တမာကို ပိုးသတ်ဆေး အဖြစ်သို့ ပြောင်း၍သုံးသော ဆေးနည်းလေး ပြောပြပေးပါအုံးရှင့်

တမာပိုးသတ်ဆေး -------------------- • ပိုးသတ်ဆေးရည်အပြင်းစားနဲ့ (၃၅)%တမာဆေးရည်ဆိုပြီးတော့ (၂)မျိုးထွက်လာပါတယ်။ ရေ (၁)ဂါလံမှာ တမာပိုးသတ်ဆေးရည် ၂.၅ အောင်စဖြစ်စေ ၄၅(သို့)၆၀စီစီဖြစ်စေ ရောစပ်ပြီး သုံးနိုင်ပါ တယ်။ ကုလားပဲသီးလုံးဖောက်ပိုး၊မြေပဲရွက်လိပ်၊ရွက်ကပ်ပိုး၊နေကြာရွက်စားပိုးနဲ့ ခူမွှေးရှည်၊ ဟင်းသီးဟင်းရွက်စိုက်ခင်းက စိန်ကွက်ဖလံ၊ရွက်စားပိုး၊ဆက်သွားကျိုင်း၊ပျ၊ဖြုတ်နဲ့ ပန်းစိုက်ခင်းက ရွက်စားပိုး၊ပင့်ကူနီတွေကို ထိထိရောက်ရောက်ကာကွယ်နိုင်ပါတယ်။ တမာရွက်ကို မီးနဲ့ပြုတ်ပြီး တမာပြုတ်ရည်ကို ရေလောင်းချိုးရင် အရေပြားယားယံတဲ့အနာတွေကို သက်သာစေပါတယ်။ • တမာပင်ဟာ သက်တမ်းရှည်နှစ်ပေါင်းရာချီတဲ့ အပင်ကြီးတွေဖြစ်ပါတယ်။ ဖေဖော်ဝါရီကနေ ဧပြီလ အထိပွင့်ပြီး ဧပြီကနေ ဇွန်လထိ အသီးသီးပါတယ်။ မေ-ဇူလိုင်လတွေမှာ အသီးရင့်ပြီး သြဂုတ်လမှာ အသီးတွေကောက်ယူနိုင်မှာဖြစ်ပါတယ်။ တမာစေ့အစိုတစ်တင်းမှာ အလေးချိန်(၁၂)ပိဿာခွဲရှိပါတယ်။ နို့ဆီဗူး(၁)ဗူးမှာတမာစေ့ (၆၀၀)၊တစ်ပြည်မှာတမာစေ့ (၄၈၀၀)၊ တစ်တင်းမှာ တမာစေ့ (၇၆၈၀၀) ပါရှိပါတယ်။ တမာစေ့အခြောက်တစ်တင်းမှာ (၁၀)ပိဿာရှိပါတယ်။ တမာဆီ၊ တမာကြိတ်ဖတ်၊ တမာ ပိုးသတ်ဆေးတွေကို ဘက်စုံပိုးမွှားနှိမ်နင်းရေးအတွက် သုံးသင့်ပါတယ်။