ဧရာမင်း စိုက်ခင်း ရွတ်ဖျားတွေခြောက်နေလို့ ဘာဆေးဖျန်းရမလဲဗျ

ပုံပါလက္ခဏာကိုကြည့်ရတာ ဘက်တီးရီးယားရွက်ခြောက်ရောဂါလို့ထင်ပါတယ်ရှင့်။ "ရောဂါအနာပြောက်များကို ခွဲခြားစစ်ဆေးခြင်း စိုက်ခင်းရှိ အပင်ရင့်များပေါ်တွင် အနာပြောက်များသည် ရေစိုနာအစက်မှနေပြီး အဝါရောင်၊ လိမ္မော်ရောင် အစင်းများအဖြစ် ရွက်ပြားပေါ်တွင်၎င်း၊ အရွက်ထိပ်တွင်၎င်း အရွက်၏ဒါဏ်ရာရနေသော အစိတ်အပိုင်းတွင်၎င်းဖြစ်ပေါ်သည်။ အနာပြောက်တွင် လှိုင်းတွန့်ပုံသဏ္ဍန်အနားပါရှိပြီး အရွက်ရင်းအထိ ကျယ်ပြန့်သွားသည်။ နုသောအနာပြောက်များတွင် ဘက်တီးရီးယားစိမ့်ထွက်ရည်များကို နံနက်ခင်း၌နို့နှစ်ရောင်နှင်းစက် ကဲ့သို့တွေ့မြင်နိုင်ပါသည်။ ၎င်းဘက်တီးရီးယားစိမ့်ထွက်ရည်စက်များသည် နောက်ပိုင်းတွင်ခြောက်သွေ့ သွားပြီး အရွက်၏အောက်မျက်နှာပြင်တွင်အဝါရောင် ပုတီးစေ့ကဲ့သို့တွေ့မြင်ရသည်။ အနာပြောက်များ ရင့်လာသောအခါ အဝါရောင်မှအဖြူရောင်သန်းသည့်မီးခိုးရောင်သို့ပြောင်းလာပြီး သက်မဲ့စားမှိုများ ဝင်ရောက်ပေါက်ပွား သဖြင့် အနက်စက်လေးများကိုတွေ့ရသည်။ ရောဂါပြင်းထန်စွာကျနေသောအရွက်များ ပေါ်တွင် အနာပြောက်သည် ရွက်ဖုံးသို့တိုင်အောင်ကျယ်ပြန့်သွားသည်။ " ရောဂါအခြေအနေပါ စပါးခင်းရဲ့အခြေအနေကိုစစ်ဆေးကြည့်ပြီး စပါးဘက်တီးရီးယားရွက်ခြောက်ရောဂါ ကာကွယ်နှိမ်နင်းနည်ကို ဒီဆောင်းပါးမှာ လေ့လာကြည့်ပါရှင့်။