားသား အရင်ချဖို့ လိုပါမယ်။ ပြီးရင် ကိုယ့်ရဲ့ အရင်းအမြစ်တွေ (မြေ၊ အစာရရှိနိုင်မှု၊ ရင်းနှီးမြှုပ်နှံမယ့်ငွေ၊ လုပ်အား စတာတွေ) ကို ပြန်သုံးသပ်ရပါမယ်။ ပြီးရင် ဈေးကွက် ရရှိနိုင်မှုကို ကြိုတင်လေ့လာဖို့ လိုပါတယ်။ ဈေးကွက်က မလိုတာ မွေးလို့ အလုပ်မဖြစ်နိုင်ပါ။ နောက်ဆုံးမှ ဘယ်နွားမျိုး၊ ဘယ်နှစ်ကောင်၊ ဘယ်လိုနည်းနဲ့ မွေးမယ်လို့ စဉ်းစားလို့ ရပါလိမ့်မယ်။