ဂဏန်း ရေပျော့ မွေး မလို့ 0.3 ဧက လောက် ရှိတဲ ကန် အသစ် တူးထား ပါ တယ် ခင်ဗျား ရေသွင်းပြီး ဒီအတိုင်းမွေး လို့ အဆင်...

၁။ (Mud Crab) အားကဏန်းပျော့ (Soft Shell Crab) ထုတ်လုပ်ရန်ရည်ရွယ်ချက်ဖြင့်မွေးမြူမည့် မြေသားကန်သည် ငါးပုစွန်မွေးမြူရေးကန်များအတွက်ကြိုတင်ပြင်ဆင်လုပ်ဆောင်ရသည်များမှာ အတူတူပင်ဖြစ်ပါသည်။ ၂။ကွာခြားချက်အနေဖြင့် ကဏန်းမွေးမြူရေးကန်အတွက်ရေအနက်မှာ ၃ ပေ မှ ၄ ပေအတွင်းရှိကလုံလောက်ပါသည်။အဓိကရေသွင်းရေထုတ်လုပ်နိုင်ပါက ပိုကောင်းပါသည်။ ၃။ ရေသွင်းရေထုတ်ပုံမှန်ပြုလုပ်နိုင်ပါက ကန်ရေအားအထူးတလည်ပြင်ဆင်ရန်မလိုပါ။ သို့သော် က ဏန်းမွေးမြူမည့် ကန်ရေ၏မူလ အရည်အသွေးကိုသိရန်လိုပါသည်။ ၄။ အောက်ပါကန်ရေအရည်အ သွေးအတိုင်းရှိနေပါက ထပ်၍ပြု ပြင်ရန်မလိုပါ။ - Salinity(အငန်နှုန်း) = 10 - 25 ppt - Temperature(အပူချိန်)=25 - 32ံC - pH (ချဥ်ဖန်ဓါတ်) = 6.8 - 8.5 - Transparency(ရေကြည်နှုန်း) = 20 - 30 Cm Dissolved Oxygen(ပျော်ဝင်အောက်ဆီဂျင်) = >4 ppm ၅။ ကန်၏မူလရေအရည်အသွေးစစ်ဆေးနိုင်ခြင်းမရှိပါက ငါးမွေးကန်အတွက်ပြင်သလိုမျိုး သင့်သလောက်သာထုံးထည့်ခြင်းလုပ်ငန်းဆောင်ရွက်၍ တစ်ပတ်ကြာပြီးမှ သြဇာဓါတ်(သင့်သလောက်) ထည့်ပေးရမည်။ ယင်းမှတစ်ပတ်ကြာလျှင် ကဏန်းထည့်သွင်းမွေးမြူနိုင်ပြီဖြစ်သည်။ ၆။ ကန်ရေ၏မူလရေအရည် အသွေးကိုလဲမစစ်ဆေးနိုင်သလိုကန်ရေပြုပြင်ခြင်းကိုလည်းမဆောင်ရွက်နိုင်သည့်အနေအထားတွင် ကန်ရေအားတစ်ပတ်လျှင်အနည်းဆုံး တစ်ကြိမ်ရေသွင်းရေထုတ်ပြုလုပ်နိုင်ပါကလည်း ကဏန်းထည့်သွင်းမွေးမြူနိုင်ပါသည်။ ၇။ မွေးမြူနေစဥ်ကာလတလျှောက် လုံးကန်ရေပြုပြင်ထိန်းသိမ်းခြင်း/ရေသွင်းရေထုတ်လုပ်ပေးခြင်းတို့ ဆောင်ရွက်ပေးရန်လိုပါသည်။