မေးကြ၊ ဖြေကြ...ဒေသလိုက်မိုးလေဝသ

သျှမ်းပြည်တောင်ပိုင်းမှာ ရက်ဆက်မိုးရွာသွန်းမှုကြောင့် တောင်သူဦးကြီးများရဲ့ စပါးစိုက်ခင်းများ ပျက်စီးဆုံးရှုံး 11 Nov 2026 သျှမ်းပြည်တောင်ပိုင်းမှာ နိုဝင်ဘာလ ဒုတိယပတ်အတွင်း ရက်ဆက်မိုးရွာသွန်းမှုကြောင့် တောင်သူ ဦးကြီးများရဲ့ စပါးစိုက်ခင်းများ ပျက်စီးဆုံးရှုံးခဲ့တယ်လို့ သိရပါတယ်။ ပြီးခဲ့တဲ့ နိုဝင်ဘာလ ၇ ရက်နေ့မှ စတင်ပြီး မိုးအဆက်မပြတ် ရွာသွန်းတာကြောင့် ချောင်း၊ မြောင်း၊ အင်းအိုင်ထဲ ရေပြည့်လျှံပြီး တောင်ကျချောင်းရေ စီးဆင်းမှုနဲ့အတူ လယ်ယာစိုက်ခင်းများ ရေနှစ်မြုပ်ကာ ရိတ်သိမ်းပြီး စပါးများ ထိခိုက်ပျက်စီးခဲ့တယ်လို့ သိရပါတယ်။ မိုးသည်းထန်စွာ ရွာသွန်းမှုကြောင့် လဲချားမြို့ နမ့်တိန်းချောင်းအနီးရှိ စပါးစိုက်ခင်းများ ရေကြီး နှစ်မြုပ်ကာ ရိတ်သိမ်းပြီးစပါးများ ရေစီးနဲ့အတူ မျှောပါပျက်စီးခဲ့တယ်လို့ ဒေသခံများထံမှ သိရပါတယ်။ “လဲချားဘက်က စပါးခင်းတွေ တော်တော်များ ရေမြုပ်ပါတယ်၊ တချို့ကျတော့ စပါးရိတ်သိမ်းပြီး မသယ်ရသေးဘူး၊ ရေကြီးတော့ ရိတ်သိမ်းထားတဲ့စပါးတွေ မျှောပါကုန်တယ်၊ တချို့ကျတော့လည်း မရိတ်သိမ်းရသေးဘူး၊ ဒီနှစ်တော့ လယ်သမားတွေရဲ့ ဆုံးရှုံးမှုကတော့ များတယ်” လို့ လဲချား ဒေသခံတစ်ဦးက ပြောပါတယ်။ အလားတူ မိုးနဲ၊ ကျိုင်းတောင်း၊ မိုင်းစိတ်၊ ပင်လုံ၊ မိုင်းပွန်၊ ဝမ်ဟိုင်း၊ ညောင်ရွှေ၊ ရွှေညောင် စတဲ့ ဒေသတွေမှာလည်း စပါးစိုက်ခင်းများ ရေကြီးနှစ်မြုပ်ကာ ရိတ်သိမ်းပြီးတဲ့ အချို့စပါးများမှာ မိုးမိတာကြောင့် အငြောင့်တွေထွက်ကာ စပါးပျက်စီးဆုံးရှုံးမှု ရှိတယ်လို့ စုံးစမ်းသိရပါတယ်။ လာမယ့် နိုဝင်ဘာလ ၁၄ ရက်မှ ၂၀ ရက်အတွင်း ဘင်္ဂလားပင်လယ်အော်မှာ အားကောင်းတဲ့မုန်တိုင်း ထပ်မံဖြစ်ပေါ်လာနိုင်ပေမယ့် မြန်မာနိုင်ငံအပေါ် သက်ရောက်မှုမရှိဘူးလို့ မိုးလေဝသပညာရှင် ဦးဝင်နိုင် က ခန့်မှန်းထားပါတယ်။ ဒါ့အပြင် စပါးမရိတ်သိမ်းသေးတဲ့ တောင်သူများအနေနဲ့ စပါးရင့်မှည့်ချိန် ရောက်ပါက အချိန်မဆွဲဘဲ ရိတ်သိမ်းဖို့နဲ့ ရိတ်သိမ်းပြီး စပါးများကို ကွင်းပြင်မှာ အကာအကွယ်မရှိဘဲ ကြာရှည်လှန်းထားတာမျိုး မပြုလုပ်ဖို့ အကြံပြုထားပါတယ်။ #HsanLoiVoice

ရှမ်းတောင်တွင် အချိန်အခါမဟုတ် မိုးများ၊ ကလော၌ ချောင်းရေပြည့်လျှံပြီး ရေကြီးမှုဖြစ်ပွား ၂၀၂၆ ခုနှစ်၊ နိုဝင်ဘာလ ၁၁ ရက် ရှမ်းပြည်နယ်တောင်ပိုင်း ကလော၊ တောင်ကြီးနှင့် အနီးဝန်းကျင်ဒေသများတွင် နိုဝင်ဘာလဆန်းပိုင်းမှစ၍ အချိန်အခါမဟုတ် မိုးရွာသွန်းမှုများပြားခဲ့ပြီး ကလောဒေသ၌ ချောင်းရေပြည့်လျှံကာ ရေကြီးမှုများ ဖြစ်ပွားခဲ့ကြောင်း မြေပြင်သတင်းများအရ သိရသည်။ မြန်မာနိုင်ငံ ပထဝီဝင်ဆိုင်ရာအသိုက်အဝန်း (GSM) ၏ အလိုအလျောက်မိုးလေဝသတိုင်းတာရေးစက် (AWS) မှတ်တမ်းများအရ ၂၀၂၆ ခုနှစ်၊ နိုဝင်ဘာလ ၁၀ ရက် တစ်ရက်တာ မိုးရေချိန်မှာ တောင်ကြီးမြို့တွင် ၉၆.၁ မီလီမီတာ (၃.၇၈ လက်မ)၊ ကလောမြို့တွင် ၇၁.၇ မီလီမီတာ (၂.၈၂ လက်မ) နှင့် ကျောက်ဆည်မြို့တွင် ၄၂.၉ မီလီမီတာ (၁.၆၉ လက်မ) အသီးသီး ရရှိခဲ့သည်။ ကလောမြို့၌ နိုဝင်ဘာလ ၇ ရက်မှ ၁၀ ရက်အထိ လေးရက်တာ စုစုပေါင်းမိုးရေချိန် ၂၀၅ မီလီမီတာ (၈.၀၇ လက်မ) ရရှိခဲ့ပြီး နိုဝင်ဘာလ ၁ ရက်မှ ၁၀ ရက်အထိ စုစုပေါင်း ၂၅၀.၁ မီလီမီတာ (၉.၈၅ လက်မ) ရရှိခဲ့သည်။ တောင်ကြီးမြို့တွင်လည်း နိုဝင်ဘာလ ၈ ရက်မှ ၁၀ ရက်အထိ သုံးရက်တာ စုစုပေါင်း ၂၂၀.၂ မီလီမီတာ (၈.၆၇ လက်မ) ရရှိခဲ့သည်။ မိုးလေဝသနှင့် ဇလဗေဒညွှန်ကြားမှုဦးစီးဌာန (DMH) ၏ WRF မိုးရွာသွန်းမှုခန့်မှန်းချက်များတွင် နိုဝင်ဘာလ ၉ ရက်မှ ၁၃ ရက်အတွင်း ရှမ်းပြည်နယ်တောင်ပိုင်းနှင့် မြန်မာနိုင်ငံအလယ်ပိုင်း၌ မိုးရွာသွန်းနိုင်ကြောင်း ဖော်ပြထားပြီး မြေပြင်မိုးရေချိန်တိုင်းတာချက်များနှင့် ဒေသအလိုက် ကိုက်ညီမှုရှိခဲ့သည်။ DMH ၏ နိုဝင်ဘာလ ၁၀ ရက်၊ မြန်မာစံတော်ချိန် နံနက် ၉ နာရီခွဲတွင် အဆုံးသတ်သော ၂၄ နာရီတာ မိုးရေချိန် စာရင်းအရ တောင်ကြီးနှင့် ဟဲဟိုးမြို့တို့တွင် ၅၆ မီလီမီတာ (၂.၂၀ လက်မ) စီ၊ ပင်လောင်းတွင် ၂၂ မီလီမီတာ (၀.၈၇ လက်မ)၊ ကျောက်ဆည်တွင် ၃၃ မီလီမီတာ (၁.၃၀ လက်မ) နှင့် မန္တလေးတွင် ၄၁ မီလီမီတာ (၁.၆၁ လက်မ) ရရှိခဲ့သည်။ DMH ၏ နှစ်စဉ်ပုံမှန်မိုးရေချိန်နှင့် နှိုင်းယှဉ်ပါက နိုဝင်ဘာလ ၁၀ ရက်အထိ တောင်ကြီးမြို့၌ ၂၀၂၆ ခုနှစ် စုစုပေါင်းမိုးရေချိန် ၁,၄၁၆ မီလီမီတာ ရရှိထားပြီး နှစ်စဉ်ပုံမှန်မိုးရေချိန် ၁,၄၄၅ မီလီမီတာ၏ ၉၈ ရာခိုင်နှုန်းခန့် ရှိနေသည်။ ဟဲဟိုးနှင့် ပင်လောင်းမြို့တို့တွင်လည်း တစ်နှစ်တာပုံမှန်မိုးရေချိန်ထက် ၁၄.၅ ရာခိုင်နှုန်းနှင့် ၂၃.၉ ရာခိုင်နှုန်း အသီးသီး ပိုမိုရရှိထားပြီးဖြစ်သည်။ ကလောဒေသတွင် ရက်ဆက်မိုးရွာသွန်းမှုကြောင့် တောင်စောင်းများမှ ရေစီးဆင်းမှုနှင့် ချောင်းများအတွင်း ရေဝင်နှုန်း မြင့်တက်လာနိုင်ပြီး ယင်းအခြေအနေသည် မြေပြင်သတင်းများအရ ဖြစ်ပွားခဲ့သော ချောင်းရေပြည့်လျှံမှုနှင့် ရေကြီးမှုတို့နှင့် ကိုက်ညီနေသည်။ မုတ်သုံဆုတ်ခွာပြီးနောက် ဆောင်းရာသီအကူးအပြောင်းကာလတွင် ဖြစ်ပေါ်ခဲ့သော ယခုမိုးရွာသွန်းမှုသည် ပူနွေးစိုစွတ်သောလေထုနှင့် အေးသောလေထုတို့ ဆုံတွေ့မှုအပြင် ရှမ်းကုန်းပြင်မြင့်၏ တောင်တန်းမြေမျက်နှာသွင်ပြင် သက်ရောက်မှုတို့နှင့်လည်း ဆက်စပ်နိုင်ကြောင်း သုံးသပ်ရသည်။ အချက်အလက်အရင်းအမြစ် — DMH ၏ WRF မိုးရွာသွန်းမှုခန့်မှန်းချက်များ၊ ၂၀၂၆ ခုနှစ် နိုဝင်ဘာလ ၁၀ ရက် DMH မိုးရေချိန်မှတ်တမ်း၊ နိုဝင်ဘာလ ၁၁ ရက် နံနက် ၆ နာရီခွဲ(ထိုင်းစံတော်ချိန် ) ဝန်းကျင်တွင် စစ်ဆေးထားသော GSM AWS မိုးရေချိန်မှတ်တမ်းများနှင့် ကလောဒေသ မြေပြင်သတင်းများ။ မြန်မာနိုင်ငံ ပထဝီဝင်ဆိုင်ရာအသိုက်အဝန်း (GSM)

ွဘွငပဘဘဘဘွ

ွ၇ညွပ၇ဘကညွ၆ဘဘာ ၀ ၆၇ ဘ၆ူဘ ၇ ၆ဘ ဘ ၆သဘ

METEOBLUE ICON MODEL ၏ ၂၀၂၆ ခုနှစ် နိုဝင်ဘာ ၁၃ ရက် နံနက်အစောပိုင်း (02:00 MST) အပူချိန်ခန့်မှန်းချက်မြေပုံအရ နိုဝင်ဘာ ၁၂ ရက် နေ့တွင် မိုးရွာသွန်းမှု ရပ်တန့်သွားပြီးနောက် တရုတ်ပြည်မကြီးဘက်မှ လေဖိအားကြီးရပ်ဝန်းနှင့်အတူ ဆောင်းလေအေးများ စတင်စီးဝင်လာမည်ဖြစ်သဖြင့် ညဉ့်နက်ပိုင်းနှင့် နံနက်စောစောအချိန်များတွင် အပူချိန်များ သိသိသာသာ လျော့ကျသွားမည်ဖြစ်ပါသည်။ ၁။ နိုဝင်ဘာ ၁၃ ရက် နံနက်အစောပိုင်း ခန့်မှန်းအပူချိန်ဇယား (အပူချိန်အနည်းဆုံးမှ အများဆုံးသို့) (ICON Model ၏ အပူချိန်ပြ ကာလာစကေး (Celsius) အရ ပြည်နယ်နှင့် တိုင်းဒေသကြီးများအလိုက် နံနက်အစောပိုင်း အနိမ့်ဆုံးအပူချိန်ကို အစဉ်လိုက် ဖော်ပြထားပါသည်) ** ဇယားပုံတွင်ကြည့်ပါ ** ၂။ မိုးအကုန် ဆောင်းအကူး ကျန်းမာရေးဆိုင်ရာ အကြံပြုချက်များ 📢 မိုးရွာသွန်းမှု ရုတ်တရက် ရပ်တန့်သွားပြီးနောက် နေ့အခါတွင် နေပူပြင်းကာ ညဉ့်နက်နှင့် နံနက်စောစောပိုင်းတို့တွင် အပူချိန် အလွန်အမင်းကျဆင်းသွားမည့် နေ့/ည အပူချိန်ကွာဟချက် ကြီးမားသော (Diurnal Temperature Variation) ကာလဖြစ်သည့်အတွက် အောက်ပါကျန်းမာရေးပြဿနာများကို အထူးဂရုပြုရန် လိုအပ်ပါသည် - 📢 အသက်ရှူလမ်းကြောင်းဆိုင်ရာ ရောဂါများ ကာကွယ်ခြင်း - ရာသီတုပ်ကွေး (Seasonal Flu) ၊ ချောင်းဆိုး၊ နှာစေး၊ လည်ချောင်းနာနှင့် အဆုတ်အအေးမိခြင်းများ အလွယ်တကူ ဖြစ်ပွားနိုင်ပါသည်။ မနက်စောစောနှင့် ညဉ့်နက်ပိုင်း အပြင်ထွက်ပါက လည်ပင်း၊ ရင်ဘတ်နှင့် ခြေလက်များကို နွေးထွေးစွာ ထားရှိနိုင်မည့် အနွေးထည်၊ ခြေအိတ်များ ကြိုတင်ဝတ်ဆင်သင့်ပါသည်။   အထူးဂရုစိုက်ရမည့် အုပ်စုများ 📢 ကလေးသူငယ်များနှင့် သက်ကြီးရွယ်အိုများ - ကိုယ်ခံအားနည်းသူများတွင် ပန်းနာရင်ကျပ် (Asthma) နှင့် လေပြွန်ရောင်ခြင်းများ ထကြွတတ်သဖြင့် ရေနွေးနွေးသောက်သုံးပေးခြင်း၊ ရေအေးချိုးခြင်းကို ရှောင်ကြဉ်ပြီး နေထွက်ချိန်မှသာ ရေနွေးဖြင့် ချိုးပေးခြင်းများ ပြုလုပ်သင့်ပါသည်။ 📢 သွေးတိုးနှင့် နှလုံးရောဂါအခံရှိသူများ - ဆောင်းလေအေးစတင်ချိန်တွင် သွေးကြောများ ကျဉ်းသွားတတ်သဖြင့် မနက်စောစော အအေးဒဏ်ကို တိုက်ရိုက်ထိတွေ့ခြင်းမှ ရှောင်ကြဉ်ပြီး သွေးပေါင်ချိန်ကို ပုံမှန်စစ်ဆေးသင့်ပါသည်။ 📢 အရေပြားနှင့် နှုတ်ခမ်းခြောက်သွေ့ခြင်း - စိုထိုင်းဆလျော့ကျပြီး လေခြောက်သွေ့လာမည်ဖြစ်သောကြောင့် အသားပတ်ခြင်း၊ နှုတ်ခမ်းကွဲခြင်းများမှ ကာကွယ်ရန် ရေများများသောက်ပေးပြီး အစိုဓာတ်ထိန်းခရင်မ် (Moisturizer/Lotion) သို့မဟုတ် အုန်းဆီ လိမ်းပေးသင့်ပါသည်။ 📢 နံနက်ခင်း မြူထူထူကျချိန် ယာဉ်အန္တရာယ် သတိပြုရန် - ကုန်းမြင့်ဒေသများ (ရှမ်း၊ ကချင်၊ ချင်း) နှင့် မြစ်ချောင်းကမ်းဘေးမြို့များတွင် မနက်ပိုင်း မြူထူများ (Fog/Mist) ထူထပ်စွာ ကျဆင်းနိုင်သဖြင့် မီးကြီးများ ဖွင့်မောင်းနှင်ရန်နှင့် မြူခိုးကြောင့် အဆုတ်ထိခိုက်မှုမရှိစေရန် နှာခေါင်းစည်း (Mask) တပ်ဆင်သွားလာသင့်ပါသည်။ ဆရာဦးဝင်းနိုင် MMWeather

မိုးလေဝသကြည့်ဖို့ တည်နေရာထည့်မရတာဟာ google မသုံးလို့လားဆိုတာ ရှင်းပြပေးကြပါဦးဗျ။

မြင်းကျားမှထုပ်လုပ်တဲ့နှမ်းရွေးရှယ်ဟာဘိရှင်း30စီစီ+မက်ဂါမန်းနီး20ဂရမ်ကို4ဂါလံဝင်စက်ပုံးနဲ့ဖျန်းလိုက်တာဆေးညွှန်းအတိုင်းပဲဖျန်းတာကိုယခုလိုဖြစ်သွားတယ်အကြံပြုချက်များကိုလိုချင်တယ်လမ်းညွှန်ပေးပါအုံး

ရွှေနွယ်ရိုးလို့ခေါ်သောကပ်ပါးပင်တစ်မျိုးက ပဲငပိခင်းထဲတွင် ပေါက်ရောက်နေသည်ကို ဘယ်လိုနှိမ်နှင်းရမလဲရှင့်။

မိုးကရွာနိုင်သေးလား

မိုးလေဝသကတည်နေရာအတိအကြမပြဘူးတခြားနေရာတွေပြနေတာဘာကြောင့်လဲးရှင်းပြပေးပါကျေးဇူးပါ

ဘူးဘယျလိုစိုကျရလဲ

ရက်၉၀ စပါးကို ဘယ်အချိန် မြေဆီကျွေးဘယ်အချိန်မာ ဘယ်ပိုးသတ်ဆေးကိုဖျန်းသင့်သလဲ တောင်သူဦးကြီးများ အကြံဉာဏ်လေးမျှဝေပေးကြအုံး စပါအထွက်တိုးဖိုု့ရော ဘယ်လိုအရာတွေ လုပ်ဆောင်သင့်ပါသလဲ

2026ခုနစ် ရာသီဥတုဟာ လာနီညာ အယ်နီညို ဘယ်ရာသီဥတုဆိုတာ သိပါရစေ ပဲကျဲတော့မှာမို့ပါ

🌊 ဩဂုတ်လ ၁၉ ရက်၊ နေ့လည် ၁ နာရီ ၂၀ မိနစ်တွင်ရရှိသည့် ဒေတာများအရ ဩဂုတ်လ ၁၉ ရက် မှ နောက်လာမည့် ၁ ပတ်အတွင်း တောင်တရုတ်ပင်လယ်မှာ လေဖိအားနည်းရပ်ဝန်းဖြစ်လာနိုင်ပြီး အားပိုကောင်းလာကာ အနည်းဆုံး အပူပိုင်းမုန်တိုင်းအဆင့်(Tropical Storm - TS)အထိရောက်လာနိုင်ပါတယ်။ 🔸တောင်တရုတ်ပင်လယ်က မုန်တိုင်းဖြစ်လာတိုင်း ဘင်္ဂလားပင်လယ်အော်ဘက်မှာ A-B-C ဆက်စပ်မှုအရ လေဖိအားနည်းရပ်ဝန်းတခုက ဖြစ်လာနိုင်ပါတယ်။ 🔸မုန်တိုင်းဖြစ်လာနိုင်တဲ့ ကြိုတင်ခန့်မှန်းချက်များကို ECMWF နဲ့ ICON MODEL တွေရဲ့ ကြိုတင်ခန့်မှန်းချက်တွေမှာ တွေ့နေရပါတယ်။ 🔸အောက်တိုဘာလ ၁၀ ရက် မိုးနှောင်းကာလကုန်ဆုံးသည်အထိ မုတ်သုံဆုတ်ခွာမှုမပြီးမချင်း မိုးက ဆက်နေမှာပါ။ မိုးနည်းတာနဲ့ မိုးများတာသာ ကွာခြားမှုရှိပါမယ်။ 🔸ရရှိပြီးကြိုတင်ခန့်မှန်းချက်တွေအရတော့ မြန်မာနိုင်ငံအရှေ့ပိုင်း ရှမ်းပြည်နယ်ဘက်မှာ မိုးများနိုင်ပြီး၊ အလယ်ပိုင်း မိုးနည်းရေရှားဒေသတွေဖြစ်တဲ့ စစ်ကိုင်းတိုင်းအောက်ပိုင်း၊ မကွေးတိုင်း၊ မန္တလေးတိုင်းဒေသတွေမှာလဲ မိုအသင့်အတင့်(၂၄ နာရီအတွင်း မိုးရေချိန် ၀.၅ လက် မှ ၁.၅ လက်မခန့်အထိ ရွာသွန်းရရှိနိုင်ပါမယ်။ ⚠️ ကြိုတင်ခန့်မှန်းချက်များဖြစ်တာကြောင့် ပြောင်းလဲဖြစ်ပေါ်လာနိုင်တဲ့ မိုးလေဝသအခြေအနေများကို နေ့စဉ် တင်ပေးနေပါ့မယ်။ . . . မိုးလေဝသပညာရှင် ဆရာဦးဝင်းနိုင်၏ တရားဝင်ခွင့်ပြုချက်ဖြင့် ပြန်လည်ဖော်ပြသော သတင်းဖြစ်ပါသည်။

ရှမ်းပြည်နယ်တောင်ပိုင်းအင်းလေးဒေသမှာ တိမ်အနိမ့်တွေဝင်လာတာနဲ့ မိုးက တန်းရွာနေဦးမှာဆိုတော့ ... ဆက်ပြီး သတိထားကြရမယ်။ ကြိုတင်ရွှေ့ပြောင်းဖို့လိုတဲ့နေရာတွေ ရွှေ့ကြရပါမယ်။ ============== ပင်လယ်ပြင်တွေမှာ ဖြစ်နေတဲ့ မိုးလေဝသဖြစ်စဉ်ကြိုတင်ခန့်မှန်းချက်တွေ(အာရေဗျပင်လယ်၊ ဘင်္ဂလားပင်လယ်အော်နဲ့၊ တောင်တရုတ်ပင်လယ်)လေ့လာကြည့်တဲ့အခါ - တရုတ်ပြည်မထဲရောက်သွားတဲ့ တိုင်ဖွန်းမုန်တိုင်းအကြွင်းအကျန်တွေက ဩဂုတ် ၁၅ ရက်နေ့နောက်ပိုင်းမှာ မရှိတော့ဘူး၊ မြန်မာပြည်ဘက်ကိုလဲ မလာတော့ဘူးဆိုတာတွေ့ရပါတယ်။ ဘင်္ဂလားပင်လယ်အော်အနောက်အလယ်ပိုင်းက လေဖိအားနည်းရပ်ဝန်းက WELL-MARKED LPA ဖြ်လာပြီး အိန္ဒိယနိုင်ငံအရှေ့ဘက်ကမ်းရိုးတန်းနားမှာ "ခွေ"နေတဲ့အချိန် တောင်တရုတ်ပင်လယ် ဗီယက်နမ်တောင်ပိုင်းကမ်းနီးပင်လယမှာ လေပွေလှိုင်း(UACC)တခုဖြစ်လာတယ်။ အီကွေတာတောင်ဘက်ခြမ်းမှာလဲ လေပွေလှိုင်းတွေဖြစ်နေတာက အနောက်တောင်မုတ်သုံလေကို ပိုမိုအားကောင်းစေတာတွေ့ရပါတယ်။ အာရေဗျပင်လယ်ဘက်က အားအလွန်ကောင်းနေတဲ့ မုတ်သုံလေစီးကြောင်းရယ်၊ တောင်တရုတ်ပင်လယ်က လေဖိအားနည်းရပ်ဝန်းရယ်ဆက်စပ်ပြီး(A-B-C effect တွေဖြစ်ပြီး)တဲ့နောက် ဩဂုတ်လ ၁၇ ရက်နေ့မှာ - 🔸ဘင်္ဂလားပင်လယ်အော်အနောက်အလယ်ပိုင်းက WELL-MARKED LPA က အားပိုကောင်းလာပြီး DEPRESSION ဖြစ်လာနိုင်တယ်။ 🔸တောင်တရုတ်ပင်လယ်က လေဖိအားနည်းရပ်ဝန်းက အပူပိုင်းမုန်တိုင်းဖြစ်လာနိုင်တယ်။ ဒါတွေဖြစ်လာပြီးရင် - မြန်မာနိုင်ငံတောင်ပိုင်းဒေသတွေဖြစ်တဲ့ ဧရာဝတီတိုင်း၊ ပဲခူးတိုင်း၊ ရန်ကုန်တိုင်း၊ ကယားပြည်နယ်၊ ကရင်ပြည်နယ်၊ မွန်ပြည်နယ်နဲ့ တနင်္သာရီတိုင်းတွေမှာ မိုးပိုလာနိုင်တယ်။ ⚠️လတ်တလောအချိန်မှာတော့ ရှမ်းပြည်နယ်တောင်ပိုင်းက အင်းလေးဒေသနဲ့ စစ်တောင်းမြစ်ဝှမ်းတလျှောက်က စိုးရိမ်ရေမှတ်ရောက်နေတဲ့ မြို့နယ်တွေမှာ မိုးရွာတာများလာနိုင်တဲ့အခြေအနေကို ဩဂုတ် ၁၇/၁၈ နဲ့ ၁၉ ရက်တွေမှာ ဘယ်လိုဖြစ်လာမလဲ .. စောင့်ကြည့်ကြရပါဦးမယ်။ ⚠️Sounding Forecast အရ - ရှမ်းပြည်နယ်တောင်ပိုင်းအင်းလေးဒေသမှာ တိမ်အနိမ့်တွေဝင်လာတာနဲ့ မိုးက တန်းရွာနေဦးမှာဆိုတော့ ... ဆက်ပြီး သတိထားကြရမယ်၊ ကြိုတင်ရွှေ့ပြောင်းဖို့လိုတဲ့နေရာတွေ ရွှေ့ကြရပါမယ်။ ရေးသားသူ - ဦးဝင်းနိုင် မိုးလေဝသပညာရှင် ဆရာဦးဝင်းနိုင်၏ တရားဝင်ခွင့်ပြုချက်ဖြင့် ပြန်လည်ဖော်ပြသော သတင်းဖြစ်ပါသည်။