တောင်ပို့မှိုစိုက်နည်းတင်ပေးကြပါ

ဂူဂဲမှာ တွေ့တာလေးပါ။ တောင်ပို့မှိုကျတော့ အလေ့ကျမှိုပေါက်တဲ့ကာလမှ တောထဲမှာရှာဖွေပြီး ရောင်းကြတာများတော့ ဒီနည်းလမ်းနဲ့ စမ်းသပ်လုပ်ကြည့်ပေါ့။ နည်းမှာ ပါဝင်ပစ္စည်း ၃မျိုးသာရှိပြီးမိမိပတ်ဝန်းကျင်မှာ အလွယ်တကူရှာဖွေရလွယ်ပါတယ်။ ၁-ခြတောင်ပို့ အတွင်းပိုင်းမှမြေသား၂၀သားခန့်။ ၂-ထမင်းဖြူ၆၅ ကျပ်သား( တစ်ကီ လို) ၃-ရေ၂လီတာ(ရေသန့်ဗူး၂ဘူး) တို့ပဲဖြစ်ပါတယ်။ ပထမဦးစွာ တောင်ပို့မြေနဲ့ထမင်းဖြူတို့ကိုဇလုံတစ်ခုထဲမှာရောထည့်ပြီးသမအောင်မွှေပေးရပါမယ်။ ထို့နောက် ရေ ကိုဖျန်းလိုက် မွှေလိုက်ဖြင့် ရေသန်ဘူး ၂ဘူးစာကုန်တဲ့အထိ မွှေပေးရပါမယ်။ ပြီးနောက် ထိုဇလုံကိုနေရောင်ခြည်တိုက်ရိုက်မကျတဲ့ နေရာမပူလွန်းမအေးလွန်းတဲ့နေရာမှာ ၇ ရက်ခန့်ထားရပါမယ်။ ထိုအတောအတွင်းဇလုံကိုရွှေ့ပြောင်းခြင်းမပြုဘဲငြိမ်သက်စွာထားရမှာပါ။ ၇ ရက်ကျော်တဲအခါ ဇလုံ ရဲ့မျက်နှာပြင်ပေါ်မှာ အမြှပ်အဖက်ဖြူဖြူမဲမဲများတက်လာတာကိုတွေ့ရပါမယ် အဲဒါဟာ မှို ဖောက်ဖို့ ကျူလင်စီ တွေဘဲဖြစ်ပါတယ် (တနည်းအားဖြင့် မှို မျိုးစေ့တွေဘဲဖြစ်ပါတယ်) ထိုမှို မျိုးများအားခပ်ယူ၍ အစိုဓာတ်ရှိသောမြေဆွေးပုံကောက်ရိုးဆွေးပုံ သစ်ပင်အောက်ရှိမြေဆွေး တွေအပေါ် နှံစပ်အောင်ချထားပေးပြီးထားရပါမယ်။ မှိုမျိုးစေ့များချထားသောနေရာအား ၇/၈ ရက်တစ်ကြိမ်ရေစိုရုံသာ ဖျန်းပေးရုံဖြင့်အနံ့အရသာနှင့်ပြည်စုံတဲ့တောင်ပို့မှိုကို လွယ်ကူစွာ ဆိတ်ခူး စားသုံးနိုင်ပြီးပိုလျှံပါကရောင်းချ၍ဝင်ငွေတိုးစေမှာပါ... အိမ်တွင်းတိုက်ကွန်ဒိုနေသူများအဖို့ ပန်းအိုးများအတွင်းမြေဆွေးထည့်၍စိုက်ပျိုးနိုင်ပါတယ်။ (အကယ်၍ ကျူလင်စီများ ပိုလျှံနေပါက ၎င်းကျူလင်စီ ရေသန့်ဘူး တစ်ဗူးစာကို ရေသန့်ဗူး ၁၀ ဗူးနဲ့ရောပြီး အပင်များပေါ်ဖျန်းပေးခြင်းဖြင့် ၎င်းမှိုမျိူးစေ့ချထားသောနေရာများအားပက်ဖျန်းခြင်းဖြင့်အပင်များရှင်သန်ကြီးထွားစေသောမြေဩဇာကဲသို့အသုံးပြုနိုင်ပါသည်။