အခုမိုးကြိုကာလရာသီက မိုးကြက်သွန်နီ ပျိုးထောင်ချိန်ရောက်ပြီ မနှစ်က မျိုးမမှန်လို့လား ရာသီဥတုဖောက်ပြန်လို့လား သေချာတက်အပ်တော့မသိဘူး တောင်သူတော်တော်များများ ကြက်သွန်နီမျိုး မပေါက်ကြဘူး ဒါကြောင့်မို့ နည်းမှန်စနစ်မှန်မှန် မျိုးဘယ်လိုထောင်ရမလဲဆိုတာ အကြံညာဏ်လာတောင်းတာပါ စာရှည်သွားလို့ တောင်းပန်ပါတယ် ခင်ဗျ

 မျိုး ရွှေဖလား၊ ဘောင်စောက်မျိုးများကို စိုက်ပျိုးပါ။ စိုက်ပျိုးမည့် မျိုးစေ့သည် (၁) ပြည်လျှင် (၇၅-၈၀) ကျပ်သား ရှိရမည်။ ပျိုးထောင်ခြင်း ကြက်သွန်နီ တစ်ဧက စိုက်ပျိုးရန်အတွက် ပျိုးခင်းသည် (ဝ.၀၅) ဧက ရှိရပါမည်။ မျိုးစေ့နှုန်း (၂-၄) ပြည် အသုံးပြုရပါမည်။ ပျိုးခင်းမြေပြင်ရာတွင် တမန်းညက်ရပါမည်။ ပျိုးခင်းတွင် နွားချေးနှင့် မြေဆွေးများ ထည့်ပေးရပါမည်။ ပျိုးဘောင် (၃’×၁၈’) ဘောင်အတွက် မျိုးစေ့နို့ဆီ (၁) ဘူး လိုအပ်ပါသည်။ မျိုးစေ့များကို ညီညာစွာ ကြဲပက်ပြီး နွားချေး (သို့) မြေဆွေးပါးပါး ဖြူး၍ ဖုံးအုပ်ပေးပါ။ မျိုးစေ့အပင်ပေါက် ညီညာစေရန် ကောက်ရိုး၊ သစ်ခက်များ ဖုံးအုပ်ပေးရပါမည်။