အခုရက်ပိုင်း မိုးက ရက်ဆက်ရွာနေတယ်။ မြေပဲခင်းတွေမှာ မှိုရောဂါ ကျရောက်မှာ စိုးရိမ်လို့ ဘယ်လိုကြိုတင်ကာကွယ်နိုင်ပါလဲဗျ။ သဘာဝဆေးနည်းများ၊ဓာတုဆေးနည်းများ နဲ့ ကာကွယ်နိုင်မယ့် နည်းများကို အကြံပြုပေးစေလိုပါတယ်ခင်ဗျ။
နှမ်းသီးနှံဈေးကွက်အခြေအနေ အလားအလာဘယ်လိုရှိလဲဗျ။
မိုးတောင့်ငရုပ်မျိုးစပျိုးရင်ဘာတွေလိုအပြီးဘယ်လိုနည်းလမ်းနဲ့ပျိုးရမလည်းဗျ
ငရုတ်ပျိုးမယ်ဆိုရင် ပျိုးဗန်းနဲ့ ပျိုးဖို့ကို အကြံပြုလိုပါတယ်။ ပျိုးဗန်းက ထိန်းသိမ်းစောင့်ရှောက်ရတာလည်း လွယ်ကူပါတယ်။ ပျိုးမြေစပ်တဲ့အခါမှာလည်း ပျိုးမြေစပ်ဖို့အတွက် နုန်းမြေ (၁)ဆ + နွားချေး (၁)ဆ + စက်ဖွဲပြာ (၁)ဆ တို့ လိုအပ်ပါသည်။ 2️⃣ မြေစေးလွန်းပါက မြေစေး (၁)ဆ + နွားချေး (၁)ဆ + စက်ဖွဲပြာ (၁)ဆ + သဲ (၁)ဆ နှုန်းဖြင့် ပျိုးမြေစပ်ရပါမည်။ မိုးတွင်းကာလမှာ မှိုရောဂါကျနိုင်ခြေများတဲ့အတွက် ထရိုင်ကိုဒါးမားကိုလည်း ထည့်သွင်းပေးပါ။ ငရုတ်မျိုးစေ့ကို ရေကြက်သီးနွေးနွေးအနေထားမှာ ၅နာရီမှ ၈ နာရီထိ စိမ်ထားပေးမယ်ဆိုရင် အပင်ပေါက်လည်း ညီညာစေမှာဖြစ်ပါတယ်။
ဆေးဖြန်းပီး ဘနနာရီခြား မိုးရွာရင် ဆေးအာနိသင်ပြယ်နိုင်လဲဗျ
၄ နာရီကနေ ၆ နာရီကြား မိုးလွတ်ဖို့ လိုအပ်ပါတယ်ဗျ။ ဆေးဖျန်းပြီး ၂ နာရီအတွင်း မိုးရွာမယ်ဆိုရင် ဆေးအာနိသင်လုံးဝ ပျယ်သွားနိုင်ပါတယ်။ ၄ နာရီအတွင်းရွာမယ်ဆိုရင် ၅၀ ရာခိုင်နှုန်းလောက် ပျယ်သွားနိုင်ပါတယ်။ မိုးတွင်းကာလမှာ ဆေးဖျန်းမယ်ဆိုရင် စွဲကပ်ဆေး (Sticker) ပါ ထည့်ပြီး ဖျန်းဖို့ အကြံပြုပါတယ်ဗျ။ အစိမ်းရောင်လမ်းရဲ့ စိုက်ပျိုးမိုးလေဝသမှာဆိုရင် နာရီအလိုက် မိုးရွာနိုင်ခြေပြထားတာမို့ တောင်သူတွေအတွက် အများကြီး အထောက်ကူပြုပါလိမ့်မယ်ဗျ။
ငရုပ်ပင် အရွက်တွေ အခုလို ဖြစ်နေတာ ဘာရောဂါလဲ ဆရာတို့။ အခုလို အပင်အရေတွက် ပိုများလာပါတယ်။ အဟာရဓာတ်ချို့တဲ့တာလား။အရဟာ တမျိုးမျိုး လွန်ကဲလို့လား။ ဒါမှမဟုတ် ပိုးပွားကြောင့် ဖြစ်တဲ့ ရောဂါလား ဆရာတို့
ပုံမြင်ရရင် တခါ ငရုပ်ပုံကို ကြည့်ပြီး ပြန်ဖြေပေးပါအုံး ဆရာ
အရင်ပို့စ်က ပုံမမြင်ရဘူး ဆရာက ပြောလို့ပါ။ ပုံမြင်ရအောင် ပြန်တင်ပေးတာပါ။
hi စိုက်ပျိုးရေးပညာရှင်ကြီးများရှင့် မန္တလေးတိုင်း နွားထိုးကြီးနယ်ဘက်မှာ စပျစ်စိုက်လို့အဆင်ပြေလောက်မလားသိချင်လို့ အကြောင်းရာနှင့်တကွ ဖြေပေးကြပါအုံးရှင့်
မန္တလေးတိုင်း၊ နွားထိုးကြီးမြို့နယ်သည် ပူနွေးခြောက်သွေ့ပြီး မိုးနည်းသော အလယ်ပိုင်းဒေသဖြစ်ခြင်းကြောင့် စပျစ်ပင်၏ သဘာဝနှင့် အလွန်ကိုက်ညီပြီး စီးပွားဖြစ် စိုက်ပျိုးရန် အလားအလာကောင်းပါတယ်။ အောင်မြင်ဖြစ်ထွန်းရန်အတွက် ရေမဝပ်သော သဲနုန်းမြေမျိုးတွင် စိုက်ပျိုးရမည်ဖြစ်ပြီး၊ အပင်ကြီးထွားချိန်နှင့် အသီးတင်ချိန်များအတွက် အဝီစိတွင်းရေကဲ့သို့သော "ရေချို" ရရှိမှု ရှိရပါမည်။ ဒေသရာသီဥတုနှင့် အကိုက်ညီဆုံးဖြစ်သည့် မျိုးကို အဓိကထားရွေးချယ်ပြီး၊ လေဒဏ်ခံနိုင်ရန် စင်တင်စနစ် သို့မဟုတ် Y ကြိုးတန်းစနစ်ဖြင့် စနစ်တကျ စိုက်ပျိုးပါက အဆင်ပြေအောင်မြင်နိုင်ပါတယ်ခင်ဗျာ။
စပျစ်က ပူနွေးပြီး နေရောင်ခြည် ကောင်းကောင်းရတဲ့နေရာတွေမှာ ဖြစ်ထွန်းတာကြောင့် နွားထိုးကြီးလည်း ရနိုင်ပါတယ်။ ရာသီဥတု အမျိုးအစားတူတဲ့ မိတ္ထီလာတို့ ကျောက်ဆည်တို့မှာလည်း အောင်မြင်ဖြစ်ထွန်းတာကို တွေ့နေရပါတယ်။ စပျစ်က ရေဝပ်တာ မကြိုက်ပေမယ့် အစိုဓာတ်လိုအပ်တာကြောင့် အစက်ချစနစ်နဲ့ ရေပေးသွင်းမယ်ဆို ရေလိုအပ်ချက်လည်း နည်းပြီး အပင်ဖြစ်ထွန်းပါတယ်။ နောက် အနီးအနားအတွေ့ကြုံရှိတဲ့ စပျစ်ခြံတွေကနေလည်း ေသချာလေ့လာဖို့ အကြံပြုလိုပါတယ်။ အောင်မြင်ပါစေဗျာ။
ဘာဆေးဖျန်းရမလဲဗျ
ဂန္ဓမာရွက်ပြောက်စွန်းရောဂါသည် Septoria မှိုပိုးကြောင့်ဖြစ်ပြီး အစိုဓာတ်များချိန်တွင် အောက်ခြေရွက်ဟောင်းများမှတစ်ဆင့် အပေါ်သို့ ကူးစက်ပြန့်ပွားတတ်ပါတယ်။ ဤရောဂါကို နှိမ်နင်းရန်အတွက်စိုက်ပျိုးရေးသုတေသန လမ်းညွှန်ချက်များနှင့် တောင်သူအများစုကတော့ရောဂါရနေသော အရွက်များကို ဆွတ်ခူး၍ စိုက်ခင်းပြင်ပ၌ မီးရှို့ဖျက်ဆီး လေ့ရှိပါတယ်။ ဓာတုဆေးအနေဖြင့် ပင်လုံးပျံ့မှိုသတ်ဆေး ဖြစ်သော အဇိုဆီစထရိုဘင် (Azoxystrobin) သို့မဟုတ် ဒိုဖီနိုကိုနာဇိုလ်း (Difenoconazole) ကို ဖြန်းပေး လေ့ရှိပြီး၊ ဆေးယဉ်ပါးမှုမရှိစေရန် ထိသေဆေးဖြစ်သော မန်ကိုဇက် (Mancozeb) နှင့် (၇-၁၀) ရက်ခြား တစ်လှည့်စီ ပြောင်းလဲပက်ဖြန်းပေးရပါမယ်။ ရေလောင်းသည့်အခါ အရွက်များပေါ် ရေမတင်စေရန် အပင်ခြေကိုသာ လောင်းပေးရမည်ဖြစ်ပြီး လေဝင်လေထွက်ကောင်းအောင် ကိုင်းရှင်းပေးခြင်းဖြင့် မှိုပွားနှုန်းကို လျှော့ချနိုင်ပါတယ်။
ပူနွေးစိုစွတ်ပြီး အစိုဓာတ်များတဲ့အချိန်မှာ မှိုရောဂါတွေ ဝင်ပါတယ်။ ဂန္ဓမာရွက်ပြောက်ရောဂါဖြစ်မယ်ထင်တယ်။ အရွက်ကလည်း ရေစိုနေဆဲဖြစ်နေတယ်။ အပင်ကျပ်ကျပ်စိုက်တာမျိုး မလုပ်ပါနဲ့။ နောက် ရေလောင်းတဲ့အခါမှာလည်း ညနေစောင်းပိုင်း လောင်းတာမျိုး ရှောင်ပါ။ မတက်နိုင်ဆုံး အရွက်ပေါ် ရေမတင်ဘဲ အပင်ခြေသာရေရောက်အောင် လုပ်ပေးပါ။ မှိုသတ်ဆေးအနေနဲ့ Azoxystrobin + Difenoconazole ဒါမှမဟုတ် ဟက်ဆာကိုနဇိုး (Hexaconazole) တို့ကို ဆေးယဉ်ပါးမှုမဖြစ်အောင် အလှည့်ကျဖျန်းပေးပါ။
ဥစားကြက်များကို ခြံထဲလွတ်ကျောင်းမွေးလို့ အဆင်ပြေပါ့မလား ဗျာ့ လွတ်ကျောင်းမွေးရင် အားနည်းချက် အားသာချက်များ နှင့် လိုအပ်ချက်များ ရှောင်ရန် ဆောင်ရန်များ ကို အတွေ့အကြုံ ရှိသူများ အကြံပေးကြပါအုံးဗျာ့
ဥစားကြက်မွေးမြူသူများ သိထားသင့်သည့်အချက်များနှင့် ဥစားကြက်အစာစပ်နည်း စာတန်းလေးကို နှိပ်ပြီး လေ့လာလို့ရပါတယ်။
၁၅၀,၀၀၀ ကနေ ၁၇၀,၀၀၀ လောက်ရှိပါတယ်။
မုန့်ဖုတ်ဆော်ဒါ.5ဇွန်း.ဆပ်ပြာမုန့်.4ဇွန်း.ဆ်ိ.5ဇွန်း.ပတ်တာကမြေပဲခင်းမှာဘာကောင်းလဲဗျ...တချို့ပတ်နေကြလို့...မှိုကာကွယ်တယ်စိုဟုတ်လားဆရာတို့
မုန့်ဖုတ်ဆော်ဒါ၊ ဆပ်ပြာရည်နှင့် ဟင်းချက်ဆီ ရောစပ်ထားသော ဆေးရည်သည် မြေပဲပင်များ၏ အရွက်ပေါ်တွင် ကျရောက်တတ်သော မှိုရောဂါအချို့ (အထူးသဖြင့် ဖားဥမှိုရောဂါ) ကို ကြိုတင်ကာကွယ်ရန် ထိရောက်သော သဘာဝဆေးနည်း ဖြစ်ပါတယ်။ မုန့်ဖုတ်ဆော်ဒါက မှိုမပေါက်ပွားအောင် တားဆီးပေးပြီး၊ ဆီနှင့် ဆပ်ပြာက အရွက်ပေါ်တွင် ဆေးရည်ကြာရှည် ကပ်ညှို့ပြန့်နှံ့စေရန် ကူညီပေးတာပါ။ သို့သော် မြေပဲခင်းတွင် ဆိုးရွားစွာ ကျရောက်တတ်သည့် မြေပဲရွက်ပြောက်ရောဂါနှင့် ပင်ခြေပုပ်ရောဂါများအတွက်မူ ကာကွယ်မှု အားနည်းနိုင်ပါသည်။ ဆေးပမာဏ များပါက အရွက်လောင်နိုင်သဖြင့် စိုက်ခင်းတစ်ခုလုံး မဖျန်းမီ အပင်အနည်းငယ်တွင် အရင်စမ်းသပ်ဖျန်းရန်နှင့် နေပူချိန်တွင် ဖျန်းခြင်းကို ရှောင်ကြဉ်ရန် လိုအပ်ပါတယ်ခင်ဗျာ။
စပါး
Seeder (မျိုးစေ့ချစက်) ဖြင့် စပါးစိုက်ပျိုးရာတွင် အပင်ပေါက် ထူသွားခြင်းအတွက် အထွက်နှုန်းကို ကြီးကြီးမားမား ထိခိုက်နိုင်ခြေ နည်းပါးသဖြင့် အလွန်အမင်း စိုးရိမ်ရန် မလိုပါဘူး။ သို့သော် လေဝင်လေထွက် မကောင်းခြင်းနှင့် အလင်းရောင် မလုံလောက်ခြင်းတို့ကြောင့် ရောဂါနှင့် ပိုးမွှားဒဏ် ပိုမိုကျရောက်နိုင်ပြီး အပင်လဲနိုင်ခြေ ရှိပါတယ်။ ပြုပြင်ရန်အတွက် စိုက်ပြီး ၁၅ ရက်မှ ၂၀ ရက်အတွင်း အပင်ခွဲနှုတ်ပြီး ကွက်လပ်များတွင် ပြန်ဖာပေးရပါမယ်။ ထို့ပြင် စပါးပင် အလွန်အကျွံ အပင်ပွားခြင်းကို ထိန်းချုပ်ရန် နိုက်ထရိုဂျင် (ပုလဲ) မြေဩဇာ ကျွေးမှုကို လျှော့ချပြီး အပင်သန်မာစေသော ပိုတက်ရှ် (အနီရောင်) မြေဩဇာကို တိုးကျွေးရပါမယ်။ လယ်ကွက်အတွင်း ရေကို အမြဲလှောင်မထားဘဲ အလှည့်ကျ ရေသွင်းရေထုတ်စနစ်ကို ကျင့်သုံးပေးခြင်းဖြင့် အထွက်နှုန်း မထိခိုက်အောင် ထိရောက်စွာ ကာကွယ်နိုင်ပါတယ်ခင်ဗျာ။
ငါးအမိုင်နိုက ဖော်စပ်ထားပြီး ရေရှည်ထားရလား ခင်ဗျာ
ကိုယ်တိုင်ဖော်စပ်ထားသော ငါးအမိုင်နိုအက်ဆစ် (Fish Amino Acid) သည် စနစ်တကျ ပြုလုပ်ပြီး ရေမဝင်အောင် သိမ်းဆည်းထားပါက အနည်းဆုံး ၆ လမှ ၁ နှစ်ခွဲ (၁၈ လ) အထိ အာနိသင်မပျက်ဘဲ ရေရှည်ထားရှိနိုင်ပါတယ်။ ငါးနှင့် သကာရည် (တင်လဲရည်) အချိုးအစား ၁:၁ မှန်ကန်ရန် လိုအပ်ပြီး ဖော်စပ်စဉ်နှင့် သိုလှောင်စဉ်အတွင်း အစိုဓာတ် သို့မဟုတ် ရေဝင်ရောက်ပါက အချဉ်ဖောက်မှု ပျက်ပြားကာ သက်တမ်းတို၍ ပုပ်သိုးသွားတတ်ပါသည်။ ထို့ကြောင့် တိုက်ရိုက်နေရောင်ခြည်မထိသော အေးမြမှောင်မှိုင်သည့်နေရာတွင် လေလုံသော ပလတ်စတစ်ဘူးဖြင့် စနစ်တကျ သိုလှောင်ရန် လိုအပ်ပါတယ်ခင်ဗျာ။
စပါး၁၅ပတ်လည်၁အိတ်ပုလဲ၁အိတ်ဂျစ်ပဆန်၁အိတ်ရောပြီး၄ဧကကျွေးပြီးကတည်းကမိုးမပြတ်လို့မြေသြဇာဆုံးရှုံးမှုများနိုင်လားခဗျမြောင်းရေပြတ်နေလို့ဆေးကျွေးပြီးကတည်းကမိုးကနေ့တိုင်းများနေလို့
မြေဩဇာကျွေးပြီးကတည်းက မိုးအဆက်မပြတ်ရွာသွန်းနေပါက အထူးသဖြင့် ရေပျော်လွယ်သော ပုလဲ (ယူရီးယား) နှင့် ၁၅ ပတ်လည်ထဲမှ နိုက်ထရိုဂျင်ဓာတ်များ ရေနှင့်အတူ မျောပါဆုံးရှုံးနိုင်ခြေ အလွန်များပါတယ်။ ဂျစ်ပဆန်ကတော့ အနယ်ထိုင်မှုနှေးလို့ ဆုံးရှုံးမှုနည်းပါတယ်။ အကယ်၍ လယ်ကွက်ထဲမှ ရေများ ကန်သင်းကျော်ပြီး အပြင်သို့ စီးထွက်သွားပါက မြေဩဇာ အများအပြား ဆုံးရှုံးနိုင်သော်လည်း၊ ကန်သင်းလုံပြီး ရေအိုင်ရုံသာဆိုလျှင် ဆုံးရှုံးမှု သက်သာပါလိမ့်မယ်။ ထို့ပြင် ဦးကြီးကျွေးထားသော မြေဩဇာပမာဏ (၄ ဧကအတွက် ၃ အိတ်) သည် ပုံမှန်ထက် နည်းနေသေးသဖြင့် မိုးစဲသွားပြီး (၅) ရက်ခန့်အကြာတွင် စပါးပင်များ ဝါကြောင်ကြောင်ဖြစ်ကျန်ခဲ့ပါက ၁ ဧကလျှင် ပုလဲမြေဩဇာ (၁၀) ပိဿာနှုန်းခန့် ထပ်မံဖြည့်စွက်ကျွေးပေးရန် လိုအပ်ပါလိမ့်မယ်။အပင်က မလိုရင်တော့ကျွေးစရာမလိုဘူးပေါ့ဗျာ။
ကျေးဇူးပါခဗျကန်သင်းကလုံပါတယ်လိုအပ်ရင်ပုလဲထပ်ပြီးကျွေးလိုက်ပါမယ်ခဗျ
စပါးခင်းအောက်ဆေးကျွေးချင်လို့အခုဖက်ကမိုးမပြတ်ဖြစ်နေလို့ပုလဲနဲ့၁၅ပတ်လည်ကျွေးမှာပါမိုးများရင်အာနိသင်ရော့နိူင်လားခဗျာ
မြေဩဇာကျွေးပြီးကတည်းက မိုးအဆက်မပြတ်ရွာသွန်းနေပါက အထူးသဖြင့် ရေပျော်လွယ်သော ပုလဲ (ယူရီးယား) နှင့် ၁၅ ပတ်လည်ထဲမှ နိုက်ထရိုဂျင်ဓာတ်များ ရေနှင့်အတူ မျောပါဆုံးရှုံးနိုင်ခြေ အလွန်များပါတယ်။ ဂျစ်ပဆန်ကတော့ အနယ်ထိုင်မှုနှေးလို့ ဆုံးရှုံးမှုနည်းပါတယ်။ အကယ်၍ လယ်ကွက်ထဲမှ ရေများ ကန်သင်းကျော်ပြီး အပြင်သို့ စီးထွက်သွားပါက မြေဩဇာ အများအပြား ဆုံးရှုံးနိုင်သော်လည်း၊ ကန်သင်းလုံပြီး ရေအိုင်ရုံသာဆိုလျှင် ဆုံးရှုံးမှု သက်သာပါလိမ့်မယ်။ ထို့ပြင် ဦးကြီးကျွေးထားသော မြေဩဇာပမာဏ (၄ ဧကအတွက် ၃ အိတ်) သည် ပုံမှန်ထက် နည်းနေသေးသဖြင့် မိုးစဲသွားပြီး (၅) ရက်ခန့်အကြာတွင် စပါးပင်များ ဝါကြောင်ကြောင်ဖြစ်ကျန်ခဲ့ပါက ၁ ဧကလျှင် ပုလဲမြေဩဇာ (၁၀) ပိဿာနှုန်းခန့် ထပ်မံဖြည့်စွက်ကျွေးပေးရန် လိုအပ်ပါလိမ့်မယ်။အပင်က မလိုရင်တော့ကျွေးစရာမလိုဘူးပေါ့ဗျာ။
ဂန္ဓပန်းအခုမှစမ်းစိုက်ကြည့်မလို့ပါစိုက်ပျိုးနည်းစနစ်လေးသိချင်လို့ပါခင်ဗျာ
ကျွန်တော့် ညီ/အကို/မောင်နှမများ ဆရာများ ခင်ဗျ ပဲကြီးစိုက်ပျိုးနည်းလေးရှိရင် မျှဝေ ပေးကြပါအုံးနော်🥰 စိုက်ပျိုးရမည့်အချိန် စိုက်ပျိုးသင့်သော မြေ (ဒေသ) စိုက် ၁ ဧက ဘယ်လောက် နှုန်း စိုက်သင့်လည်း စိုက်ပျိုးပြီး ဘယ်အချိန်တွေမှာ ပေါင်းနုတ်မျက်သင်လုပ်ရလည်း? အားဆေး ကာကွယ်ဆေး ဘယ်အချိန် ဖြန်းသင့်လည်း? စိုက်ပျိုးပြီး ဘယ်နှစ်လအကြာ ရိတ်သိမ်းရမလည်း? ၁ ဧက အထွက်နှုန်းထား ဘယ်လောက်ထွက်လည်း? ဒါတွေတကယ်မသိလို့ မျှဝေပေးပါအုံး🥰😍😍
ဆရာတို့မိုးနှမ်းကြဲချင်လို့အထွက်နှုန်းကောင်းပြီးစျေးလည်းကောင်းရောဂါဒဏ်ခံနိုင်တဲ့မျိုးလေးလန်းညွှန်ပေးပါဆရာ
ဂျပန်နှမ်းဖြူစိုက်ပါ
ကျေးဌူးပါဆရာမျိုးကိုဘယ်မှာဝယ်လို့ရလဲဆရာ
ဆင်းရတနာ နှမ်းမျိုးများနှင့် အထွက်တိုးအောင်ဆောင်ရွက်ရမည့် နည်းလမ်းများ *********************************************** ဆင်းရတနာနှမ်းမျိုးများနှင့်အထွက်တိုးအောင်ဆောင်ရွက်ရမည့် နည်းလမ်းများ ကို လာမယ့် ဆောင်ရာသီ စိုက်ပျိုးချိန်အမီ တောင်သူဦးကြီးများအတွက် Pisaya Info မှ စုစည်းတင်ပြပေးလိုက်ပါတယ်။ #ဆင်းရတနာ ( ၃ ) ၁။ အသက်ရက် - ၈၅ - ၉၀ ၂။ အပင်ပုံစံ - ကိုင်းဖြာ ၃။ အပင်အမြင့် ( cm ) - ၁၀၀ -၁၂၀ ၄။ ပန်းစတင်ပွင့်ရက် - ၃၀ ရက် ၅။ အရွက်ထွက်ပုံ - ရွက်လွှဲ ၆။ အသီးပုံသဏ္ဍာန် - သီးပြား ၇။ အသီးအရှည် ( cm ) - ၂. ၇ ၈။ တစ်သီးပါအစေ့ - ၆၈ ၉။ အစေ့အရောင် - အနက် ၁၀။ အစေ့တစ်ထောင် ( ဂရမ် ) - ၂. ၈ ဂရမ် ၁၁။ အထွက်နှုန်း ( တင်း ) - ၁၈ - ၂၆ ၁၂။ ဆီထွက်ရာခိုင်နှုန်း - ၅၀ ၁၃။ အစေ့ငုတ်ချိန် - မရှိ ၁၄။ အလင်းရောင်တုန့်ပြန်ချိန် - မရှိ ၁၅။ စိုက်စနစ် - ၁၅’’ × ၄’’တစ်သိန်းလေးထောင် ၁၆။ အသီးထွက်မှုပုံစံ - စုံတက် ၁၇။ ထူးခြားချက် - ရေငတ်ဒဏ်ခံနိုင်သည်။ အထွက်နှုန်းကောင်း။ #ဆင်းရတနာ ( ၄ ) ၁။ အသက်ရက် - ၈၀ - ၈၅ ၂။ အပင်ပုံစံ - တပင်တိုင် ၃။ အပင်အမြင့် ( cm ) - ၈၀ -၁၂၀ ၄။ ပန်းစတင်ပွင့်ရက် - ၂၉ ရက် ၅။ အရွက်ထွက်ပုံ - ရွက်လွှဲ ၆။ အသီးပုံသဏ္ဍာန် - သီးပြား ၇။ အသီးအရှည် ( cm ) - ၂. ၇ ၈။ တစ်သီးပါအစေ့ - ၆၀ - ၈၀ ၉။ အစေ့အရောင် - အဖြူ ၁၀။ အစေ့တစ်ထောင် ( ဂရမ် ) - ၃. ၀ ဂရမ် ၁၁။ အထွက်နှုန်း ( တင်း ) - ၁၅ - ၂၂ ၁၂။ ဆီထွက်ရာခိုင်နှုန်း - ၄၅ - ၄၆ ၁၃။ အစေ့ငုတ်ချိန် - မရှိ ၁၄။ အလင်းရောင်တုန့်ပြန်ချိန် - မရှိ ၁၅။ စိုက်စနစ် - ၁၅’’ × ၂’’ အပင်ဦးရေ နှစ်သိန်းကျော် ၁၂’’ × ၄’’ တစ်သိန်းခုနှစ်သောင်းခန့် ၁၆။ အသီးထွက်မှုပုံစံ - ပဒေသာသီး ၁၇။ ထူးခြားချက် - မိုးကြိုရာသီတွင် ရေသွင်းစိုက်ပျိုးရန်အသင့်တော်ဆုံးဖြစ်သည်။ ရေကောင်းမြေကောင်းကြိုက် စုပ်ပိုးနှင့်နှမ်းဖိုရောဂါဒဏ်ခံနိုင်။ ယိုင်လဲမှုဒဏ်ခံနိုင်သည်။ #ဆင်းရတနာ ( ၅ ) ၁။ အသက်ရက် - ၈၀ - ၈၅ ၂။ အပင်ပုံစံ - ကိုင်းဖြာ ၃။ အပင်အမြင့် ( cm ) - ၁၀၀ -၁၂၀ ၄။ ပန်းစတင်ပွင့်ရက် - ၃၅ ရက် ၅။ အရွက်ထွက်ပုံ - ရွက်လွှဲ ၆။ အသီးပုံသဏ္ဍာန် - သီးပြား ၇။ အသီးအရှည် ( cm ) - ၂. ၅ ၈။ တစ်သီးပါအစေ့ - ၆၅ ၉။ အစေ့အရောင် - အဝါ ၁၀။ အစေ့တစ်ထောင် ( ဂရမ် ) - ၃. ၀ ဂရမ် ၁၁။ အထွက်နှုန်း ( တင်း ) - ၁၄ - ၂၃ ၁၂။ ဆီထွက်ရာခိုင်နှုန်း - ၅၀ ၁၃။ အစေ့ငုတ်ချိန် - မရှိ ၁၄။ အလင်းရောင်တုန့်ပြန်ချိန် - မရှိ ၁၅။ စိုက်စနစ် - ၁၅’’ × ၄’’ တစ်သိန်းလေးထောင် ၁၆။ အသီးထွက်မှုပုံစံ - ဝါးတက် ၁၇။ ထူးခြားချက် - ရေသွင်းနှမ်း ဆည်ရေသောက်ေးသများနှင့်သင့်တော်သည်။ အပူဒဏ်ခံနိုင်။ သက်လျင်အထွက်ကောင်းမျိုး။ နှမ်းပန်တိုင်အထွက်နှုန်းတိုးရန်ဆောင်ရွက်ရမည့်နည်းလမ်းများ ၁။ မိုးကြိုးထယ်ရေးပြုလုပ်ပါ။ ၂။ မိုးရွာလျှင်ရွာခြင်း မြေပြုပြင်ရာတွင်ထယ်နက်နက်ထိုးပြီး ထွန်ရေးညက်အောင်ပြုလုပ်ပါ။ ပေါင်းမြက်ကင်းစင်အောင် ဆောင်ရွက်ပါ။ ၃။ စိုက်ထယ်ရေးပြင်ချိန်တွင် တစ်ဧကလျှင် နွားချေးဆွေး ( ၁ ) တန်မှ ( ၃ ) တန်အထိ ထည့်ပေးပါ။ ယူရီးယား ( ၅၆ ) ပေါင်၊ တီစူပါ ( ၅၆ ) ပေါင်၊ ပိုတက် ( ၅၆ ) ပေါင်ကိုညီညာစွာ ထည့်ပေးပါ။ ၄။ ထွန်ရေးရပြီးလျှင် မြေညီရန် ကြမ်းတုံးရိုက်ပါ။ ၅။ မိုးနှမ်းကို မေလ နှင့် ဇွန်လအတွင်း၊ ဆောင်းနှမ်းကို စက်တင်ဘာလကုန်အတွင်း၊ နွေနှမ်းကို ဖေဖော်ဝါရီ ( ၁၅ ) မှ၊ မတ်လ ( ၁၅ ) ရက်အတွင်းအပြီးစိုက်ပျိုးပါ။ ၆။ အထွက်ကောင်းမျိုးများဖြစ်သည့် ဆင်းရတနာ -၃ ၊ ဆင်းရတနာ -၄ ၊ ဆင်းရတနာ - ၅ နှင့် နှမ်းနီ ( ၂၅/ ၁၆၀) ကြယ်မရှောင်မျိုးများကို အသုံးပြုပါ။ ၇။ ကိုင်းဖြားသောမျိုးကို တန်းကြား ( ၁၅ ) လက်မ၊ တစ်ပင်တိုင်မျိုးကို ( ၁၂ ) လက်မ စိုက်ကြောင်းဆွဲချပြီး တစ်ပင်နှင့်တစ်ပင်ကြား ( ၄ ) လက်မထား၍ သားခွဲရန်။ ၈။ မျိုးစေ့ကို ( ၁-၁.၅) လက်မအတွင်း ၇ရှိအောင် ဆောင်ရွက်ပါ။ ၉။ ပုံမှန်အရွက် ( ၄ - ၆ ) ရွက် ထွက်ချိန် အပင်သက်တမ်း ( ၂ ) ပတ်သားတွင် တစ်ကျင်းတစ်ပင်ချန် သားခွဲခြင်း ဆောင်ရွက်ပါ။ ၁၀။ အပွင့်စပွင့်ချိန်တွင် ယူရီးယား ( ၂၈ ) ပေါင်နှင့် ပန်းမြိုင်မြိုင်ပွင့်ချိန်တွင် ယူရီးယား ( ၂၈ ) ပေါင် ထည့်သွင်းပါ။ ၁၁။ နှမ်းသားခွဲပြီးချိန်မှ အပွင့်စပွင့်ချိန်ထိ ဇိစစူပါ ရွက်ဖျန်းမြေသြဇာကို တစ်ပတ်ခြားတစ်ကြိမ် ဖျန်းပေးပါ။ ၁၂။ မိုးရွာသွန်းပြီး မြေထန့်ချိန်တွင် ကြားလိုက်ခြင်း၊ လက်ပေါင်းလိုက်ခြင်းများဆောင်ရွက်ပါ။ အပင်ပေါက်သည်မှ ( ၃၀ ) ရက်အတွင်း ပေါင်းမြက်ကင်းအောင် ဆောင်ရွက်ပါ။ ၁၃။ နှမ်းသည် ရေဝပ်ခြင်းကို လုံးဝမနှစ်သက်သဖြင့် ရေသွင်းရေထုတ် လွယ်ကူစေရန် ရေထုတ်မြောင်းများ၊ စိမ့်မြောင်း၊ ပတ်မြောင်းများ ပြုလုပ်ပါ။ ၁၄။ အပွင့်စပွင့်ချိန်မှ အပွင့်တိတ်ချိန်အတွင်း ရေလိုအပ်မှုမရှိစေရန် လိုအပ်ပါက ရေသွင်းပါ။ ၁၅။ အပင်ငယ်စဉ်တွင် စုပ်ပိုးများနှင့် နှမ်းဖိုရောဂါ ကူးစက်စေသော ဖြုတ်ညိုတို့အား ထိရောက်စွာ ကာကွယ်ပါ။ ၁၆။ နှမ်းရိုးမဲ ရောဂါအတွက် မှိုသတ်ဆေးများသုံးစွဲ၍ ကြိုတင်ကာကွယ်ပါ။ ၁၇။ အပင်အောက်ပိုင်းရှိ စီးတောင့် ( ၄ - ၅ ) သီးခန့် ဝါလာလျှင် သို့မဟုတ် အလယ်သီးများအား ခွဲကြည့်၍ အရောင်ရင့်ပါက ရိတ်သိမ်းပါ။ ၁၈။ နှမ်းထောင်စနစ်ကို အသုံးပြု၍ အလေအလွင့်နည်းအောင် ရိတ်သိမ်းပါ။ ၁၉။ နှမ်းပုံချိန်နှင့် နှမ်းထောင်ချိန်တွင် နှမ်းစေ့စုပ်ပိုးဖြစ်သော ( Blacl Bug )များ ကျရောက်တတ်၍ အဆိပ်အတောက်ကင်းသော ဟင်းသီးဟင်းရွက်ဖျန်းဆေးများသုံးစွဲ၍ ချက်ခြင်းနှိမ်နင်းပါ။
အထူးအကြံဉာဏ်ရရှိရန် အမျိုးအစားတစ်ခု ရွေးပါ
မှန်ကန်သော အမျိုးအစားရွေးချယ်ခြင်းက သင့်ကို သင့်လျော်ဆုံး စိုက်ပျိုးရေးပညာရှင်နှင့် ချိတ်ဆက်ပေးပါသည်။
ဆက်လက်အသုံးပြုရန် ဝင်ရောက်ပါ
